الموضوع: قبل ما نقول على الجزائر همج شوفوا احنا عملنا اية

المشاركة الأصلية كتبت بواسطة Anxs111

أهو ده نموذج مكنش ممكن نلاقي أحسن منه في طريقة التعامل مع من يختلف في وجهة النظر .

تحريف الكلام عن مواضعه ، عدم القراءة وعدم الفهم ثم الرد بطريقة فيها ألفاظ وأسلوب هجومي .

وأخيراً البيه طلعني من بلدي اللي أنا يمكن خدمتها وبخدمها أكتر منه .

يا سيدي المشكلة إن حضارة السبع الاف سنه إسلوب ردك لا يتفق معها بينما في بلاد حضارتهم 100 سنة وأسلوبهم أرقى بكتير. أنت بتقارن نفسك بالجزائر أنا أنصحك تقارن نفسك بشعوب مش هقولك في أوروبا عشان متأليش فلوسهم كتير وعندهم دمقراطيه . لء في أفريقيا ومش لايين ياكلوا صدقني هتلئيهم محدفوش طوب على ضيفهم عشان في بت درعت ، الله يرحم اللي عمله حسام وإبراهيم حسن .

بدل ما نستخدم السبع الاف سنه عشان نطلع نفسينا أحسن من كل خلق الله يا ريت كنا نعمل بهم أو نعمل بالدين وماذا يقول في واجب الضيافة حتى مع اللي مش محترم ومننزلش لمستواه .

نصيحة لوجه الله هل تعتقد إن يوم العرض ،اللهم نجنا في هذا إليوم ، هتلقا معاملة خاصة عشان إل سبع الاف سنة .

يا صديقي التاريخ مشرف بس الأخلاق مشرفه برضه . ديماً هتلاقي نفسك أحسن من ناس تانيين .

لو غرضك إن احنا عندنا أخلاق أكتر من الجزائريين ماشي . بس فين احنا من الأخلاق ونيجي إيه جانب ناس تانيين سبقونا وبيسبقونا كل يوم .

الله ينور عليك

صلو علي النبي
احنا مصريين نشجع باحترام و مالناش دعوه بيهم
و احنا عارفين بتوع شمال افريقيا عاملين ازاي
(((حسام حسن و الخناقه في الجزائر لما فريق المصري كان رايح يلعب هناك و اضربو في الملعب))
((الاهلي كمان لما راح تونس او المغرب و الجزائر كان في مشاكل))
ان شاء الله نصعد للمونديال و كلها كام شهر و الوضع يهدا و ينام

العيال ديه همه همه اللى سرقوا علامه العربيه اللانسر من الراجل اللى دمه محروق
وهمه همه اللى لو شافوا بنت هيتحرشوا بيها حتى لو محترمه و همه همه اللى لو انت ماشى و حكيت فيهم ممكن يضربوك و يكسرولك العربيه

يا ناس يا عالم احنا عندنا المشكله و عندنا العداء داخلى

المره ديه العداء ده صدرناه للجزائريين كنوع من التغيير


و برضه الجزائريين مش ملايكه و اللى بيعملوه هبل و تخلف و ربنا يهدينا

الفيديو مغيرش شىء
الشعب الجزائرى شعب همجى الى ابعد الحدود
ومن الاخر علشان تفهمهم ان اللى بيعملوه غلط تبقى خربت مالطا
هما دلوقتى زى التيران اللى بيجرو ورا حاجه حمره الله لا يكسبهم البعدا على الى بيعملوه فى المصريين الى فى الجزائر

معلش بردوا ... عندى رد ..

الخناقات هنا حصلت بين مشجعين مصريين و مشجعيين جزائريين ...

متعصبين كورة x متعصبين كورة ...

لكن لا المصريين فى فرنسا كسروا المحلات ..

و لا المصريين هنا إعتدوا على مدنيين ...

و لا المصريين هنا حاولوا يعتدوا على سفارة ....

و لا المصريين هنا لو شافوا شخص جزائرى جريوا عليه و ضربوه ...

و لا المصريين هنا راحوا كسروا الخطوط الجوية الجزائرية فى وسط البلد ...

و لا المصريين هنا نادوا بقطع العلاقات ....




... متهيألى عرفنا مين المحرك الرئيسى للمشكلة ....

المشاركة الأصلية كتبت بواسطة normal

الفيديو مغيرش شىء
الشعب الجزائرى شعب همجى الى ابعد الحدود

اسمحلى اختلف معاك تماما
انا عشت معاهم وفى وسطهم سنه بحالها وعارف اد ايه هما طيبين وبيحبو ضيوفهم وبيحترموهم ويكرموهم ليا هناك اصدقاء كتير وقبل الماتش المشؤوم دا كان كفايه اى واحد فى اى حته يعرف انك مصرى وبعد كده متحسش معاه انك فى غربه

اللى انت بتؤول عليهم همج دول روح شوفهم بيتصرفو بادب وذوق مع بعض فى كل حاجه

اسمحلى اقوللك ان ال 7000 سنه حضاره اللى انتو بتتكلمو عليهم دول فالاخر يساوو صفر كبير بمقياس حضارة الامم دلوئتى بتصرفاتنا حتى مش مع الجزائريين لا مع نفسينا وحياتك

وان كان منهم متعصبين وهمج فاحنا بالتاكيد مش احسن منههم

اخر حاجه

فين " ادخلو مصر ان شاء الله امنين " ؟!!