تقريرعن فيات لينيا تربو الفئة الثانيه
بسم الله الرحمن الرحيم
أولا أحب أعرفكوا بنفسي أنا أحمد إبراهيم طالب في هندسة حلوان
العربية الي معايا هي الفيات لينيا تربو الفئة التانيه
أنا لحد النهاردة عامل بالعربية ٥٠١ كم وأعتقد ده رقم كافي لتقييم مبدأي للعربي
نيجي لمواصفات من الكتالوج
الموتور: ٤ سلندر مع تربو ١٢٠ حصان عند ٥٠٠٠لفة\دقيقة ٢٠٦ نيوتن.م عند ١٧٥٠لفة\دقيقة
نظام الحقن:timed,sequential electronic mpi
الفتيس:٥ نقلات+الخلف بدبرياش هيدروليك
السحب:أمامي
نظام التوجيه:باور هيدروليكي
الفرامل: ديسكات-مهواة أمامي ديسكات خلفيه abs+ebd
نظام التعليق:
front: independent wheel McPherson set-up, telescopic double-acting shock absorber, stabiliser bar with ball joint rods
rear: interconnected wheels with torsion beam telescopic shock absorber, roll bar
الأبعاد:
قاعدة العجلات:٢٦٠٣
المسافة بين العجل: الأمام ١٤٦٧ الخلف ١٤٨٣
الطول الكلي:٤٥٦٠
العرض الكلي: ١٩٤٦
الإرتفاع الكلي (بدون تحميل):١٤٩٤
الشنطة: ٥٠٠ لتر
العجل: ١٩٥\٥٥\أر١٦ مع عجل بريدجستون سرعات حتى ٢٢٠:3mla:
الكماليات:
multifunction
blue&me:colsmil:
زجاج كهربى
ريموت (مع إمبوليزر)
راديو سيدي مع usb
طارة تتحرك في ٤ إتجاهات
تحكم في إرتفاع وإنخفاض كرسي السواق مع أكياس هواء للظهر(هيتم شرحة بعدين)
تكيف تاتش
مرايات كهربى
٦ إيرباج :B4_007:
شاشة رحلات
فولو مي
أنوار ضباب
جنوط:3mla:
نبتدي على بركة الله التقييم
من الخارج:
http://img687.imageshack.us/img687/1130/dsc0054zt.jpg
العربية شكلها من برة مميز ومش شبه أي عربية ويدي على عربية فخمة ويدي أكتر من سعرها بكتير
http://img840.imageshack.us/img840/9531/dsc0057c.jpg
الجنط شكلة حلو (مش تحفة كان نفسي في بتاع البرافو ال١٥٠ حصانhttp://www.nilemotors.net/Nile/image...um1%5B1%5D.gif)
نيجي بقى نفتح الكابوت ونشوف التقفيل(الي إتقال إن تقفيل السبيرانزا أحسن منه:ma:):
نظرة عامة على الموتور
http://img826.imageshack.us/img826/5921/dsc0051vb.jpg
أعتقد المنظر مش محتاج كلام والتربو منور على الموتور
نيجي نشوف بطانة الكبوت
http://img836.imageshack.us/img836/4066/dsc0052sf.jpg
مش هتكلم لإن الصورة واضحة جدا
نبص بصة على الرادرياتير وسربنتينة التكيف قبل ما نقفل الكبوت
http://img185.imageshack.us/img185/3531/dsc0053kf.jpg
قبل ما ندخل العربية:
نبص بصة سريعة على المفتاح
من الخلف
http://img709.imageshack.us/img709/7241/dsc0060ha.jpg
شعار الفيات والمفتاح خامتة كويسة (عاديه)
من الأمام
http://img205.imageshack.us/img205/1733/dsc0058uh.jpg
بالترتيب الزرار الفضي لإخراج المفتاح وإدخال المفتاح (بس كان هيبقى أحلى لو كان شعر فيات زي البرافو)
بعديه زرار الفتح - زرار القفل - الشنطة
المفتاح بعد طلوعة من داخل الريموت
http://img46.imageshack.us/img46/4338/dsc0059l.jpg
جوه العربية:
ندوس على الريموت ونفتح الباب تحس إن الباب تقيل وماسك نافسه
ونركب في الكنبة الي ورا الأول
تيجي تخش جوه العربية تقوم واقف مبلم وكإن صخرة وقعت فوق دماغك الفرش بيج فاتح في مصرhttp://www.nilemotors.net/Nile/image...ajd%284%29.gif (العربية هتبقى طينة في يومين -ويبقى هتضيع يوم في الأجازة عشان تجيب فرش-)
http://img844.imageshack.us/img844/7206/dsc0044i.jpg
تيجي تعد في الكنبة تحس إنك قاعد في صالون البيت كراسي مريحة لأبعد حد والمساحة كبيرة جدا ولو طولك ٢ متر هتعد مستريح وممكن تمدد كمان
جربت رجعت كرسي السواق للأخر وأعدت وره أنا طولي متوسط ١٦٩ سم -هسيب الصورة تتكلم-
http://img844.imageshack.us/img844/5474/dsc0041jr.jpg
تقوم قايم بعد الإحساس بالوسع الداخلي الرهيب وتقول طبعا الشنطة هتبقى ضيقة ومتشلش حاجة
وتقوم فاتح الشنطة -ألاقي صاحبي في المعرض يقول "هات لحاف عشان أنا داخل أنام في الشنطة"-
http://img541.imageshack.us/img541/2166/dsc0055zp.jpg
هتقولي مش مصدق إنها واسعة هقولك تب لو قعدتلك فيها وممكن أركب ٣ معيا في الشنطة على الأقل
http://img824.imageshack.us/img824/3932/dsc0056s.jpg
تيجي تقفل الكنبة الي ورا عشان نوسع الشنطة ونقوم شدين القاعدة كده
http://img839.imageshack.us/img839/7876/dsc0092jo.jpg
نيجي نشد الظهر تلاقيه مبينزلش وتعد تدرو منين تنزل الضهر تلاقي الشريطة دي ورا مسند الراس
http://img683.imageshack.us/img683/4494/dsc0095is.jpg
ونطبق الضهر
http://img339.imageshack.us/img339/3513/dsc0096bx.jpg
ونبص من بره على الشنطة بعد العمليه دي
http://img709.imageshack.us/img709/667/dsc0097if.jpg
مش محتاجة كلام
كفايه كده فرجة على العربية ورغي فاضي ملوش لازمة
نيجي نركب مكان السواق ونبص على التابلوه
http://img827.imageshack.us/img827/5862/dsc0045q.jpg
http://img97.imageshack.us/img97/7338/dsc0048mv.jpg
http://img820.imageshack.us/img820/6660/dsc0061wb.jpg
طبعا الشكل أذواق بس أنا شايف جمال التابلوه والعربية ككل في بساطتها
بعد ما أعدت تحس إن الكرسي متفصل عليك والجناحات في الجناب مثبتاك في الكرسي والقطيفة بتاعت الكرسي ملمسها رائع
نبتدي على بركة الله ندور العربية
نحط المفتاح ونلف تقوم العربية تدور وتسمع صوت المتور لثانيه وبعد كده تيجي تسمع مش سامع صوت الموتور وتعد تسأل نفسك العربية دايرة ولا ﻷ :POINTI~2[2]: تبص على العدادات وتلاقي العربية دايرةhttp://www.nilemotors.net/Nile/image...1_1%5B1%5D.gif
نيجي نظبط أعدة الكرسي: هتلاقي كل حاجة عادية لكن بكرة الظهر مكانها غلس شوية عشان تلفهاhttp://www.nilemotors.net/Nile/image...um1%5B1%5D.gif
http://img26.imageshack.us/img26/6185/dsc0063oz.jpg
نيجي بقى للمتعة الحقيقية وللزرار ده تحت المسند الي بين الكرسيين الي قدام
http://img26.imageshack.us/img26/6532/dsc0086uf.jpg
وده بينفخ كيس هوه في ظهر الكرسي عشان تعد مستريح
بعد كده نظبط المرايات هتلاقي المرايات الجانبية تحفة وبتجيب حارتين يمين وحارتين شمال وبتدي أبعاد واقعيه جدا بعكس المرايه الي في النص بتكبر قوي وبتحسسك إن العربية الي وراك ب٢٠ متر كإنها عندك في الكنبة الي ورا:fdsa:
http://img717.imageshack.us/img717/225/dsc0050.jpg
تحط إدك على الفتيس تحس بفخامة الجلد ونعومة النقلات وكمان الR من غير سوسته:verygood:
http://img830.imageshack.us/img830/8964/dsc0085b.jpg
نبتدي نسوق العربية
صوت الموتور هادي جدا وتقريبا مش مسموع وطول ما إنت ماشي براحة (رجلك خفيفة على البنزين) التربو مش هيشتغل أكتر من التلت وإستهلاك العربية على سرعة من ٨٠ ل١٠٠ كم\ساعة ٧لتر\١٠٠كم وأوقات أقل إستهلاك زي الفل:B4_007:
تيجي بقى تحب تقرص على العربية:3mla:
تلاقي العربيه طارت بمعنى الكلمة وصوتها على وصفارة التربو تسمعها بس واطيه قوي لازم تركز في الصوت والتربو بيوصل ١٠٠٪ والrpm بيتحرك بسرعة فظيعة وأول ما الrpm يوصل ل٥ تنقل تلاقيه نزل ل٤ في ثانيتين بالكتير تلاقي الrpm على ٥ وتنقل ويكفيني شرفا إني زعلت سيفيك على الدائري وفرنا على طريق السندباد والعربية الوحيدة الي طلعت مني golf tsi مش ال١٦٠٠ وإبتدى يفرق مني على ١٦٠ بس فرق بشكل بسيط
وإستهلاك العربية مع القرص والإفترا ١٠لتر\١٠٠كم رقم تحفة بالنسبة لعربيه بالتسارع ده:colsmil:
نيجي على أهم حاجة لإن عربية طلقة وبدون ثبات يبقى هبل
العربية غيرتلي مفهوم الثبات عندي أنا زمان كنت بقول على الكورولا٢٠٠٦ (الي معايا في السعوديه) ثباتها أديه ٤ من ٥ بعد ما ركبت العربية دي أدي الكورولا٢٠٠٦ ٢.٥ من ٥ وكده أبقى كارم العربية في التقييم العربية ثباتها خرافة أنا بعد المقابلة كنت ماشي في مصر الجديدة على ١٢٠ قبل نفق الثورة كإني رايح الكربة وماشي في أخر حارة يمين ومرة واحده ال............* الي قدامي إفتكر إنه هيقف وكلبش فرامل قمت كاسر شمال لقيت الي على يمينه بيكلبش فرامل معاه قمت على السرعة دي لفيت الدركسيون نص لفة شمال http://www.nilemotors.net/Nile/image...ajd%284%29.gif وعلى الحارة الأخيرة شمال لقيت نفسي هنزل النفق وأنا عايز أروح صلاح سالم رحت كاسر الدركسيون نص لفة يمين ورجعت أخر حارة يمين تاني الكلام ده كان في مسافة لا تتعدي ال٥٠ متر طبعا أي عربية يحصل فيها كده هتلاقي نفسك وشك في وش العربيات(١٨٠ درجة) والبقاء لله
بس والله العظيم العربية ما جنحت حتى:ma:
والغرز والملفات على الدائري على ١٦٠ كإنك واخدها على ١٠٠ العربية ماسكة في الأرض
نيجي بقى للعافشة والمطبات العربية عفشتها متوسطة ولا هي ناعمة ولا هيه ناشفة بس مريحة جدا في المطبات والحفر والبلاعات محستش بيهم خالص وحتى عين القطة دوست عليهم على ١٢٠ الدركسيون ولا كإن فيه حاجة والعربية مبتترجش ويدوب سامع صوت العجل من عين القطة بس لو واحد جامبك مش هيحس إنك دايس عليهم أصلاhttp://www.nilemotors.net/Nile/image...6_3%5B1%5D.gif
العزل العربية عزلها تحفة بس مشكلته إنك تبقى ماشي على ١٦٠ ومش حاسس وفاكر نفسك ماشي على ٨٠ بالكتير ممكن تلاقي :policeman: بيقولك كاسر سرعة وإنت مش حاسس ولو قفلت الإزاز إستحالة تحس بالسرعة:B4_388:
أما الفرامل ما شاء الله بتوقف في ثواني والabs بيشتغل لو فيه تراب في الأرض وإنت على سرعة عاليه حتى لو مكلبشتش فرامل
نروح بقى لكمبيوتر العربية
زرار الtrip في الدراع بتاع المساحة وميزتة عن بقيت العربيات إنه بيديك العربية فيها بنزين يمشيك قد إيه ومتوسط الإستهلاك والإستهلاك اللحظي ووقت الرحلة ومتوسط السرعةhttp://www.nilemotors.net/Nile/image...c1a%5B1%5D.gif حاسس إنه كمبيوتر طياره (بيفكرني بكمبيوتر الفورد الي معايا في السعودية موديل ٩٤ بس الكمبيوتر مبيديش متوسط السرعة ولا زمن الرحلة)