آخر مستجدات صباع الحرارة - لانوس 2010

**bshndi** · 17-11-2009 06:44 PM

السادة الأفاضل
عارف إني داوشكم جداً بس المرة دي بشري لكل من" لبس " شيفورليه لانوس 2010 ولقي فيها صباع الحرارة مضروب .
الصباع وصل يا أخوانا
لمن لا يعرف أنا عملت شكوتين واحدة في منصور وآخري في أبو غالي إلي أنا متابع معاهم الصيانة(العربية لسه ما كملتش الخمسة ألاف كيلو) لقيت دول بيدوروا عليا والتانيين بيتصلوا بيا بقولو لي ليه كده
المهم فهمتهم إن الشكوي مش في المعاملة الشكوي من الضحك علي الناس في العربيات الخربانة إلي بنشتريها !
وإتصل بيا واحد من منصور شيفورليه إسكندرية فرع سموحه وبعتولي الصباع علي فرع أبو رواش قولتلهم أبداً أنا مش رايح هناك أنا بروح مركز أبو غالي إلي في آخر جسر السويس قالولي هانبعتهولك علي هناك قولت ماشي لقيت المهندس ياسر مدير مركز أبو غالي (راجل كده في قمة الإحترام)بيتصل بيا كام مرة يقولي حاجتك هنا مجتش تركبها ليه ؟
شوف يا أخي لما تهدد منصور بتبليغ حماية المستهلك تلاقيهم هما بيدوروا عليك ؟
المهم إن شاء الله رايح آخر الإسبوع ده علشان أغير صباع الحرارة أي حد عاوز أسألوا علي حاجة هناك أنا تحت الأمر
تحياتي

**heragy** · 17-11-2009 10:50 PM

**heragy** · 17-11-2009 10:56 PM

:b4_039::b4_039::b4_039:مساء الفل يا باشا على فكرةانا عندى نفس المشكلة وموديل 2010عاملة 1000كم وبردوة صباع الحرارة مش شغال عاوز اروح توكيل --- ابو غالى اتوموتيف --خلف سوق العبور اروح على طول ولا اتصل الاول اقولهم على المشكلة وياترى هلاقى صباع الحرارة ولا هيقول مش موجود

**heragy** · 17-11-2009 11:18 PM

عاوز اعرف فى اى مكان فى العربية صباع الحرارة يا ريت توضيح بالرسم وشكرا ليكو جدا

**zocor742** · 18-11-2009 02:13 AM

ناس تخاف متختشيش

**bshndi** · 18-11-2009 08:25 AM

السيد اللورد heragy
بعد التحية ، الإتصال بيكون بالرقم التالي 19570
وتقوم بإختيار أوبشن رقم 4 ثم أوبشن رقم 2 علشان تلخص ثم تعطي الأفندي إلي هايرد عليك رقم العربية ورقم تليفونك وهو بعد كده هايعرض عليك المواعيد إلي فاضيه ثم يعطيك رقم الحجز ، طبعاً بعد ما حضرتك نقترح عليه الأماكن إلي إنت عاوز تعمل فيها الصيانه ، الفرع إلي أنا بتكلم عليه في آخر جسر السيويس عند سوق القنال الدولي كده بجوار توكيل مرسيدس . وليس فرع العبور
أنا رايح يوم السبت إنت لو إتصلت بيهم دلوقتي ممكن تلحق ميعاد في نفس اليوم وتبقي فرصة كويسه نتقابل ونتعرف علي سيادتك .
تحياتي