-
مساعدة لموتور لإيبيزا 99
السلام عليكم ورحمه الله....دي اول مشاركة ليه في نايل كان نفسي تكون بحاجة مفيدة للمنتدي بس انا محتاج مساعدتكم ضروري.... الموتور بتاع العربية ال1000سي سي فوت وإن شاء الله هغيره بواحد 1600 مو 1998سؤالي اجيب معاه ايه؟يعني الموتر بيجي بالفتيس بتاعه بالكونترول في حاجة تاني...يعني اغير معاه الشكمان ولا بتاع ال1000 مش هيضر الموتور ويكتمه.. والموبينه زي مهي ولا تتغير؟الكبالن هتتغير ولازي مهي؟ ومين الميكانيكي الأمين اللي يشتغللي فيها انا ساكن بجسر السويس في النزهة الجديدة وشكرا ليكم
-
خش علىلنك الموضوع اللي تحت صوره التوقيع بتاعي لان انا سقطت نفس المكنه اللي انتا عاوز تسقطها
-
بس الفكرة ان العربية واقفة والماديات قليلة حبتين يعني انا عايز اسقط المكنة ال1600 بالفتيس بالكونترول بالضفيرة وتمشي العربية عادي واغير في العفشة حبه حبه لغايه مالفلوس تزيد شويه معايا....انا قولت انزل ال1000سي سي زي اللي كان فيها بس خسارة فيه انزل 1600 احسن...بس السؤال العربية تمشي عادي مؤقتا ولا انزل ايه بالظبط في العفشة اساسي وبعد كده حاجة حاجة يارب تكونوا فهمني وياريت تساعدوني بجد العربية بقالها3 اسابيع واقفة
-
يبقى تستنى أو تعمل جمعيه تكمل بيها موتور لوحدو مش هينفع
لازم موتور بفتيسه بضفيرته بكنتروله بشكمانه بكابلنه وفرامله ومساعدينه وسوسته دا لو الموتور ال 1600 ابو مانفول حديد
لكن لو الموتور اللى شبه الألف عندك مش هيفرق كتير قوى بالنسبه للعفشه لأن الموتور هو هو الفرق فى البلوكه بس البستم من الداخل اوسع
بس بردو الأفضل تعملها مره واحده عشان ترتاح
-
انت قصدك المانفول اللي فيه فلتر الهوا دا فيبر الموتور ده مو98 1.6
انا متهيألي الشكمان اكتر حاجة في الأولوية وامشي بيها وبعد كده حاجة حاجة ايه رأيك؟:majd(4):
-
وفي حاجة في ناس تقوللي هات الموتور اوتوماتيك وبعد كده غير الفتيس مانوال لأن ده يضمن لك حالته تكون كويسة
السؤال انا شوفت موتور مانوال في نص انا متحمس اخده عن الموتور مش في نص؟ايه رأيك
-
الكهربائي بيقولي هات الكنترول من غير ضفيره ايه رأيك؟ بجد ربنا يجزيك كل خير يا محمد وياريت بقية الأعضاء يقولوا ايه الصح اللي ممكن الواحد بيعملوا؟
-
اخي الفاضل
هو انت مواصفات عربيتك أصلا ايه من غير ما تركب مواتير
يعني لو عندك تكيف وباور أعتقد والله أعلم انها مش هتحتاج ضفيرة الا لو كان الموتور الجديد فيه حساسات وأجزاء مختلفة عند القديم ممكن تشوف كهربائي يشوفلك القديم والجديد والفرق بين الضفيرتين للقديم والجديد لو نفسها في كل حاجه بنفس الفيش يبقي توكل علي الله وركب الموتور والكنترول فقط وربنا يوفقك
هو موتورك القديم ايه اللي فيه موقفه كده ؟؟؟؟؟؟؟
-
الموتور القديم 1000 سي سي ايبيزا99 هو فوت لأن كان بياكل زيت من سنة ودلوقتي كبسه راح وبيرمي زيت عالبوجيهات والعربية طبعا مبتدرش انا مستخسر فيه الشمبر
مفيش باور في تكييف متهيألي بلدي صاحبها اللي فات كان مركبه وهو ده اللي جاب اجل الموتور وفي خراطيم تكييف
انا مش ناوي علي باور دلوقت فافك الطرمبة من المكنةال1600 ولا اخليها لغايه مجيب مشتملات الباور خراطيم وخزنه وكده؟
-
بص افضل حاجه قلتها أن فى موتور موجود فى نص كدا هتاخد الموتور بالضفيره بالكنترول بالفتيس زى ماهما تحطهم فى عربيتك
الكهربائى غلطان مش هينفع تشتغل على الضفيره القديمه ولو نفع العربيه عمرها ماهتظبط معاك لأن أكيد فى أختلاف ولو اتعملها التعديل عمره ما هيبقى زى الفابريكه والمفروض انك لما بتدفع ثمن الموتور بتبقى دافع ثمن الضفيره والكنترول يبقى ليه سيب حقك ومدام بتقول النص كامل يبقى ممكن تتفق معاه انك تاخد محتويات النص كلها من موتور وعفشه
أنا مره كنت متفق مع واحد على انى اخد الموتور بالعفشه بالفتيس بالضفيره بالهيدر بتاع الشكمان يعنى من الأخر هنفضله النص وكان بيكلمنى فى 4500 كان موتو 1400 سى سى 65 حصان بتاع بولو
Content Relevant URLs by
vBSEO 3.6.0 PL2