في اقتراح بتشرف اني اقترحه على حضرتك يا باشمهندس سمير و ياريت لو بالتعاون مع محمد باشا ممدوح .. ممكن تعملوا لينا دروس على هيئة سلسلة مواضيع في كل ما يخص ميكانيكا السيارات .. بجد ده حيفدنا جدا مع انه حيتعبكوا اوي ... وشكرا.
عرض للطباعة
في اقتراح بتشرف اني اقترحه على حضرتك يا باشمهندس سمير و ياريت لو بالتعاون مع محمد باشا ممدوح .. ممكن تعملوا لينا دروس على هيئة سلسلة مواضيع في كل ما يخص ميكانيكا السيارات .. بجد ده حيفدنا جدا مع انه حيتعبكوا اوي ... وشكرا.
اقتراح جميل .................
ياريت يوافقو والله هيا حاجه مفيده لينا اوى اوى بس هيا فعلا حتكون متعبه ليكو انكو حتحضرو الدروس وتتناقشو فيها تانى معانا بس ربنا يقويكو ويكون عندكو وقت للموضوع دا وثوابكو عند الله
شوفوا
حقولكم على حاجه كويسه
القسم التعليمى مليان فعلا مواضيع شيقه للغايه
فهل قمتم بالأطلاع عليها والتعرف على جوانبها الفنيه
وفيه كمان حاجه
ممكن تختاروا أى موضوع عاوزين تتعرفوا عليه
وبأذن الله
أنا وأخى محمد وجميع من يريد الأضافه
والتعليق بأسلوب مبسط
تحت أمركم بلاشك لأيضاح ماقد يكون مبهم على حضراتكم
فى أى مجال (ميكانيكى - كهربى - ألكترونى )
على قدر مانستطيع طبعا
ومما لاشك فيه أن تنوع الأفكار بيفيد فى الوصل الى الهدف المراد أيضاحه
القسم دا ليه فايده كبيره ف الحاجات دي
انا معاكم فى الاقتراح
طب ممكن تشرحلنا علاقة عدد لفات الماتور السرعة
يعنى على سرعة كام افضل عدد لفات الماتور تكون كام
وايةالاضرار فى ان تكون لفات الماتور عالية والسرعة بسيطة
ارجو ان تكون الفكرة واضحة
شوف
أى مكنه ...عدد لفاتها بيتناسب مع القدره اللى خارجه منها
زاد عدد اللفات .....زاد أنتاج المكنه من القدره
علاقة عدد لفات الموتور بسرعة العربيه
بتتوقف أنت ناقل الفتيس على كام
تقدر تقول أن وضع النقل بالفتيس هو اللى بيحدد سرعة العربيه بغض النظر عن الموتور شغال على كام لفه
فمثلا ممكن تكون عدد لفات الموتور على 4000 لفه وأنت حاطط الفتيس على التالت وسرعة العربيه 100 كم / س مثلا
ولكن ممكن تخللى عدد لفات الموتور على 3000 لفه بس الفتيس على الرابع وتاخد سرعه من العربيه 100 كم / س برضه
طيب أيه الفرق بين الحالتين
وأنت على عدد لفات كبير بالموتور بيكون أفضل وقت التخطى والتسارع
زى نظام الكيك داون
لأنك محتاج عزم أو قدره أكبر فى الأحوال دى (علشان تساعد فى دفع العربيه فجائيا )
أما لما بيكون الطريق رايق ممكن تبقى تخللى سرعة الموتور معقوله
ولكن الفتيس على مرحلة نقل عاليه فى النقل (زى الرابع أو الخامس )
أتمنى تكون أخدت بالك مما أعنيه
ولو ليك سؤال تانى
أنا متابع بأذن الله
تسلم يا أبو يوسف
وأرجو منك متابعة هذا الموضوع
للأجابه على تساؤلات الزملاء معى
لأنك أنت البركه بدون أدنى شك
موضوع جميل فعلا و تسلم يا سمير باشا انت و محمد باشا و مستني الباقي :)
عاش الروح الحلوة دى
جليل شكرى على التوضيح
يا بشمهندس سمير بك
تبقى زى حلقات العلم والايمان كده ههههههههههه
بس فكره ممتازه
ههههههههههههههاقتباس:
تبقى زى حلقات العلم والايمان كده
عسل والله يا أبو حميد
بشمهندس سمير .. ازى حضرتك الاول ؟؟ كل عام وانت بخير يارب
ايه هوا الضرر فى قص اليايات ؟؟ انا دلوقتى العربيه عندى مركب جنط 15 وعايز احط جنط 17 وبدور حاليآ على مساعدين كونى او مونرو وعايز اقص السوست الفابريقه مؤقتآ لحد ما ربنا يكرم واغير بسوست كونى .. ما هو الضرر فى قص السوست الفابريقه ؟؟ وياترى اقصهم دلوقتى وانا على الجنط ال 15 ولا استنى لما اركب ال 17 بأذن الله وبعدين اقص ؟؟ قصدى يعنى هل ممكن الجنط ميركبش لان العربيه بقت واطيه على مقاس ال 15 ولا عادى وسواء جنط 15 ولا 17 حيكون نفس الارتفاع ؟؟
اتمنى يكون معنى سؤالى وصل لحضرتك والف شكر مقدمآ وكل عام والجميع بخير
قص اليايات
أول مره أسمع عنه
بس من وجهة النظر الهندسيه غير مفضل بالمره
ليه .................!!!!!!!!!!!
اليايات بتكون مصممه من عدد من الحلقات وليها كزازه أو مرونه محدده
بحيث تشيل أحمال السياره
دون هبوط فى البدن كبير
بحيث أن الكاوتش لايحتك بباطن الكرتيرات من الداخل
ويعملك مشكله وقلق مع الأحمال
أما لو حتغير بيايات أقصر (مع جنوط وكاوتش أكبر )
ولكنها تستطيع شيل نفس الأحمال المقرره لليايات الأكثر طولا
فلا توجد مشكله أطلاقا
وطبعا لايفوتنى أن أقول لك
كل عام وأنتم بخير
اشكرك استاذى الفاضل وعام سعيد عليك وعالجميع
مشكوووووور والله يعطيك الف عافيه
باشمهندس سمير ازاي حضرتك
كنت عايز أسال حضرتك بخصوص تركيب جنط اكبر في اللانوس انا مركب جنط 13 وايز اركب جنط 14 او 15 بس الناس مخوفاني وبتقولي الفشة مش حتستحمل ... فكنت عايز رأي حضرتك ..ممكن ؟
معلش حرف العين عندي ساعات بيعلق في الكيبورد فأرجو المعذرة
الله يخليك باشمهندس محمداقتباس:
باشمهندس سمير ازاي حضرتك
ويارب تكون بخير
أنت والأسره الكريمه
حقولك على حاجه يا أبو حميد
وحننتظر برضه رأى
أخونا : محمد ممدوح فى القصه دى
لأن الراجل
الصراحه أستاذ / فى الحاجات دى
وكل حاجه الصراحه
وأنا بأحب رأيه ....فى كل حاجه
بس علشان أرد على سؤالك
خليك فى الجنط الأربعتاشر
وخير الأمور الوسط (زى مابيقولوا )
والقرآن قال كده برضه
الوسط حلو فى أى شىء
فحنشوف رأى محمد فى موضوع الجنط ال 15
اقتباس:
معلش حرف العين عندي ساعات بيعلق في الكيبورد فأرجو المعذرة
وياسيدى ولا يهمكاقتباس:
وبتقولي الفشة مش حتستحمل
ماهى الفشه برضه من ضمن مكونات العفشه
بتاعة الدبيحه برضه
ههههههههههههههههه
والله يا باشمهندس سمير كلنا بنتعلم منك و على فكرة انا مهندس ميكانيكا صيانة بس مش تخصص سيارات و بأتعلم منك يا ريس
الله يخليك ياباشا
ده بس من زوقك
وأخوك برضه
مهندس ميكانيكا باور
وبأشتغل فى مجال ال marine
وكل المحركات عندى ديزل وطلمبات وضواغط وليله
من أنظمة محطات القوى والفيلم اللى أنت عارفه
بس حبيت المنتدى ده
وأتعلمت منه كتير الصراحه
وبدأت أطلع على مجال السيارات
وأنت عارف طبعا أن تناول المشاكل الفنيه بيفيد جدا فى الثقل الفنى
مع شوية خبره فى عربيه أوبل سابقه
تقدر تقول عملت فيها اللى متعملش
ههههههههه
انا برضة ميكانيكا باور و شغال مدير صيانة بس مصانع اسمنت
تشرفت بيك حقيقى
باشمهندس : هشام
اضافة الى كلام ابو احمد... قص السوست باستخدام الحرارة بيغير فى خواص معدن السوستة و بيخلليها ناشفة و ممكن تتكسر... دا غير ان تقصير طول السوستة بيخلليها ناشفة اساسا بشكل اكبر من اى سوستة رياضية بالتالى العربية مش حتبقى ثابتة لانها حتنط من على المطبات بدل ما تمشى عليها و كمان الناس اللى راكبة العربية حيجيلهم انزلاق غضروفى من الهبد فى كل نقرة
اضافة لكدة مش كل السوست تنفع تتقص... فيه سوست بتبقى مضغوطة فى اولها و مفرودة فى اخرها و لو اتقصت حتبوظ تماما سواء قصتها من فوق او تحت... و فيه سوست تانية شكلها مش منتظم زى سوست البى ام الE30 و E36 و اللانوس و لو اتقصت مش حتركب مكانها صح اصلا
يعنى باختصار... قص السوست موضوع فاشل من كل النواحى
MMamdouh
الله يخلليك يا ابو احمد
انت ممكن تركب 14 او 15 عادى... هى اصلا بتنزل بال14 برة و لو حتجيب ال 15 حتراعى نقطتين... ان الجنط يكون خفيف عشان ميبهدلش العفشة و الoffset بتاعتة يكون مناسب للعربية... و طبع من غير كلام لازم مقاس الكاوتش يكون مناسب للعربية
الموضوع مشروح بالتفصيل الممل فى الموضوع دة:
http://www.nilemotors.net/Nile/94575-a.html
MMamdouh
والله يا باشمهندس سمير انا بادعي ربنا يزيدك علم
لان انت راجل بصراحه ما بتتاخرش علي حد والله
وعندي سؤال للسياده ربنا يخليك
انا معايا كليو 2006 اوتوماتك
خدت مصب والمساعدين ضربو
واللي عرفته انهم ضغط هوا
ممكن اغيرهم باتنين تانين ضغط زيت ولا ماينفعش؟
الله يخليك يا أستاذ : أشرفاقتباس:
والله يا باشمهندس سمير انا بادعي ربنا يزيدك علم
لان انت راجل بصراحه ما بتتاخرش علي حد والله
حقولك على حاجه على فرض أن كلامك مظبوط فعلااقتباس:
انا معايا كليو 2006 اوتوماتك
خدت مصب والمساعدين ضربو
واللي عرفته انهم ضغط هوا
ممكن اغيرهم باتنين تانين ضغط زيت ولا ماينفعش؟
والمساعدين عندك بيشتغلوا بالهواء
وأنت ممكن تتأكد فعلا أنهم بيشتغلوا بضغط الهواء بالنظر حول الساق النيكل بتاعة المساعد
فطالما ضربوا ومفيش تسريب زيت باين قدامك ( يبقوا بيشتغلوا بالهواء المضغوط فعلا )
يعنى جواهم هواء مضغوط بضغط معين ومتأمن بالسيلات
بحيث ميهربش
معروف هندسيا
أن الهواء مائع قابل للأنضغاط
أما الزيت مائع غير قابل للأنضغاط
يعنى الهواء علشان يشغل المساعد لازم يبقى مضغوط ومحجوز فى حجم معين داخل قميص المساعد
مع وجود الحمل الفجائى حيزيد الضغط على الهواء وبالتالى المساعد حينزل
ومع زوال الحمل ...الهواء المضغوط حيرجع مكبس المساعد لأعلى
هنا بأه دايما السيلات بتاعة المساعد موجوده تحت ضغط ( لأن الهواء مضغوط جوه المساعد وقلنا أنه مائع قابل للأنضغاط )
واللى حصل عندك
صدمه عنيفه حدثت على المساعد وبالتالى زاد ضغط الهواء فجائيا مع أخدانك للمطب وكان ده شديد على السيلات ( فباظت المساعدين )
أما نظرية المساعد الزيت غير كده وبيتم هروب الزيت لأعلى مع نزول مكبس المساعد وهكذا
وفى نفس الوقت فأن الزيت ( نظرا لأنه سائل ) فبيقدر يمتص أى صدمات عنيفه ممكن تحصل زى اللى حصلت معاك مع أخدان مطب جميل زى مطبات المحروسه
وبكده أعتقد أن المساعد الزيت أكثر تحملا بالنسبه لظروف بلدنا المحروسه مع أنتشار هذا الكم الهائل من المطبات (اللى ملهاش معالم للأسف )
فممكن تتحول وتتوكل على الله
وده حيعمر معاك أفضل من النوع الهواء اللى بتقول عليه
على فكره أنا حاولت أفسر طريقة عمل المساعد بالهواء بطريقه أجتهاديه
وليس من خلال أطلاع سابق
فممكن أكون مش دقيق فى التصور
بس ده الكلام المنطقى اللى حسيت أنى مقتنع بنظريته الهندسيه الى حد ما