الموضوع: مشكلة بعد الرش

عندي عربية سكودا فانتازيا 2010 المهم العربية خبطت في توكتوك
رحت التوكيل قالي هنعمله سمكرة و هيترش بعد كده و ده اللي حصل فعلا
المهم انا استلمت العربية النهارده لكن لقيت حاجه غريبة لون الرفرف اللي اترش مطابق للون الكبوت و الاكصدام لكنه اغمق شويه من لون الباب و مش عارف ايه السبب
و دي ليها حل و هل ممكن مع الوقت اللون الجديد تقل درجته و يقرب من لون الباب ( يبهت يعني ) ياريت تنصحوني لاني متضايق جدا
مع العلم ان لون العربية فضي ميتالك

تلميع يعني ؟؟
لو ده اللي حضرتك تقصده فده اتعمل في التوكيل

لا يا باشا اكيد يعني العيب مش في الباب لكن اللون الفضي الميتالك بتتغير درجته حسب الأضاءة و لأن الكبوت افقي و الباب رأسي فبيكون لكل واحد منهم درجه و الرفرف فيه جزء افقي و جزء راسي لكن مش بيتاثر بدرجه الاضاءة مش عارف ليه
لو حد يا جماعة عنده حل يقولي و لا لازم ارشه تاني المشكلة دي مضيقاني جدا

طيب ازاي بتتعمل العينة

بيغير في درجة اللون ازاي يعني و بيرش منطقة قد ايه و فين بالضبط ياريت تفهمني علشان اقدر اتفاهم معاهم

و ايه افضل حل دلوقتي يعني ازاي يشيل البويه الجديده ( مرشوشه من 4 ايام ) و ايه انسب طريقة علشان يرش الجديد ( يعني يمعجن و يصنفر و ........ولا فيه طريقة مناسبة لحالتي)

لو سمحت اترك سيارتك على الوضع الحالى عدة اسابيع وشوف النتيجة اعتقد بانك ستقبل الوضع الذى وصلت الية
لو حبيت ترش الجزء دة تانى اسال على فنى دوكو متاز يقدر يساعدك بسهولة جدا وشكرا

طيب انا ان شاء الله نويت ارشها تاني و امري لله بس ممكن تنصحوني بمركز او ورشه ممتازة

انا اعرف ان مركز صيانة تويوتا ناس محترمين و جربتهم في الصيانة لكن مجربتش معاهم موقف زي ده فلو فيه حد احسن يا ريت تدلوني عليه مع العلم اني من اسكندرية

و يا ريت حد يديني فكرة ازاي هيتم ارش في حالتي مع العلم ان العربية مرشوشة و متلمعة من اربع ايام

شكرا لكل من شاركني مشكلتي