الجين 2 الصينى وصلت يا رجاله :)

بالصدفه وانا بدور على معلومات عن عربيه صينى مجهوله المصدر كالعاده لقيت المفاجأه دى

شركه صينيه اسمها Europe Star ( محدش يقولى صينيه واسمها يورو ستار ازاى !! )

الشركه دى عملت تعاقد مع بروتون بانها تشترى حق تجميع البروتون الجين 2 والبيرسونا وبالتالى تبيعهم فى الصين تحت مسمى جديد وشعار الشركه الصينيه نفسها لكسب ثقه العميل الصينى وتدعيم مبيعات العربيه فى الصين

المواقع الصينيه بتقول ان العربيه مفيش اقبال عليها فى الصين فالشركه لجئت لتعديل بعض الحاجات فى العربيه لمناسبه السوق الصينى اكتر وتعديل الشكل الخارجى , اسيبكم للصور

http://img163.imageshack.us/img163/5...europestar.jpg

http://img109.imageshack.us/img109/5...europestar.jpg

http://img163.imageshack.us/img163/4...arlotusrcr.jpg

http://img30.imageshack.us/img30/473...arlotusrcr.jpg

السؤال بقا

ايه رأيكم فى التعديل اللى الشركه عملته ؟

انا عن نفسى شايف ان الفانوس اللى قدام بس اللى شكله حلو لكن الباقى مش عاجبنى

ومن جوا طبعا باين سياسه القص واللزق بتاع الصين حتى العلامه بتاعتهم على الدريكسيون شكلها مش ماشى جوا الدايره :)

والسؤال الاهم , هل لو حد فى مصر خد خبر بالعربيه دى ممكن نشوفها بتتباع هنا لمنافسه الجين 2 الاصليه ؟

يا رب متوصلش عندنا يا رب :ask:

يا لطيف اللطف يا رب

المره الجيه انتظروا المرسيديس الs الصيني

الجين 2 الماليزى شكلها أفضل بالنسبة لى ولا أعتقد ممكن نزول هذه السيارة مصر لتنافس الجين الأصلية.. أكيد بروتون وضعت من شروط منح الترخيص للشركة الصينية شروط تمنع منافسة سياراتها فى المبيعات.

وشكرا على الموضوع الجميل.

طيب ليه مشوفناش الفوانيس بتاعتها و كدا بتتباع هنا

اعتقد قطع غيارها متوفرة و دي ميزة

بس بصراحة شكلها غريب

بصراحة زعلت من بروتون :(

الاصلى احلى بكتير فى الشكل...

شكلها سئ جدا
التغييرات سيئة جدا
فعلا قص و لصق
انا شفت نفس الحكاية ده قبل كده علي الطبيعة
كانت تقليد citroen xsara بس صيني اصلي اصلي كان شكلها وحش جدا جدا
انا شايف العربيات الصيني اللي مش تقليد زى سبيرانزا وبريليانس شكلهم اجمل

شكرا يا باشا على الموضوع,, بس تقريبا الموضوع ده قديم ومش عارف العربيه فعلا نزلت الصين ولا لا
ممكن تشوف اللينكات دي
Youngman to sell Proton GEN2 badged as Europestar in China

Europestar GEN2 gets “unique” styling


وياريت لو في مواقع نشره اخبار جديده عن الموضوع دا تقولنا عليها
تحياتي

دا واضح ان الموضوع كبير قوي


http://img130.imageshack.us/i/u4661688828333.jpghttp://img130.imageshack.us/img130/5...1688828333.jpg



http://img442.imageshack.us/img442/4...1871947323.jpg

no comment

جين تو 2010 مانويل للبيع حد يشترى ؟





























ههههههههههههههه
يا نهار ابيض لو دى نزلت هنا والله دة الواحد ممكن يعيط بجد

ولله بدأت اقفش من موضوع الصيني دا:khd:
مش سايبين لنا حاجة نتهني بيها ولا موبايل ولا عربية ولا اى حاجة انا خايف ينزلوا لنا كمان ناس صيني
بجد حرام العربية دي لو نزلت هنا يبقى فعلا كل الى بيفكر يشتري جين زيي كدا هيرجع في كلامه اكيد وهيتعقد
والى معاه العربية اكيد هيكرها
ربنا يستر :ask:

اقتباس:

---

المشاركة الأصلية كتبت بواسطة xxxmemoxxx

شكرا يا باشا على الموضوع,, بس تقريبا الموضوع ده قديم ومش عارف العربيه فعلا نزلت الصين ولا لا
ممكن تشوف اللينكات دي
youngman to sell proton gen2 badged as europestar in china

europestar gen2 gets “unique” styling


وياريت لو في مواقع نشره اخبار جديده عن الموضوع دا تقولنا عليها
تحياتي

---

والله انا قعدت ادور على معلومات تانى لقيت شويه اخبار كلها بتتكلم فى نفس الموضوع

الشركه اساسا مش لاقيلها موقع لكن كل اللى لقيته صور كتير للجين 2 والبيرسونا من انتاجها

ومن الواضح ان الشركه بتجهز العربيه ببدى كيت رياضى وكماليات بروتون مش بتقدمها علشان تغرى السوق الصينى بيها وده اللى قريته عنها لكن فى الجانب الميكانيكى الشركه معملتش اى تعديل

اقتباس:

---

المشاركة الأصلية كتبت بواسطة Ahmed0Nouh

والله انا قعدت ادور على معلومات تانى لقيت شويه اخبار كلها بتتكلم فى نفس الموضوع

الشركه اساسا مش لاقيلها موقع لكن كل اللى لقيته صور كتير للجين 2 والبيرسونا من انتاجها

ومن الواضح ان الشركه بتجهز العربيه ببدى كيت رياضى وكماليات بروتون مش بتقدمها علشان تغرى السوق الصينى بيها وده اللى قريته عنها لكن فى الجانب الميكانيكى الشركه معملتش اى تعديل

---

+1
وفي صور بتوضح العربيات وهيا بتتنقل ومافيش عليها علامة بروتون , واضح انهم متفقين مع بروتون فعلا انهم ينزلوها في الصين تحت مسمى تاني,, عشان حتى ال savvy نزلا بالعلامه بتاعتهم .
شكرا لبحث حضرتك في الموضوع

أنا لى وجهة نظر مختلفة

لما شركة تبدأ بتقليد منتج شركة تانية .. يكون ده دليل واثبات لكفاءة المنتج المراد تقليده

مثال :

لما Panasonic ,adidas, Sony ....etc
اتقلدوا

حد قال أن أديداس شركة وحشة ؟؟

بالعكس .. مازالت تتربع على عرش منتجها الرياضى

مثال تانى

لما شركة "جيلى" نزلت عربية .. من الأمام شكل المرسيدس .. ومن الخلف شكل الأوكتافيا

حد قال أن المرسيدس والأوكتافيا وحشين ؟!!

هى المشكلة الوحيدة فى الموضوع .. أن الجين والبرسونا - الحقيقيين - لسه حديثين فى السوق .. أثبتوا كفائتهم مع أصحابها وملاكها فقط

أن شاء الله يكون التقليد ده تأكيد على أن المنتج الأساسى منتج محترم

وخصوصا أن التقليد بتاعهم .. تقليد رسمى .. يعنى واخدين الموتور الحقيقى والفتيس الحقيقى

يعنى التغيير فى اللوجو بتاع العربية .. وبعض الشكليات الثانوية البسيطة

ده ممكن نلاقى قطع الغيار الأصلية متوفرة جداااااا ... فى توكيلات تانية غير عز العرب

بجد حرام لو نزلت مصر يا جماعة صينى!!!!!!!!!!

متابع باهتمام

تحياتى

اقتباس:

---

المشاركة الأصلية كتبت بواسطة DR_EMAD

أنا لى وجهة نظر مختلفة

لما شركة تبدأ بتقليد منتج شركة تانية .. يكون ده دليل واثبات لكفاءة المنتج المراد تقليده

مثال :

لما Panasonic ,adidas, Sony ....etc
اتقلدوا

حد قال أن أديداس شركة وحشة ؟؟

بالعكس .. مازالت تتربع على عرش منتجها الرياضى

مثال تانى

لما شركة "جيلى" نزلت عربية .. من الأمام شكل المرسيدس .. ومن الخلف شكل الأوكتافيا

حد قال أن المرسيدس والأوكتافيا وحشين ؟!!

هى المشكلة الوحيدة فى الموضوع .. أن الجين والبرسونا - الحقيقيين - لسه حديثين فى السوق .. أثبتوا كفائتهم مع أصحابها وملاكها فقط

أن شاء الله يكون التقليد ده تأكيد على أن المنتج الأساسى منتج محترم

وخصوصا أن التقليد بتاعهم .. تقليد رسمى .. يعنى واخدين الموتور الحقيقى والفتيس الحقيقى

يعنى التغيير فى اللوجو بتاع العربية .. وبعض الشكليات الثانوية البسيطة

ده ممكن نلاقى قطع الغيار الأصلية متوفرة جداااااا ... فى توكيلات تانية غير عز العرب

---

باشا... هو دا كدا تقليد؟؟
دا اتفاق بين بروتون و الشركة الصينية ان الشركة الصينية تعمل تعديلات على عربياتها..
اعتقد الفرق كبير اوي و مش في صالح بروتون من وجهة نظري (عالأقل كدا الـbrand نزلت اوي في نظري)

السوق الصينى دلوقتى مبيعاته مليون سياره شهريا تخيلوا الرقم

فلازم طبعا كل الشركات تكون موجوده فى السوق الضخم ده باى طريقه كانت

باسمها او باسم مستعار

اقتباس:

---

المشاركة الأصلية كتبت بواسطة successcre8or

باشا... هو دا كدا تقليد؟؟
دا اتفاق بين بروتون و الشركة الصينية ان الشركة الصينية تعمل تعديلات على عربياتها..
اعتقد الفرق كبير اوي و مش في صالح بروتون من وجهة نظري (عالأقل كدا الـbrand نزلت اوي في نظري)

---

مش تعديلات جوهرية !!

اللى فهمته من الموضوع والصور الموجودة .. إن اللى اتغير .. الشبكة .. الفوانيس .. واللوجو

فى تعديلات تانية فى العربية ؟؟

ثم .. لنفترض أن التعديلات دى .. بتتعمل فى سبيل تحسين العربية .. مش هيكون شغل كويس .. وحاجة تسعدنا !!

اقتباس:

---

المشاركة الأصلية كتبت بواسطة mahamedaraby

السوق الصينى دلوقتى مبيعاته مليون سياره شهريا تخيلوا الرقم

فلازم طبعا كل الشركات تكون موجوده فى السوق الضخم ده باى طريقه كانت

باسمها او باسم مستعار

---

لما شركة جيلى .. او شيرى .. كانت موجودة من كام سنة مع توكيل تعبان
شوف عربياتها كانت عاملة إيه .. ومبيعاتها كانت عاملة إيه

ولما نزلت نفس العربيات مع توكيل تانى أقوى .. بإسم "اسبرانزا" .. شوف انتشارها عمل إيه .. ومبيعاتها عمل إيه

.....

لو الجين تو .. أو البيرسونا .. نزلت هى هى .. مع اختلاف شكل فانوس .. أو شبكة .. ومع توكيل محترم .. قوى فى السوق .. بيعمل دعاية على أد مستوى العربية .. موفر قطع غيار .. بيحترم عملائه .. أكيد هكون أول واحد مرحب بالموضوع

الموضوع دا بدأ يعقدني من العربية ولله يا جماعة
مع اني بجد بحبها جدا جدا
بس حاجة تخوف جدا
وبدأت افكر فى السيراتو ؟؟ مع اني مش حاببها زي الجين تو بصراحة
ايه الحل يجدعان طمنوني ؟

[QUOTE=adsense;3872131560لموضوع دا بدأ يعقدني من العربية ولله يا جماعة
مع اني بجد بحبها جدا جدا
بس حاجة تخوف جدا
وبدأت افكر فى السيراتو ؟؟ مع اني مش حاببها زي الجين تو بصراحة
ايه الحل يجدعان طمنوني ؟[/QUOTE]

شوف السيراتو بقت تاكسي
علي فكره خد بالك الصين عملت مرسيدس وروزيس وعربيات فئتها عاليه جدا وهي بتقلد العربيات الناجحه فقط ودي حاجه في صالح الجين.2:3mla:

http://img263.imageshack.us/img263/4341/taxicerato.jpg

شكلها وحش ... بس طالما للسوق الصينى

يبقى هما بيحبوا الاشكال دى والناس فيما يعشقون مذاهب

طالما مش هتيجى لنا يبقى بالسلامة ومبروك عليهم

اقتباس:

---

المشاركة الأصلية كتبت بواسطة emadhamdy

شوف السيراتو بقت تاكسي
علي فكره خد بالك الصين عملت مرسيدس وروزيس وعربيات فئتها عاليه جدا وهي بتقلد العربيات الناجحه فقط ودي حاجه في صالح الجين.2:3mla:

http://img263.imageshack.us/img263/4341/taxicerato.jpg

---

اية دة حلم ولا علم دة
معقول الصورة دى ؟
مش بعيد بعد كدا نلقى الفئة التالتة تاكسى :majd(4):

شكل الماليزى بالظبط حتى الدريكسيون شمال زى اللى بتنزل عندنا
الواحد مش بيعرف يفرق بين موديل 2006 من 2009
يعنى ديه لو نزلت والوكيل غير الدريكسيون والكشافات يبقى عليه العوض
ربنا يستر ...

اقتباس:

---

المشاركة الأصلية كتبت بواسطة eslam_wega

اية دة حلم ولا علم دة
معقول الصورة دى ؟
مش بعيد بعد كدا نلقى الفئة التالتة تاكسى :majd(4):

---

فعلا مش بعيد
في عربيا تاكسي قريبة من تمن الفئة التالتة