جديد في البي ام وطالب نصيحة

[OVERLINE]

السلام عليكم

مساء / صباح الخير عليكم جميعا

أولا / انا اول مرة ادخل قسم bmw وبصراحة انا بقالي يومين بحاول اقرا اكبر عدد من المواضيع المطروحة في القسم لحد تقريبا استطعت اكون فكرة عن انواع البي ام الموجودة في السوق وركزت في قرآتي علي الموديلات القديمة اللي تتراوح من بين موديل 85 الي 90 اي تقريبا بمعني آخر E 30

وبصراحة مواضيع رائعة ومعلومات مفيدة جدا لكل شخص مبتدي اشكركم جميعا عليها .

ثانيا / حتي لااطيل عليكم انا عاوز اجيب عربية وفكرت في كذا نوع وتقريبا البي ام عجباني ونفسي اركبها بس بصراحة انا عاوز نصيحتكم ؟

انا بفكر في 320I موديل 85 الي 90

ونفسي اشتريها حالتها كويسة مش محتاجة مصاريف وتكون كاملة .

ياتري العربية دي تعمل كام حاليا ؟

وبتصرف بنزين قد ايه يعني 10 لتر يعملو كيلو ؟

وتنصحوني ب البي ام واللي ابعد عنها

ولكم مني كل تحية تقدير

وياليت كل اللي عنده معلومة يقدر يفيدني بيها لا يبخل عليا بيها

[/OVERLINE]

وعليكم السلام و رحمته و بركاته
اولا ال e30 جميله جدا و قطع غيارها موجوده
ال 320 موتورها كويس مش وحش 129 حصان و حتعمل معاك حوالى 170 ك فى 20 لتر ( متوسط ) لو بتمشى معقول
مسألة تساوى كام دى صعب جدا حد يحددلك سعر علشان التفاوت للاسعار فيها كتيييير
البى ام عايز الى غاويه و بيحبه و لو حتركب علشان العلامه التجاريه ( راكبها علشان الاسم ) فبلاش احس
فى واحده 325 مو 85 تقريبا و كوبيه موتور 2500 الابيض (بتاعها) و دى 170 حصان و بتعمل حوالى 130 ك فى 20 لتر و كان بيتكلم فى 30 الف و محتاجه شوية مصاريف فى العفشه

اقتباس:

---

المشاركة الأصلية كتبت بواسطة speed4speed

وعليكم السلام و رحمته و بركاته
اولا ال e30 جميله جدا و قطع غيارها موجوده
ال 320 موتورها كويس مش وحش 129 حصان و حتعمل معاك حوالى 170 ك فى 20 لتر ( متوسط ) لو بتمشى معقول
مسألة تساوى كام دى صعب جدا حد يحددلك سعر علشان التفاوت للاسعار فيها كتيييير
البى ام عايز الى غاويه و بيحبه و لو حتركب علشان العلامه التجاريه ( راكبها علشان الاسم ) فبلاش احس
فى واحده 325 مو 85 تقريبا و كوبيه موتور 2500 الابيض (بتاعها) و دى 170 حصان و بتعمل حوالى 130 ك فى 20 لتر و كان بيتكلم فى 30 الف و محتاجه شوية مصاريف فى العفشه

---

اشكرك جدا علي ردك السريع
بصراحة انا غاويها ، وكمان انا مختار الموديل القديم ده علشان سعره معقول بالنسبة ليا .

وبعدين 325 دي جميلة بس انا نفسي في موصفات ثانية او علي الأقل مقاربة ليها وهيا /

تكون 320 او 325
تكون 1600 سي سي او 1800 علشان البنزين ( 130 ك في 20 لتر دي هتخرب بيتي:majd(4): )
تكون 4 ابواب
ولو اتوموتك يبقي عز الطلب مفيش مش مهم .:36_1_34[1]:
تكون حالتها كويسة ومش محتاجة مصاريف كثير وبالذات المطور والعفشة
وياسلام كمان لو كانت فرش جلد .:shine[1]:
تقريبا من الآخر بدور علي عربية لقطة .:verygood:

طبعا الواحد بيحلم كثير بس صعب تلاقي المواصفات دي بالسعر المعقول .

ياتري ايه رايك في المواصفات ؟
وتنصحني اجيب مواصفات ايه ؟
ولو فرضنا الحالة معقولة تقريبا تعمل كام ؟

انا بعتذر اذا كنت بتقل علي حضرتك وارجو انك تتحملني قليلا .

اقتباس:

---

البى ام عايز الى غاويه و بيحبه و لو حتركب علشان العلامه التجاريه ( راكبها علشان الاسم ) فبلاش احس

---

يعني ايه يا باشا مش فاهم؟

تكون 320 او 325

اقتباس:

---

تكون 1600 سي سي او 1800 علشان البنزين ( 130 ك في 20 لتر دي هتخرب بيتيhttp://www.nilemotors.net/nile/image...ajd%284%29.gif

---

فى تعديل صغير
316 بتكون 1600 سى سى و 318 بتكون 1800 و 320 بتكون 2000 و 325 بتكون 2500 ( دا بالنسبه للعربيات الفبريكه مش مغير الموتور )
3 دا بيرمز للفئه الثالثه و الرقم الى بعديه سعه المحرك 3.16 و 3.18 و كدا
ال5 للفئه الخامسه 520 و لتكون مكنه 2000 سى سى ( 5.20)

اقتباس:

---

ياتري ايه رايك في المواصفات ؟
وتنصحني اجيب مواصفات ايه ؟
ولو فرضنا الحالة معقولة تقريبا تعمل كام ؟

---

البى ام كله حلو
لو عايز تركب 4 سليندر خليك من مو 84 الى 87 علشان موتوره حمال قسيه
بالنسبه للسعر مقدرش افيدك ( كل عربيه و ليها سعرها ) و على حسب الحاله
بس فى الغالب لو معاك 35 حتركب واحده محترمه جدا

اقتباس:

---

ا بعتذر اذا كنت بتقل علي حضرتك وارجو انك تتحملني قليلا .

---

انت تأمر و احنا علينا واجب الطاعه
بالنسبه للغاوى يعنى الى بيحب القوه و المتانه و الثبات من الاخر يعنى بيهتم بالاداء اكثر من الاوبشن

الله ينور

شكرا ليك جدااا يا speed علي معلوماتك القيمة
ومتحرمش منك علي اهتمامك