الموضوع: الي الاخ tutankhamoun

ألف ألف شكر يا باشا ................ أيه ده بجد أنا فرحان جدا بنصيحتك لي
شكرا شكرا و أنا و الله العظيم داخل علشان أسال اصحاب الجين 2 عنها و عن أهم العيوب الكهربائية التي تظهر بها
بس بجد ألف شكر على هذا الموضوع و أنا منتظر تقريرك عن السيارة
و مرة أخرى ربنا يا رب يباركلك في السيارة و فيك إن شاء الله و يقيك شر الطريق

منتظرينك يا محمد باشا

و الف الف شكر ليك

بصراحة لازم ارفع الموضوع ده لانه من الزمن الجميل..
زمن فيد واستفيد ... زمن لا تبخل على احد بالمساعدة

أ/ توت ممكن تحكيلنا القصة من البداية وازاي الاستاذ mohamed el hussien سعدك في شراء العربية
وهل انت كنت مصدقة وعندك استعداد تضحي بمبغ محترم مقابل كلام واحد انت متعرفهوش

عاوزين نتعلم ونعرف ازاي نتعامل مع بعض لوجة الله والقسم كان ماشي ازاي

تقبلوا تحياتي جميعاُ

ياجماعة انا مش فاهم اي حاجة

المشاركة الأصلية كتبت بواسطة felix

ياجماعة انا مش فاهم اي حاجة

أ/ Felix
ده موضوع قديم جداُ معمول في 21-11-2007
وكان استاذ توت لسة مشتراش العربية والاستاذ محمد بساعدة وبيقولة مميزات وعيوب العربية
انا رفعت الموضوع محاولة لإرجاع الروح الجميلة ما بين الاعضاء الي كانت موجودة من وزمان

علشان كلنا نعرف ونفهم ايه الهدف من المنتدى والقسم وازاي نساعد بعض

اقدم واحد في القسم دلوقتي هو الاستاذ توت وفي الموضوع ده هو كان لسة عضو جديد داخل يدور على معلومة تفيدة وتساعدة في القرار ولاقى اللي كان بيدةر عليه ولاقى اللي يساعدة لله

انهاردة الاستاذ توت اخد نفس الاتجاه وبقى هو اللي بيساعد الاعضاء الجداد اللي محتاجين نصيحة ومعلومة

وهو دة الهدف الاساسي من المنتدى ومن القسم - يعني فيد واستفيد وتتوالى الاجيال....

انا قلت استاذ توت ركب ألة الزمن و عمل الموضوع ده هههههههه

المشاركة الأصلية كتبت بواسطة tutankhamoun

ألف ألف شكر يا باشا ................ أيه ده بجد أنا فرحان جدا بنصيحتك لي
شكرا شكرا و أنا و الله العظيم داخل علشان أسال اصحاب الجين 2 عنها و عن أهم العيوب الكهربائية التي تظهر بها
بس بجد ألف شكر على هذا الموضوع و أنا منتظر تقريرك عن السيارة
و مرة أخرى ربنا يا رب يباركلك في السيارة و فيك إن شاء الله و يقيك شر الطريق

ياه ............. زمن ...........

المشاركة الأصلية كتبت بواسطة Eng. Rafy Samy

بصراحة لازم ارفع الموضوع ده لانه من الزمن الجميل..
زمن فيد واستفيد ... زمن لا تبخل على احد بالمساعدة

أ/ توت ممكن تحكيلنا القصة من البداية وازاي الاستاذ mohamed el hussien سعدك في شراء العربية
وهل انت كنت مصدقة وعندك استعداد تضحي بمبغ محترم مقابل كلام واحد انت متعرفهوش

عاوزين نتعلم ونعرف ازاي نتعامل مع بعض لوجة الله والقسم كان ماشي ازاي

تقبلوا تحياتي جميعاُ

أستاذ رافي .............. ده الموضوع ده قديم قوي ....
هاقولك القصة
أنا كنت في توكيل فيات بعمل صيانة لعربيتي
و أنا قبلها بفترة كنت مقرر إني أشتري الجين 2 أولا كانت مع واحد صاحبي و ثانيا أنا كنت مُعجب بالعربية جدا .
المهم و أنا في توكيل فيات قابلت مهندس هناك لقته بيقولي أنه كان شغال مع عز العرب ...
فرحت قوي .......... قلت بس ..... و سيشهد شاهد من أهلها على الكلام اللي سمعته كتير عن العربية
(ساعتها كنت كل لما أسأل حد يقولي دي بتضرب كهرباء لوحدها ) طبعا تأليف مصري شحت محط .
بقيت حيران و أصحابي يحذروني منها ( على أساس واحد أنها مش ياباني )

بس أنا مش الناس دي اللي بتشتري حاجتها طبقا للأسم ( من زمان بحب أكون مختلف و أحب الحاجة اللي تعجبني أنا )

سألت المهندس بتاع التوكيل على العربية ( قالي أن العربية مفيهاش حاجة و لكن تقريبا واخد بالك من تقريبا دي أحيانا بيظهر فيها مشاكل كهرباء ..... طيب يا هندسة أنت أشتغلت وقت أد أيه مع العربية .... قالي و لا يوم لأنه كان شغال في شيروكي مش بروتون .... ) أنا فرحت بس قلقت ....
ماركة جديدة في مصر ......... و اللي كان مريحني لها حاجتين أو تلاتة :
أولا
الماركة موجودة من التسعينيات في مصر مُمثلة في الويرا .
ثانيا
شوفتها في أنجلترا كتير ( البرتون عموما و الجين 2 على وجه الخصوص ده كان أول مكان أحتكاك بها )
ثالثا
كنت بعشق العربية بجد

المهم دخلت على المنتدى هنا و بدأت أسأل أصحاب العربية
كان ساعتها تقريبا مفيش غير عضوين اللي معاهم العربية
أبو عبدا لرحمن و أ محمد الحُسين .
و طبعا جزاهم الله خير أرشدوني و أدوني معلومات أفادتني
و فيه موضوع مخصوص أتفتح بسبب أسئلتي و تم تثبيته وهو من كتابة الأخ محمد الحسين .
و بدأ الرحلة مع بروتون جين 2 من أواخر 2007 و حتى الآن .
الرحلة على المنتدى كانت شاقة في الأول قوي
كل واحد يدخل يسأل .............. يرد عليه ناس مش معاها العربية و أغلب الكلام السلبي كان في نقطتين :
أن العربية مش عليها الختم المقدس ( صنع في اليابان )
و كمان بعض عيوب التقفيل اللي كان بيتم تضخيمها أحيانا و أحيانا هي كانت ضخمة .

و لكن الأهم أن الناس مكنتش تعرف حاجة عن العربية نهائيا و حتى ما ركبوهاش قبل كدا .
و الناس اللي عندها حساب قديم على المنتدى تفتكر الكلام ده
بس بصراحة ....... أغلب النقاشات كانت بدون تطاول من أي حد و كل واحد كان بيعرض وجهة نظر بكل ادب و أخلاق ( حتى لو كانت وجهة نظر خاطئة )

المشاركة الأصلية كتبت بواسطة Eng. Rafy Samy

أ/ Felix
ده موضوع قديم جداُ معمول في 21-11-2007
وكان استاذ توت لسة مشتراش العربية والاستاذ محمد بساعدة وبيقولة مميزات وعيوب العربية
انا رفعت الموضوع محاولة لإرجاع الروح الجميلة ما بين الاعضاء الي كانت موجودة من وزمان

علشان كلنا نعرف ونفهم ايه الهدف من المنتدى والقسم وازاي نساعد بعض

اقدم واحد في القسم دلوقتي هو الاستاذ توت وفي الموضوع ده هو كان لسة عضو جديد داخل يدور على معلومة تفيدة وتساعدة في القرار ولاقى اللي كان بيدةر عليه ولاقى اللي يساعدة لله

انهاردة الاستاذ توت اخد نفس الاتجاه وبقى هو اللي بيساعد الاعضاء الجداد اللي محتاجين نصيحة ومعلومة

وهو دة الهدف الاساسي من المنتدى ومن القسم - يعني فيد واستفيد وتتوالى الاجيال....

المشاركة الأصلية كتبت بواسطة Tarek Gen 2

انا قلت استاذ توت ركب ألة الزمن و عمل الموضوع ده هههههههه

المشاركة الأصلية كتبت بواسطة afr80

والله روح جميلة، و هتبقى برده موجوده، بس هو فين أ/ محمد الحسين دلوقت، و ايه اخبار العربية معاه

آه و الله ......... الراجل أخر مرة قال أن عنده أمتحانات من سنتين و أختفى بعدها

ربنا يرجعه بالسلامة و يكون نجح في أمتحاناته أن شاء الله .


بس طريقة أختفائه فكرتني بفيلم فؤاد المهندس لما مراته راحت تشتري طابع بوسطة و مرجعتش