انا حبيت اعرف اراء اخوانى فى المنتدى nilemotors فى شكل المنتدى الجديد وياريت التقييم يصاحبة وجهة نظرك وهل الشكل الجديد افضل من القديم ام مقبول
عرض للطباعة
انا حبيت اعرف اراء اخوانى فى المنتدى nilemotors فى شكل المنتدى الجديد وياريت التقييم يصاحبة وجهة نظرك وهل الشكل الجديد افضل من القديم ام مقبول
المنتدى خسر طابعه المميز فى شكل الforum ..
و بقى شكله زاى باقى المنتديات التانية ..
انا عارف ان فى ناس تعبت فيه و طبعا مشكورين على مجهودهم .. بس القديم احسن كتير
دة غير ان خاصية الشكر مرجعتش .. و لو كانت رجعت مكنش هايهمنى الشكل
البيانات اللى تحت اسم العضو مفيدة جداً وشكلها أحسن من الأول
انا عن نفسى عاجبنى الشكل الجديد
في انتظار بقية الاراء بجد لاني يهمني اسمع الراي الاخر
بصراحة اصبح الشكل تقليدي بس بيانات العضو فكرة جميلة
بصراحة الديزاين دة سهل و مريح جدا..
ألف شكر علي المجهود.
الاعلانات ممكن يكون ليها مكان غير كدة ,
هو الجديد حلو وكل حاجة
بس انا كان بيعجبنى فى القديم ان كل مشاركة بيسبقها اسم العضو
لكن فى الجديد البيانات عاليمين فاليمين ده كله بطول الصفحة لاغى لانه اصبح زى هامش للصفحة وبقا زى باقى المنتديات فى الشكل ده
كان بيعجبنى القديم اكتر او ممكن يكون تعود
بس ده ما يمنعش اننا نشكر القائمين عالمنتدى على المجهود
انا الاعلانات مش شايفها اساسا علشان بستعمل فلاتر
جوا الموضوع وضعيه البيانات الرأسيه واخده جزء كبير من الصفحه وبتزود معلومات اثناء القراءه مش محتاجينها وبتصعب معرفه بيانات الشخص بسهوله
يعنى الاول كان بمجرد نظره على البار الافقى اعرف اذا كان الشغل اون لاين او لا من جنب اسمه + اشوف البيانات على الشمال فى نفس المستوى ويبقى تحته الكلام واخد الصفحه كلها اقدر اقراه بسهوله لو الموضوع طويل بدون مساحه مستقطعه غير مفيده
لكن دلوقتى علشان اعرف العضو اون لاين او لا لازم انزل لأخر المشاركه وبمجرد ما عديت على بياناته اصبح البار معايا لاخر المشاركه فارغ ومستقطع جزء من الصفحه بدون داعى
خارج الموضوع كلمه مثبت بالاحمر وتحول الموضوعات باللون الاحمر بمجرد الوقوف عليها ميزه جميله جدا واسهل فى التعامل