-
معجم الأفعال السياراتية
قياسا على التطورات الغير طبيعية فى العامية المصرية فى السنوات العشر الاخيرة ، فبرضه العربيات كان لها نصيب ن التطور ده وبقى ليها لغة خاصة بيها وافعال لا تستخدم سوى للسيارات
انا قررت عمل محاولة لتجميع بعض هذة الافعال وشرحها على طريقة المعاجم اللغوية وكانت هذة هى النتيجة:
(ملحوظة انا كاتب الأفعال بالطريقة التى تنطق بها وليس الطريقة التى من المفروض ان تكتب بها، يعنى استبدلت الفتحت والكسرة والضمة بالف وياء وواو لتسهيل النطق)
1-جانط يوجانط تجنيطا فهو موجانط : اى قام بتركيب جنوط سبور للسيارة
2-فايام يوفاييم تفييما فهو موفاييم : اى قام بتركب فيمية للسيارة ، اصلها من كلمة fume الفرنسية
3-شربن ييشاربن شربنة فهو مشربن: وهذا الفعل إما للتعبير عن جزء كهربائى فى السيارة تكونت عليه طبقة كربون، او دينامو او مارش فسدت شربوناته، اصلها اوروبى من كلمة carbon
4-كارك يكارك مكاركة فهو مكارك: اى قام بالضغط على دواسة البنزين او الفرامل بشكل متتالى إما لغرض تدوير السيارة او لغرض اختبار شئ ما
5-شايس يوشاييس تشييسا فهو موشاييس: وعادة يقال بصيغة التأنيث (شايييست ) ليعبر عن السيارة التى انعوج هيكلها فى حادثة ، اصلها من كلمة chassis الإنجليرية والفرنسية
6-ناففاخ يوناففيخ تانفيخا فهو موناففيخ: ويقال على الشخص الذى قام باجراء تعديلات شكلية على هيكل السيارة الخارجى
7-زانن يوزانين تزنينا فهو موزانن: اى قام بتركيب فوانيس زينون للسيارة، اصلها كلمة xinon، ألنجليزية
8-دايفال يودايفل دايفاله فهو مودايفيل: اى قام بتركيب شكما ن ديفيل للسيارة،اصلها devel الإنجليزية
9-زرجن يوزارجن زرجنة فهو موزارجن: اى قام بشد السيارة على الزارجينة (فى حالات ظبط الزوايا او الحوادث)
10-شامماع يوشامميع تاشميعا فهو موشامميع: اى قام بتلمع السيارة بالشمع
11-باولاش يوباوليش بولاشة فهو موبابوليش: اى قام بتلميع السيارة بالبوليش، اصلها polish
12-عارراض يوعارريض تعريضا فهو موعارريض: وتستخدم فى حالتين الحالة الأولى هى تركيب جنوط عريضة فنقول، جنط وعرض، اما الحالة الثانية اثناء اذا فقز السائق من اقصلى يمين الطريق الى اقصى يسار الطريق مر واحدة
13-غارراز يوغارريز تغريزا فهو موغاررز : اى قام السائق بالعبور فى الفراغ الضيق مابين سيارتين احداهما امامه والأخرى بجانبه
14-خامماس يوخاممس تخميسا فهو موخامس: اى قام بالدوران فى المكان 180 درجة كاملة بالسيارة سواء بإرداته ، فى حالات العاب السيارات ، او رغما عنه فى حالات الطوارئ
15-امراك يؤامريك أمركة فهو مؤامريك: اى اجبر السيارة على الإنطلاق الفجائى بشكل يجعل العجلات تصفر فى الأرض وتثير الغبار، اصلها هو اسم دول america
16-شامبار يشامبر شامبرة فهو موشامبر: وتستخدم فى حالتين ، الحالة الاولى معناها انه قام بعمل طقم شنبر للسيارة، اما الاخر فتعنى انه افسد السيارة،اصلها chambre الفرنسية
17-خايياش يوخاييش تخييشا فهو موخاييش: اى عمل حادثة بالسيارة مما ادى الى تدميرها جزئيا او كليا
18-سوجار يسوجار مسوجار فهو مساوجر: اى قام بإحكام غلق السيارة ، اصلها secure الإنجليزية والفرنسية
19-جاب زيت، يجيب زيت، فهو جايب زيت:تقال للموتور او المساعد او ماستر الفرامل عندما يفسد ويتسرب منه الزيت
20-سرطن يسرطن سرطنة فهو مسرطن: تقال للزجاج من النوع سابق الإجهاد عندما ينتهى عمرة ويتكسر الى فتافيت بدون اصابة خارجية
بقى لدى فعل واحد يستخدم للتعبير عن خروج النصف الخلفى للسيارة عن السيطرة فى الملفات، لكن بصراحة مش ناوى اكتبه هنا علشان الإدارة متحذفوش :wink: :wink: :wink:
-
جامد - يوجمد - تجميدا فأنـــــــــــت - ملكش حل
شغل جامد جدا
ونصيحة اعمل كتاب لأن ماشاء الله عندك اسلوب كتابة مُبهر وعلشان كمان تحفظ حقوقك الأدبية و الفكرية
-
شاكر متشكر شكرونننننن على المقال التحفه يا م سبعاوى ;)
-
الف الف شكر يا بشمهندس والله انت كل مواضيعك تحححححححححححححححححححححححح حححححححححفة جدا جدا جدا جدا جدا و دائما بقرأها من الألف للياء
-
ههههههههههههههههههههههههه ههه
والله كلام زى الفل
بس الجملة بتاعت الزينون ممكن تتفهم غلط :oops:
-
جامد أوى الكلام ده يا باشمهندس سبعاوى .. ;) :lol: ;) :lol: ;) :lol:
-
-
:lol: :lol:
هههههههههههه
انت 100-100 يا سبعاوي باشا
-
-
ييييييييااااااااا ماشاء الله أأأأيه الحلاوه دي تسلم الأيد إللي كتبت والعين إللي قرأت والسان إللي قال ياعم البشمهندسين كلهممممم :-) :-) :-)
Content Relevant URLs by
vBSEO 3.6.0 PL2