ما هيا اخر تطورات موضوع علبة الدركسيون للسريون

كنت عايز اعرف يا جماعه لو حد عندو اخبار جديده عن موضوع علبة الدركسيون بتاعة السريون
لان الصوت عندي بدا يرجع تاني هوا مش زي الاول بس رجع يبقى ظاهر تاني وبالزات بعد ما ركبت الجتوط 15
وكمان موضوع ان الدركسيون الي بيلف ناحيه اكتر من ناحيه مكنتش مهتم بيه لانو مكانش مسببلي مشكله لاكن بعد ما غيرت الجنوط والكاوتش بدا يظهر مشكله بسبب الموضوع ده وهيا اني لما بكسر الدركسيون في الناحيه الي فيها زياده الي هيا الناحيه اليمين على اخره بسمع صوت حكه خفيف
ومبيطلعش الصوت ده في الناحيه الي مفهاش زياده يعني الناحيه الشمال
ياريت لو حد عندو اي اخبار عن الموضوع ده ياريت يقولي
مع العلم ان فترة الضمان بتاعتي قربة تخلص فاضلها بالزبط 6 شهور

مهو علي حسب كلام الخبير ميدو سيريون خبير العلب انهم معملوش علبه معدله ل 2007 لسه
وانا عن نفسي اعتقد انهم معلوش ولا ل 2007 2008 2009 حتي وانهم بيشتغلونا لا اكثر ولا اقل
بص ياباشا اعمل زي ميدو كل شويه يروح يغير العلبه روح غيرها تاني وخلاص

فعلا روح غيرها تانى زى ميدو ...ميدو هو السبب الرئيسى فى خساره الشركه من كتر العلب اللى بيغيرها ههههههههه

ميدو مين دة ياجماعة مش مهم

بس ياهيثم انا كنت متوقع الكلام دة يحصل وبالذات انت وضحت حاجة خطيرة جدا جدا
انا عرفت ازاى ان العربية كانت بتحود لفة اكتر من التانية
علشان كنت مكب جنط واجى اكسرة شمال اروح اسمع صوت حكة
فلما شلت الجنط لقيتة مجروح من الاطراف بس من جوة
ودة نتيجة الاحتكاك والله اعلم بالمساعد

اهم حاجة لازم تشيل الجنط وركب بتاع العربية وتحجز معاهم على يوم وتغيرها
لان دية حاجات اولية بتظهر معاك
انت لسة مشوفتش اية اللى بيحصل بعد كدة
من فقدان التوازن والعربية هتحدف جامد

طيب هوا انا لازم افك الجنوط ما اروحلهم بيها كده وخلاص
وكمان انا بقالي كتير مغيرها والحمد لله مشوفتش اي حدف ولا فقدان توازن بالعكس الحمد لله العربيه مبتحدفش خالص خالص وثابته على الارض جدا هوا كل الموضوع الصوت القديم بس اخف من الاول كمان
ولا انت قصدك مع الوقت ممكن تيجي الحجات دي بس معتقدش لو كانت هتيجي مع الوقت كان ظهر لها اي اثار انا عامل العلبه بقالي كتير داخل على سنه تقريبا اهو

الفكره انه ممكن يقولك انك سبب الحكه هو الجنط و ترجع من غير ما حاجه تحصل
فا قفل عليهم الموضوع و روح بلكاوتش العادي

اقتباس:

---

المشاركة الأصلية كتبت بواسطة rockana

الفكره انه ممكن يقولك انك سبب الحكه هو الجنط و ترجع من غير ما حاجه تحصل
فا قفل عليهم الموضوع و روح بلكاوتش العادي

---

انت حضرتك جبت من الاخر

انا ياهيثم كنت بروح بجنوط العربية الاصلين وكانوا لما يشوفوا العربية ملاكى الاسماعيلية يقولوا العربية ابو جنوط جت اهية
محسسينى انى اول واحد اركب جنوط وياريت كنت مكبر دة كان 14
ولما لقتهم هيتلككوا قلت اشترى دماغى واروح بالاصلين بتعها

انا مش بقولك لو حاجة ظهرت وانت مركب اكتر من سنة انا قصدى المشاكل هتظهر من بعد ماركبت الجنط متنساش انة مقاسة اكبر وانا حصلتلى المشاكل بجنط 14 مش 15
يعنى خد بالك الموضوع ممكن يفتح
وانا مغير عندهم بردة بلية العجل الليمين
بردة كان بسبب الجنط

بس من الاخر حاول تركب الاصلين وغير العلبة وركب حتى جنط16
بس متسيبش الموضوع كدة

و عندك واحد علبه دركسيون كمان
الصوت بدأ يظهر عندي معنه مكنش موجود خالص
سؤال بقي و عايز اجابه نهائية
اغيرها و لا لأ
و هل بعض الاخوة غيروها و مشيت كويس و لا العيب لازم يرجع تاني
انا موديل 2008

اقتباس:

---

المشاركة الأصلية كتبت بواسطة mohamed_momi88

و عندك واحد علبه دركسيون كمان
الصوت بدأ يظهر عندي معنه مكنش موجود خالص
سؤال بقي و عايز اجابه نهائية
اغيرها و لا لأ
و هل بعض الاخوة غيروها و مشيت كويس و لا العيب لازم يرجع تاني
انا موديل 2008

---

لا غيرها والحق احجز علبة
لانها بتيجى من اليابان بالطلب

بس ابعد عن مركز العبور فى التركيب:Zb_sor1[1]:

اقتباس:

---

المشاركة الأصلية كتبت بواسطة mohamed_momi88

و عندك واحد علبه دركسيون كمان
الصوت بدأ يظهر عندي معنه مكنش موجود خالص
سؤال بقي و عايز اجابه نهائية
اغيرها و لا لأ
و هل بعض الاخوة غيروها و مشيت كويس و لا العيب لازم يرجع تاني
انا موديل 2008

---

على حسب درجة تقبلك للصوت يا أستاذ محمد
انا عن نفسي بقيت متعايش معاه تماماً حتى يقضي الله أمراً كان مفعولاً
يمكن يوصلوا لعلاج نهائي للمشكلة ساعتها نروح نغير.
بس إن لم تخنني الذاكرة انا معرفش اي حد غير العلبة واختفى عنده الصوت أو انتهت المشاكل عنده.
بيتهيالي لازم يكون على جدول النقاش في المقابلة القادمة خطوات التصعيد الممكنة في الفترة اللي جاية من ناحيتنا لحل المشكلة.

وانا كمان يا ابو حمزه زيك تمام الصوت عندي ضعيف مش رخم يعني وكمان انا بقيت مش باخو بالي منه اصلا وعايز اقولك حاجه
انا ركبت معايا واحد عفشجي وقلتله العفشه مش تمام وعايزه تتربط وفيها اصوات ركب معايا ونزل قالي ياباشا العفشه زيرووو ومفيش اي صوت
بالاضافه الي ان كل اللي غيرها رجع بمشاكل زياده عن الصوت
يعني المشكله كانت صوت فقط ولا فيه حدفه ولا رعشه هو صوت مش بيظهر غير وانت ماشي براحه في حته مكسره
بعد التغيير كل الناس بتقول الدركسيون بيلف ناحيه اكتر من التانيه والصوت موجود لسه وخبيرالعلب (ميدو سيريون) بيقولك العربيه بتمل حكه وبتعوم هههههههه
يبقي خليني بالاصليه احسن طالما هو صوت ولو لاقدر الله زاديت عن كده نروح نضربهم هناك ونغيرها وده رأيي

اقتباس:

---

المشاركة الأصلية كتبت بواسطة أبو حمزة

على حسب درجة تقبلك للصوت يا أستاذ محمد
انا عن نفسي بقيت متعايش معاه تماماً حتى يقضي الله أمراً كان مفعولاً
يمكن يوصلوا لعلاج نهائي للمشكلة ساعتها نروح نغير.
بس إن لم تخنني الذاكرة انا معرفش اي حد غير العلبة واختفى عنده الصوت أو انتهت المشاكل عنده.
بيتهيالي لازم يكون على جدول النقاش في المقابلة القادمة خطوات التصعيد الممكنة في الفترة اللي جاية من ناحيتنا لحل المشكلة.

---

لو حضرتك تجرب بس مرة تودى العربية تترفع وتتشحم من تحت
وبعد مايخلص غسيل امشى بالعربية
هتحس سعتها ان علبة الدريكسيون قاعدة جنبك:36_1_1[1]:
الكلام دة عن تجربة معايا

اقتباس:

---

المشاركة الأصلية كتبت بواسطة bmya

وانا كمان يا ابو حمزه زيك تمام الصوت عندي ضعيف مش رخم يعني وكمان انا بقيت مش باخو بالي منه اصلا وعايز اقولك حاجه
يعني المشكله كانت صوت فقط ولا فيه حدفه ولا رعشه هو صوت مش بيظهر غير وانت ماشي براحه في حته مكسره
بعد التغيير كل الناس بتقول الدركسيون بيلف ناحيه اكتر من التانيه والصوت موجود لسه وخبيرالعلب (ميدو سيريون) بيقولك العربيه بتمل حكه وبتعوم هههههههه
يبقي خليني بالاصليه احسن طالما هو صوت ولو لاقدر الله زاديت عن كده نروح نضربهم هناك ونغيرها وده رأيي

---

انا معاك يا شريف مش افتكر مش مستاهلة
انا كنت فاكر كدة فى الاول (حدفة او رعشة) بس طالما الصوت بس وانا شايفه مش جامد بالمرة ومظهرش الا فى اماكن مدغدغة فمفيش مشكلة ولا داعى للتغيير لحد ما حد يجرب ويطمنا انه مافيش مشكلة(بعد التغيير)

على العموم انا عندي الموضوع صوت بس دلوقتي لو زاد عن كده هروح لو فضل صوت بس هكبر دماغي وبيني وبينك الصوت دلوقتي احسن من الاول بكتييييييييييير

المشكله ان واضح انهم بيغيروا و بيركبوا نفس العلبه من غير تعديل او حاجة بدليل ان الصوت بيرجع تاني
و انا عندي مكنش موجود خالص و ظهر يعني كتر المشي في الشوارع الجميله بتاعتنا لسة بيخرب العلبه
انا خايف استني و بعدين الضمان يخلص و لما تنزل علبه مظبوطة اغيرها علي حسابي و خايف اعيرها و بعدين تظهر عندي مشاكل تانيه
هو الصوت مش مضايقني لانه لسة ضعيف و ساعات بيظهر و ساعات لأ شكلي هستني شوية و اشوف ايه اخر الاخبار
مشكله رخمه جدااااااااااااااااا
ربنا ييسر

السيارة تحتاج اعادة ضبط زوايا وتقسيم طول بارات علبة الدريكسيون علشان كسرة الريكسيون تكون متساوبة