تجربة قيادة اللوجان فى قنا الجميلة ؟ و حب من اول نظرة ..
من كام يوم كده ..... عرفت انه واحد من اعز اصحابى اشترى لوجان فول اوبشن سوداء
و انا من المعجبين بالعربية دى قوى ......و شوفتها فى المصرية و عجبتنى قوى و كان نفسى اجربها جدا الصراحة ..... المهم كلمته قاللى هاجيلك حالا ....
المهم الكلام ده كان بليل ... قعدت ابصبص للعربية براحتى من بره و لونها الاسود عجبنى اوى و كمان الحلية الكروم اللى ورا و قدام مديين العربية شكل جميل الصراحة ....
فتحت الباب و ركبت ورا الدركسيون ... و خليت صاحب لوجى جنبى .... و دورت العربية ... مسمعتش غير رنة بسيطة اوى و انتظرت عشان اسمع الصوت العالى ...... ملاقيتش حاجة ..... و صاحبى قاللى مالك ما تطلع بالعربية يا بنى ...... الصراحة الصوت قليل اوى و مش ملحوظ و الناس بتبالغ فيه ...... المهم بعد ما طلعت بالعربية ..... مكانش فيه صوت خاااااااالص .....
المهم .... قولت اسحب بالعربية و هيا كانت عاملة 3 الاف كم .... السحب حلو جدا و مرضى وا ستجابة حلوة و العربية كانت محملة 2 قدام .... و زوجاتنا و 4 اطفال ورا و الشنطة كانت مليناة حاجات ....... و العربية ابدا مفيش مشكلة خاااااالص ....... مكان الكلاكس بعد 5 دقايق بجد حسيت انه مناسب اوى ليا ...... عشان انا بمسك الدركسيون دايما باليد الشمال و بحب احط اليمين على عصاية الفتيس و لو فيه كونسول احط كوعى و تبقى موز ........ فاتعودت على مكان الكلاكس بسهولة و حسيت انه فكرته حلوة اوى اوى .........كمان الكرسى مريح اوى .... حسيت ضهرى مرتاح اوى فيه ........و الدركسيون برضه مسكته حلوة و الباور مش سلس اوى بس حلو مضايقنيش .......
نيجى بقى للمطبات ...... جننت صاحبى على الاخر ...... خدت كل البيارات و المطبات اللى فى الشارع و كان ناقص اطلع على الرصيف ......:Oc_sun1[1]: و نطباعى كان انها عفشة حلوة حلوة جدا و ناعمة و مش بتدب خااااااااالص بجد انا كونت مستمتع بالمطبات اوى :Ka_che1[1]:
الكاسيت و الراديو بصراحة كان حلو اوى و الصوت برضه جميل
الكنبة واسعة و حلو و مريحة بالذات فى الركوب و النزول
الشنطة بحر بمعنى الكلمة .....
عجبنى الاضاءة اللى فى درج التابلوة و الشنطة .......
و عجبنى برضه اللون الاسود مع الفضى فى الكونسول و الابواب
الفرامل كانت جميلة و مكانش فى رجرجة فى عصاية الفتيس ....... و الغيارات سهلة اوى و الدبرياج فى كلمة واحدة ملبن بجد .... و عجبنى اوى برضه
بس معرفشى لون الفرش المناسب يكون ايه ؟؟؟؟؟؟؟ لانه فرش صاحبى معجنيش بس اوعى حد يقوله :10_1_102v[2]:
انا حاسس انه لو حد غامر و عمل فرش بيج كده زى اللى فى الياريس و التويوتا ..... هايبقى حلو ..... بس المشكلة فى الابواب الاسود و فضى ...... و لا يمكن لو حد عمل جلد اسود فى فضى بس يبقى حاجة حلوة و متكلفة هاتبقى روعة ......:rolleyes2:
الصراحة العربية فى المجمل ... احلى و اجمل مما كونت اتخيل و بركز على احساسى انه العربية دى مش غريبة عليا و انى حسيت كأنى بسوقها كل يوم مثلا .... طبعا عارفين انه لما تركب عربية حد جديدة بتبقى متاخد شوية و مش عارف تاخد على ابعاد العربية و ماشى بالراحة وكده انما ده محستوش مع لوجى خاااااااااااااالص
الصراحة حسيت و انا سايق العربية دى انى سوقتها كتير قيبل كده ... على الرغم من انى اول مرة اسوقها .... حسيت انها حد اعرفه من زمان ....... حسيت انها عربيتى من زمان بجد و الله ده شعورى ....... ماعرفشى حد حس بالموضوع ده مع لوجى قبل كده و لالا :O_stupid[1]:
انما عندى حاجة رفيعه اوى و عاوز اخد رأى الوحوش فيها:
مقبض الباب من جوة .. اللى بتفتح منها الباب اللى لونها فضى ....... حسيتها ضعيفة اوى و ممكن مع الصعايدة عندنا تطلع بسهولة .... و كان نفسى تبقى نيكل زى معظم العربيات الجديده ...... و برضه مقبض الباب من بره ...... كان نفسى يبقى نيكل عشان يعمل شكل مع الاسود من بره .... زى اللى فى لانسر كده و فى نفس الوقت شكله يستحمل .....:049:
مش ممكن الاتنين دول يتغيروا بنيكل يا جماعة .... حد حس بالملاحظة دى و ايه رأيكوا فى فكرة النيكل دى ؟؟؟؟؟؟:O_stupid[1]:
و موضوع وحدات الرفع ده مهم اوى ....... لو حد عمله او يعرف يعمله هاتبقى حاجة حلوة .....
بالمرة حد ركب جنوط للوجى ........ و ياترى فى التوكيل و لا برة ؟؟؟؟ و سعرهم كاااااااااام ؟؟؟؟
على فكرة العربية دى لعبت فى دماغى اوى ........ بالذات لما عرفت انه التوكيل بيقسط مباشر و انا نفسى فى موضوع التقسيط المباشر ده اوى ...... ياريت لو حد يعرف حاجة او حد فى التوكيل يساعد فى موضوع التقسيط المباشر و شروطه و كده ؟؟؟؟؟؟؟؟
اسف لو فيه تقصير فى التقييم ده بس انا العربية قعدت معايا حسبة ساعة زمن و انا مش خبير اوى فى العربيات بس تقدروا تقولوا دى خواطر من معجب