الموضوع: قبل ما نقول على الجزائر همج شوفوا احنا عملنا اية

المشاركة الأصلية كتبت بواسطة cairo2005

الاخ عزت فوكس والاخ التاني اللى بيقول اي حاجة تكشف حضارة السيع تلاف سنة تبقي مثيرة للفتنة

حضراتكم مصرين ولا جزائريين
اولا التصوير من باص مشجعين جزائريين وبالتالى مبينش هما كانوا بيعملوا ايه من الباص اكيد مش هيبقوا محترمين اكتر من المشجعة اللى كانت بتدرع في الاستاد والكاميرات جابتها مرتين بعد الماتش وهي بتشاور اشارات سافلة زيها وزي شعبها للجماهير المصرية علشان تستفزهم
ثانيا شوية العيال الللى بيجروا ورا الباص محدش منهم كسر الباص ولا حدف طوبة
ثالثا مفيش حد منك ربنا فتح عليه وقال كلمة على المصريين اللى انضربوا في الجزائر ليه
رابعا عايزين تشوهوا صورتنا وتبينونا اننا اللى اعتدينا عليهم وهما ملايكة ادامكم المواقع الجزائرية هترحب بيكم اوي وفي الاخر هيستموكم زي ما بيعملوا مع اي مصري

خامسا اللى مش عاجبه حضارة ال7 الاف سنة يشوف له بلد تانية

يا سيدى الفاضل انا مسلم ، عربى ، مصرى و اعتز بمصريتى و انتمى اليها و لكن مش معنى كدة اننا ندفن رؤوسنا فى الرمال و منشفش غير اخطاء غيرنا و بس ، المفروض نحاسب نفسنا قبل ما نحاسب غيرنا على اللى عملة . انا كنت فاكر زيك ان كل اللى بيتقال عن اعتداءات الجمهور المصرى على لاعبى و جمهور الجزائر كلة كدب فى كدب ، لكن و للاسف اتضح انه فعلا حصل اعتداء على اتوبيس بعثة الجزائر و شفت صور لللاتوبيس بتبين اثار ضربة بالحجارة على جسم الاتوبيس نفسة مش الازاز و بس ، و بعدين الموضوع كمل بشوية العيال الصيع اللى فى الفيديو اللى بيطاردوا مشجعى الجزائر فى الشارع و يعتدوا عليهم و زى ما انت عارف السيئة تعم و الحسنة تخص يعنى زى ما بنقول على الجزائر همج و غوغاء و متعصبين بقينا احنا كمان منفرقش عنهم كتير و دة اللى حبيت اقولة عشان نعرف لية الجزائريين بيعملوا كدة و ان اللى بيعملوة دة رد فعل للى شافوة و سمعوة و فى ناس تانية استثمرت هذة الاحداث و ضخمتها و زودت عليها عشان تبقى فتنة الله اعلم هتنتهى على اية و ربنا يستر من اللى هيحصل يوم الاربعاء .

المشاركة الأصلية كتبت بواسطة terrible_darsh

بيتهيا لك يا حاج احمد , ده الامن السودانى معندوش هزار و هيامن المباراة احسن مننا و من الجزائر كمان ..

و كمان اى شغب هيحصل الامن هيحبس على طول و محدش هيقدر يتكلم لان دى بلدهم و لازم يحافظوا على الامن هناك ..

ده غير ان مدير الامن هناك قال انهم هيحاوطوا الاستاد من الداخل و الخارج بالظباط .

دعواتك بس يا يا حاج احمد ..

+111111

الامن سودانى معروف بجباروته و بقوته ههههههههه

لأ بجد الامن السودانى غشيم و بيقوم بالواجب و بيعرف يتعامل ..

دول اصلا ليل و نهار بيتعاملوا مع ارهابيين ..

عامة ان شاء الله لو كسبنا الماتش .. جمهورنا و فرقتنا هيبقوا متأمنين جامد اوى