الموضوع: الحقوني يا جماعة... لوجي بقالها شهر بتستحمى بمسحوق اطباق وحلل

المشاركة الأصلية كتبت بواسطة hamadamdph

النهارده كنت حرتكب جريمة في مدينة الرحاب

فيه كذا واحد في السوق عاملين عرض انك تغسل عربيتك 4 مرات ب 50 جنيه

المهم اشتركت فيه عشان لقيت مكتوب في الكتالوج انه من المستحب غسل العربية باستمرار عشان تحافظ على الصاج وتزيل من عليه اي حاجه بتجرحه او تتفاعل مع الدوكو

زمان انا كنت بلاحظ ان صابون العربيات الموجود في الكمبريسور بيكون فوم
واول ما بتنزل عليه الميا بينزل مرة واحدة

النهارده رحت سيبت العربية ساعة عشان الطنابير بتبقى سخنة
ودخلت اغسلها لاحظت ان الصابون زي ما يكون رغاوي حوض مطبخ
ولما الميه تنزل عليها بيسيل زي ما تكون بتغسل اطباق

بقول صاحب الورشة هو ايه نوع الفوم اللي بتستخدمه
لقيته بيقولي وهو ماسك جركن كبير

بنستخدم صابون فيبا أحسن صابون في السوق:i_angr1[1]::i_angr1[1]::i_angr1[1]:
فكرني بمحمد هنيدي : لبن باور فاميل احسن لبن في مصر

انا كنت هعيط
كان هاين عليا اخد العربية وامشي بس هي مليانة صابون, المهم انه فتح الغطا وبيقولي شوف ريحة الليمون بتبقى تحفة على العربيا :l_bhuhhh[1]::l_bhuhhh[1]::l_bhuhhh[1]::l_bhuhhh[1]:

يعني اروح فين عشان اغسل العربية اطلع القمر, في عين شمس صابون سايل
في القاهرة الجديدة في بتزينه مصر الراجل حب يستنصح عليا بيقولي احنا بنجيب صابون خاص وبنحط عليه مواد ((متخصصة)) عشان تضيع ملوحة الميا, على اعتبار اني من جزر القمر وعلى اعتبار انه شغال في محطة معالجة ميا, كمان شوية لمحت واحد بيقول الصابون خلص, وراح يجيب صابون سايل اخضر من اللي بيتباع سايب بيفضيه في التانك بتاع الصابون

يعني اخد عربيتي احميها في البانيو بتاع بيتنا عشان احافظ عليها

انا مقدرش امسك جردل واقعد اغسلها, مفيش وقت ومفيش خلق
دا غير ان مفيش حنفيات او خراطيم اقدر ادلدلها في العمارة بتاعتي عشان اغسلها عشان اتاكد ان الصابون راح

العربية فعلا بعد الغسيل : زي الصيني بعد غسيله ::: تسمع صوت النظافة لا تقولي واكس ولا فاكس
تمسح صباعك عليها تحس انه مبيمشيش اصلا

اعمل ايه ؟؟؟؟
وهل استمر على الناس دي؟؟؟؟
وايه التأثير على الصاج على المدى البعيد
حد يرد علياااااااااااااااااااااا ااااااااااااااااااااااا:i_a ngr1[1]::i_angr1[1]::i_angr1[1]:

يانهار ابيض !!!!!!!!!!!!
انا كنت هاشترك في العرض ده بس كبرت دماغي
المشكله اني غسلتها عندهم مرتين بس بالطريقه دي انا مش هروحلوهم تاااني
انا عارف انه مينفعش تقول اسم الورشه هنا بس هو العرض ده كان معاه فواحه هديه والورشه عريضه وفي منها جزء للصيانه وجزء للغسيل
لو هي دي يبقى فعلا مش هروحلوهم تاني