يا جماعة عندي جنطين اتعوجوا اعمل ايه :I_angr1[1]:
عرض للطباعة
يا جماعة عندي جنطين اتعوجوا اعمل ايه :I_angr1[1]:
حديد ولا سبور
جنوط الجين ولا جنوط تانية
فى جميع الأحوال عليك و على بتاع إستعدال الجنوط اللى فوق نفق الملك الصالح بالمنيل (هوه مشهور أوى هناك)
انت ازاي عملت كدا؟
اكيد خد بلاعة محترمة من بتوع مصر الجميلة
حصلت معيا قبل كدا متقلقش الجنط بيستعدل وبيبقا تمام والتكلفة بسيطة
بس طبعا اوعى تمشى بالعربية وهى كدا يعنى فك الجنوط وخدهم وروح
ولو تقدر تستنى لغايت يوم الخميس اكون استلمت العربية ان شاء الله
اوصلك واعرفك على واحد بتاع كوتش كويس
شكرا يا جماعة على الردود، الجنط سبورز واللي اتعوجوا ال2 اللى ناحية الشمال بس انا مش فاكر اني اخدت مطب جامد
المهم العربية حدفة شمال جامد فهل ده السبب بردة
ا. اسلام شكراً على الرد - هو بياخد وقت اد ايه
وفى واحد اسمه علاء الدين فى نهاية نزلة المريوطية من على الدائرى
حد يعرف السعر حوالي كام وانهي احسن اللي عند كوبري الملك الصالح او المريوطية
هل الجنط يرجع زي ما هو؟
هل الموضوع ده يخللي العربية تحدف؟
انا خدت بلاعة علي سرعة 1 كيلو فالساعة!!!!
يعني العربية وقعت بس فيها
ازاي اعرف ان الجنط كويس ولا ايه؟
هوه إيه أصلا اللى خلاك تقول أن الجنوط أتعوجت؟
هل عشان أن العربيه بقت بتحدف ولا حاجه تانيه؟
متقلقش مفيش حاجه حصلت
الكاوتش ميزته انه بيمتص الصدمات بأقبر قدر علشان متوصلش للكابينه
ولو السرعه عاليه والحفره مساحتها أكبر من حجم الكاوتش وأكلتها بكل عزم العربيه الكاوتش بيعمل اللى عاليه لغاية ما الخبطه توصل لشفة الجنط فتتنيه (الشفه فقط )
كده يبقى من السهل تتعالج بالأستعدال وديه ميزه طبعا" أحسن من الكسر
أغلبية الجنوط الصينى بتتكسر أو بتتشرخ مبتتعوجش
فمتقلقش من حاجه .
التوكيل قاللي لازم اعمل ترصيص و لما روحت علشان ارصص اكتشفوا الموضوع على الجهاز