لأن الناس المتحضرة والدول المتقدمة بتبقى عندهم الرياضة في مكانها الصحيح .... رياضة
لكن احنا للأسف بقت كرامة ووحقد على الخصم و بلاوي من اللي بنشوفها
في نفس يوم المباراة 14 نوفمبر كانت هناك العديد من المبارايات الفاصلة في انحاء العالم .... فرنسا وايرلندا ... البحرين ونيوزلاندا ..... روسيا و سلوفاكيا تقريبا .... مافيش حد اعطي للمنافسة اكبر من حجمها الطبيعي غيرنا
حتى بين العرب البحرين كسبت السعودية وخرجتها من كاس العالم .... القيامة ماقامتش
بصراحة الاعلام في الطرفين في منتهى الوضاعة ......
كل واحد يقول كلمتين حلوين في الاول واحنا اخوات واشقاء ..... وبعدين يعك الدنيا ويلعب بمشاعر الجماهير ويجيب ناس جاهلة تبث السم في قلوب الناس .... فاكر ان الطرف التاني مش واخد باله ..... فاكر انه بيتكلم في بيته والناس اللي بره مش سامعة
اعتقد ان اللي بيحصل ده ح يترك اثر لمدة سنوات بين الشعوب والحكومات
وزي ما التاريخ بيذكر مباراة البينج بونج اللي فتحت قنوات الاتصال بين الصين وامريكا
حيذكر مباراة الكوووورة اللي بوظت العلاقات بين مصر والجزائر
شوفت بقى الفرق بين التقدم والتخلف