سلام عليكم
انا جديد في المنتدى هنا و محتاج مساعدة الناس
معايا فلوس مابين 70 ل 80 الف في الرينج ده كده
و عاوز اشتري عربية ممكن زيرو او مستعمل بس لو مستعمل حاجه كسر زيرو تكون عاملة 50-60 الف كيلو مثلا

شفت عربيات كتير بس مش عارف اختار
انا العربية مشاوريها معظمها جوه البلد كوبري اكتوبر المحور كورنيش المعادي الجو ده
و ممكن سفرية اسكنندرية مرتين في السنه ولا حاجه
عاوز حاجه اوتوماتيك، ثباتها كويس بس اهم حاجات عندي انها تكون مريحه لأن اختي كمات هتركبها و يكون استهلاك البنزين بتاعها مش عالي، انا مش من الناس الي بتجري يعني كبيري لو الطريق فاتح 120-140
طبعا الأمان فيها مهم و اسعار قطع غيارعا معقولة عشان ملبسش الاهل

شفت الاكسنت بس مش عارف فيه منها اوتوماتيك و بكام و الكيا ريو و الجتز مش عارف فيه منها اوتو ماتك ولا لأ

و بالنسبة للمستعمل مش عارف ايه الاختيارات المتاحة
انا شفت ان في الرانج الي عاوزه في لانسر 2007-2008

ايه رأيكم ؟