عرض للطباعة
السلام عليكم ورحمة الله وبركاته
انا يا جماعة كنت في التوكيل انهاردة وهقول اللي انا شوفته بما يرضي الله
1- انا كنت هناك الساعة 9 صباحا
2- التوكيل ماكنش زحمة اوي وكان رقمي 38
3- اتعملت مع المهندس الساعة 9.30 وقالي هتستلم العربية الساعة 2.30
بس اللي انا لحظته انهم عندهم برود شوية بس الحمد لله عدت ملاحظة انا سمعت من سواقين التاكسي ان في الحرفيين بيبيعوا قطع الغيار ارخص بكتيير وربنا يوفقنا لما يرضي الله والسلام عليكم ورحمة الله وبركاته
متشكرين يا برنس
أنا ليا بس ملحوظة على قطع الغيار و أسعارها
مش كل قطع الغيار زى بعض ، فيه مستويات مختلفة فى الجودة و الأسعار فيا ريت إللى بيشترى من خارج التوكيل يتأكد من الجودة و التقفيل و ما يفرحش بالسعر الرخيص لأنه بيبقى على حساب حاجات تانية .
وعموما أكيد قطع الغيار إللى فى السوق أغلبها أرخص من التوكيل لكن فيه حاجات بتبقى أغلى من التوكيل و ده عن تجربة (ده طبعا بالنسبة للحاجات إللى مستوى جودتها كويس)
شكرا على التوضيح ويا ريت لو جربت حاجة من برة التوكيل تنقل لنا خبرتك او لو حتى خبرة حد تعرفه
if i need to vist abo rawash shuod i get apotment befor keindly telfon number
تليفون أبو رواش
أبو رواش : الكيلو 28 طريق مصر اسكندرية الصحراوي المنطقة الصناعية ت 35391240/1/3/5
35391248 /
35391249
بس خليك وراهم علشان ساعات مبيردوش على طول
بالنسبة لنماذج من حاجات أسعارها فى السوق أغلى من التوكيل
أكرة الباب فى التوكيل 42 فى السوق 45
قربة مية المساحات التوكيل 58 السوق 60
كتاوت مراوح التبريد التوكيل 67 السوق 100
كابل البطارية الموجب التوكيل 89 السوق 100
طبعا الواضح إن قطع الغيار دى نادرة و مش مستهلكة باستمرار
لكن بالنسبة لقطع الغيار المستهلكة باستمرار زى
السيور
البلى
قواعد الموتور
الفوانيس
الرفارف
الإكصدام
فكل الحاجات دى أسعارها فى السوق أقل من التوكيل بكتير لكن مع إختلاف مستوى الجودة
الف شكر على المعلومات القيمة ويا ريت اى عضو عندة قائمة بالاسعار يحطها على المنتدى
thank you