الموضوع: لانوس-بيرسونا

البرسونا افضل

طبعا توت بسم الله ماشاء الله قارن مقارنة موضوعية جدا و أنا مش هقدر أضيف كتير بس أنا هشهد شهادة حق فى عربيتين أعرفهم كويس لأنى معايا برسونا و والدى معاه لانوس. أنا شخصيا بحب اللانوس جدا و شايفها من أحسن العربيات اللى فى السوق و و الله (حلفان أحاسب عليه) لو ما كنتش اشتريت البرسونا كنت هجيب لانوس لأنها العربية الوحيدة اللى تستاهل تمنها بعد البرسونا و الجين.
المهم نصيحتى ليك على الرغم من إن كل الفروقات بينهم لصالح البرسونا تقريبا إلا إن فعلا لو عربيتك مريحاك بلاش تغيرها ببرسونا بيز لاين أو هاف أوبشن زى ما انت سميتها لو هتغير على هاى لاين هتحس إنك غيرت من فيات 128 ل bmw أما التغيير للبيز لاين دلوقتى فكأنك غيرت من لانسر كريستالة لتويوتا كرولا أتمنى أكون بتشبيهى ده عرفت أوصلك قصدى. أنا أفضل إنك تصبرشوية و تجيب الهاى لاين لأن فرق الأوبشنز فعلا يستاهل و ربنا يوفقك فى الاختيار