الموضوع: عملت حادثه ومحتاج المساعده لو سمحتو

المشاركة الأصلية كتبت بواسطة ahmed643

انا كنت راجع من االشغل الساعه 10 الصبح ودخلت فى مكروباص وقف ادامى فجاه

فحاولت افادى نفسى فدخلت بالجانب الايمن وبعد ما العربيه زحفت تقريبا 9 متر

والعربيه بتحزف كانت ورايا عربيه دايو نوبيرا دخلت فيا بالجانب الايسر الخلفى

فكانت الخسائر فادحه

انا تنزلت من العربيه اتصدمت من منظرها عملت محضر وشلت العربيه امبارح بالليل الساعه وحده صباحا بعد الافراج عنها

نقلت العربيه على ونش فى جراش فى المنصوره

التلفيات كتير

كتيير بجد انا لسه مش عملت مقايسه ليها لانى مش عارف هعملها فين

الخساير المبدئيه من وجهه نظرى

فانوس يمين قدام وكبوت ورفرف يمين وكرتيره وعلبه فلتر الهوا والزجاج الامامى والاكصدام طبعا ادمر

والشفه الاولى من الحوض

من الخلف بقى

اكصدام وجزء من الشنطه صغير

انا مامنى تبع الجمعيه والجمعيه معروفه ان حبالها طويله

ولو وديتها التوكيل هتصرف كتيييير

قوليلى اعمل ايه واعملها فين وياريت حد يعرف مركز او صنيعى كويس فى المنصوره ؟

ارجو المساعده

حمد لله على سلامتك وان شاء الله خير متقلقش

فانوس انابردو لسة ميغيرة جبتة ب 580 الاصلى بس من برة مش من التوكل لان فى التوكيل ب 650 ومتحولش تجيب الصينى لانك حتلاقية ب 110 وفى تيوانى ب 250 بس كل دة بيصفر بعد مدة

الرفرف والكبوت دة تقلقش مش حتغيروا ان شاءالله مجرد ان السمكرى حيعدلهم على السخن بس

علبة فلتر الهوا دىب 150 الزجاج فى التوكيل ب 2000 بس بتاع جريش من برة الاصلى حتلاقية ب 850 والتيوانى فى حدود 500

الاكصدام ورا فى حدود1250 فى التوكيل برة حتلاقى من 300-600

وحمدلله على سلامتك وكل دة فدك المهم انك بخير

المشاركة الأصلية كتبت بواسطة ahmed643

الله يسلم سعادتك يا معالى الباشا وتسلم عالمشاركه

بالنسبه لللفانوس انشاء الله هجيبه اصلى وهوه فى الحددى بردو

اما الرفرف والكبوت والصدر فدول لازم يتغيرو لان الخبطه كلها كانت فيهم فاتهرسو يعنى

انا سالت عالرفرف لقيته ب 450 والكبوت اسود ب 700 بس الكبوت انا عاوز اجيب استيراد ومش مهم نفس اللون انا كده كده هرشه بس عشان الفلتو بتاعه والوزن بردو لان الكبوت الاسود خفيف

اما الازاز فانا روحت معرض ازاز كبير فى المنصوره قالى الازاز استثمار المانى مصرى و3 طبقات بردو وفى كمان الجزء المظلل فوق الموجود فى الازاز الاصلى و ب 500 جنيه انما الاصلى الاصلى مش لاقيه غير فى التوكيل

والاكصدمات نفس السعر الى حضرتك بتقول عليه

شكرا ليك اوى ياباشا بس لو تعرف الاقى فين الزجاج الاصلى تبقى تشكر بجد
وشكرا

اخى العزيز الازاز الاصلى اساسا مببتبعش فى التوكيل بس اللى انت بتقول علية دة كويس انا بردو الازاز بتاع العربية اتكسر وجبت ابوا 500 دة وفعلا ميفرقش عن الاصلى

عندى اقتراح بالنسبة للرفرف والكبوت انت ممكن تجيبة مستعمل من العربيات اللى بتتقطع وحيبقى اصلى واحسن من اللى انت بتفكر تشترية لان 400 دة رخيص جدا واحد صحبى جاب الرفرف اللى ورا من التوكيل ب 1250 فا كيد اللى ابو 400 صاجة ممكن يبقى خفيف