اهلا يا جماعة لوسمحتم سؤال لحد خبرة فى النوبيرا مانيوال ايه اهم مميزاتها وعيوبها وهل الموديل الجديد 2008 يختلف كثيرا عن اللى قبله معلش يا جماعة اصل واحد عزيز سالنى عايها ونفسه يشتريها :D :D
عرض للطباعة
اهلا يا جماعة لوسمحتم سؤال لحد خبرة فى النوبيرا مانيوال ايه اهم مميزاتها وعيوبها وهل الموديل الجديد 2008 يختلف كثيرا عن اللى قبله معلش يا جماعة اصل واحد عزيز سالنى عايها ونفسه يشتريها :D :D
المميزات:
سعر ملائم جدا بالنسبة للامكانيات العالية.
فو اوبشن مع دريكسيون متحرك وزجاج ومرايات كهرباء
شكل خارجي انيق جدا بومبي
محرك قوي 1600CC مع قوة تسارع معقولة
ثبات على السرعات العالية
نعومة في الحركة وسهولة في التحكم
تابلوه انيق ورشيق وسهولة في قراءة العدادات
صالون واسع ورحب
شنطة واسعة جدا
العيوب:
استهلاك عالي في جلب المقصات وبطاحات المساعدين.
ارتفاع السيارة عن الارض منخفض.
كرسي السائق غير مريح مع القيادة الطويلة.
صعوبة المناورة بالسيارة لان ابعادها كبيرة ومفلطحة شوية وخصوصا لما تيجي تركن.
قطع الغيار مش معمرة اوي. زي الياباني.
الصاج بتاعها خفيف ..لكن كل العربيات دلوقتي كده.
التوكيل غالي جدا
مسبة استهلاك البنزين عالية شوية تقريبا 10 كم/ لتر يمكن اكون غلطان ممكن حد يصلحلي.
هذا من وجهة نظري
دي عربيتك بس ولا كل النوبيرا
النوبيرا عموما..وممكن تنتظر رد باقي الاعضاء
وده كلام منقول عن استاذ ممدوح :
انا مش حتكلم عن النوبيرا لان كل الناس عارفاها كويس... هى طبعا ليها عيوب و مميزات زى اى عربية تانية لكن الميزة الرئيسية انك لو حبيت تجيب حاجة فى نفس فئتها بجودة افضل منها حتدفع اكتر بكتير (لانسر 1.6 بحوالى 110,000) او لوجبت حاجة افضل بنفس السعر حتجيب حاجة اصغر (اوبل كورسا مثلا)
باختصار الميزة الاساسية هى قيمة العربية و دا فى كل الدايو مش النوبيرا بس و عموما ايا كانت عيوب العربية فالناس عرفتها بعد 8 سنين فى مصر و اصبحت كتاب مفتوح و الف واحد ممكن يصلحها و قطع غيارها فى كل مكان و سعرها مناسب جدا
MMamdouh
سعرها اكثر من رائع بالنسبه للاسعار الموجودة حاليا
بكل المقاييس صفقة ناجحه
أعتقد ان استخدامك للفرامل كثير جدا
انا سيارتى مانيوال و بغير التيل عند 25000او 30000من مركز صيانة الصفوة بالاسكندرية (معظم الاستهلاك سفر)
قطع الغيار عمرها معقول نسبيا , عدا جلب المقصات
السيارة واطية لكن ميزة فى الاتزان على السرعات العالية
فعلا احسن سعر بهذة المواصفات بالسوق حتى الان , لكن ينصح بالمانيوال
فعلا السواقة داخل القاهره بتفرض على استخدام الفرامل الكثير. طيب تنصح اغير بره التوكيل..........وهل الفرق السعر كبير ويستاهل ..انا خرجت من الضمان......مثلا كم يفرق تغيير البطاحات والجلب عن التوكيل، وما هو احسن نوع تيل مناسب؟؟.....(.الخبراء للادلاء بارائهم)
يا جماعه انا شايف ان لو النوبيرا فيها مشاكل اعتمادية بالشكل دة...(تيل فرامل و جلب مقصات ) يبقي الواحد يزود مبلغ بسيط ( حوالي 11 الف ) او حتي ممكن يقسطهم علي سنة...وهاتبقي فوايدهم مبلغ بسيط جداااا....ويشتري عربية نيسان مانيوال فول اوبشن فيها نفس مواصفات ووسع النوبيرا + موتور وجير بوكس ياباني...وتقفيل اعلي بكتير...وخصوصا ان الاتنين تقفيل مصري...
وطبعا النيسان من الناحية الاعتمادية احسن بكتير من النوبيرا...