المشاركة الأصلية كتبت بواسطة tutankhamoun
أنا بحترم اللانوس جدا :
بس أنا هاقولك على الفروق بين العربيتين ( أنا سوقت و ركبت لانوس كتير )
اللانوس أوطى عى الأرض و بالعكس البيرسونا أعلى على الأرض
ثبات لا يقارن ...... اللانوس أقل ثبات من البروتون عموما .
النعومة ......... لصالح اللانوس .
التسارع ........ موتور الجين 2 الجديد .......... الجين 2 أقوى بكتير .
قوة قصوى ........ مفيش وجهة مقارنة أصلا و بعد 110 ....... مش هاتشوف اللانوس إلا في مراية الصالون و عليها تراب عربيتك .
ميزة اللانوس تسارع ممتاز لغاية 100 كدا ..... و بعد كدا التسارع بيقل قليلا و العكس في البيرسونا .....
بتبقى وحش فوق 80 ......... ( مش وحش هايكلك يعني - تعبير مجازي !! )
كماليات و خلافه ....... البيرسونا الفئة العليا أعلى في الكماليات بكتير .
فيه ميزة مهمة في اللانوس و هي توافر قطع الغيار و رخصها .
عربية حلوة و بتعيش .
لو العربية مريحاك و مفيهاش مشاكل جوهرية مضايقاك منها ......... حافظ عليها .
و لو ناوي على التغيير ....... فيه فرق بين العربيتين كبير هاتحس به لما تسوق البيرسونا .