الموضوع: ارجو الرد ضروري بدل الحيرة في الصوت للدريكسيون

صوت التكه من كلامك انها بتيجى مع لف الدركسيون من الممكن فيه مشكله فى الكوبلن اللى ناحيه لفة الدركسيون مكسور او فيه شىء
روح للتوكيل تانى مادام لسه المشكله متحلتش

بص يا سيدى انا عندى الصوت ده وعملت كل ما تتخيله فى غضون سنتين وكتبت عن الموضوع ده كتير جدا وجربت كل حاجه وروحت التوكيل اكتر من 30 مرة وللميكانيكى بتاع اللانسر الكتر من 500 مرة وغيرت العفشة كلها وبأكد تانى العفشة كلها وغيرت علبة الدريكسيون 3 مرات وصرفت اكتر من10000 الاف جنيه لحد ما عرفت العيب وعلاجه وللعلم الصوت ده موجود فى البومة كلها وفى ناس مابتحطوش فى بالها .. طبعا هاتسألنى أنا ليه صرفت وعملت كل ده مع العلم انى اقدر اجيب عربية تانية والاجابة انى بعشق عربيتى وعامل فيها حاجات جامدة جدا وبسيطة ورخيصة فى نفس الوقت .... انا هاجوبك بس بعد ما ترد على سؤالى ولن أبخل عليك بحل المشكلة والسؤوال هو انت بتسمع الصوت فى المطبات وانت كاسر الدريكسيون وبالاخص وانت كاسر الدريكسيون ولا وانت واقف .. وصدقنى فى الحالتين هاقولك تعمل ايه بالضبط ولو عندك اسئلة تانية هاجوبك عليها أيضا لانى أظن انى خبرة شوية فى الانسر البومة وهاتعرف ده لما أجوبك على أى شىء تريده ولما تحل المشكلة هاتتأكد من صحة كلامى يا ريت ترد عليا وترد على سؤالى علشان أقولك على الحل من غير ما تجرب ولا تتعب نفسك ولا تسمع كلام كتير مش مفيد

انا مش هاطول عليك ولكن اريدك ان تصدقنى وتثق فيا جدا وانا مش هاضرك .. الصوت اللى بتسمعه مع المطبات واللى زى ما يكون حديد فى حديد من تحت الدريكسيون بالاخص مع عين القطط اللى فى الطريق ده صادر من علبة الدريكسون ومش من أى شء تانى مهما تشك فيه صدقنى هاقولها تانى من علبة الدريكسيون وده عيب فى كل الانسر البومة وانا زى ما قولت غيرت العلبة 3 مرات الصوت بيروح تماما وبعد شهرين يرجع تانى ولو شلت علبة الدريكسيون وشحمتها فى التوكيل او عند ميكانيكى نظيف هايروح الصوت ولكنه هايرجع تانى بعد فترة لان الصوت ده جاى من احتكاك البستم اللى بيقفل على العلبة وعمود الدريكسيون (المشرشر) اللى جوه العلبة .. طيب نعمل إيه علشان نشيل الصوت المقرف ده واللى بيحسسنا ان احنا راكبين عربيات قديمة ويحرجنا كتير ؟ هناك حلين

الاول : سهل جدا وغير مكلف بالمرة وده بنعمله كل شهرين تقريبا وهو واحنا بنغير الزيت نخلى الميكانيكى من غير ما يفك اى حاجة يخلع رباط كواتشين البيانو الى عند طرفى علبه الدريكسيون وبكده هايبان عمود الدركسيون اللى جوه العلية ويقوم بوضع شحم كتير عليه وكل ما يحط شوية شحم يجيب الدريكسيون شمال ويمين علشان الشحم يخش جوه العلبة ويحط شهم تانى ..الخ لحد ما يحس ان هيا اتملت بالشحم ثم يربط كواتشين البيانو تانى بالافافيز بتاعتها وبتكون أفافيز عادية بلاستيك ولما تشمى بالعربية لن تسمع الصوت تانى إطلاقا ولكنه سيظهر بعد شهرين تقريبا وبعدين تعمل نفش الشىء على فكرة تشحيم العلبة بالطريقة دى بيكلف حوالى 10 جنيه وبيتعمل فى 10 دقائق زى مل قولتلك يعنى مع غيار الزيت تقربيا ولا يضر السيارة إطلاقا ولو مش مصدقنى روح توكيل مصرية واسأل ان كان ده غلط ولا مش غلط انا بديك خبرة 3 سنوات لف على التوكيل والميكانيكى المختص بلانسر ومش عايزك تجرب اللى انا جربته قبلك علشان متتعبش والله انا هدفى المصلحة فقط ويا ريت كل اللى عنده لانسر بومة يعمل ده ...

الحل الثانى : تخلى الميكانيكى يفك البستم اللى بيقفل العلبة من غير ما يفك العلبة ولا أى حاجة فى العربية والبستم ده وظيفته انه لما يكون فى بوش نربط عليه علشان يشيل البوش وده ولكنه بيتقل الدريكسيون شوية واحنا مش ناقصين لان دريكسيون اللانسر ثقيل بطبعه المهم بعد ما يفك الصامولة يشيل البستم والبستم ده شىء صغير وبيكون حديد وهو مصدر الصو اياه لانه حديد وبيخبط فى العمود اللى هو حديد أيضا ويعمل الصوت الرخد اللى بنتكلم عنه المهم بعد ما يفك البستم يجيب بستم تانى مثله تماما بس فايبر من عند اى عفشجى والبستم الفايبر ده بينزل فى التويوتا وثمنه عند أى عفشجى 10 جنيه تقريبا ويركبه ويربط الصامولة وبعدين هاتمشى بالعربية ولن تسمع الصوت ده تانى الا نادرا جدا جدا جدا يمكن مرة واحدة مثلا كل 8 شهور .. وخد مطبات براحتك ولا تقلق ولن تحرجك السيارة مرة ثاية وامشى عل عين القطط براحتك بسرعة أو ببطؤ أو زى ما انت عاوز والله انا مش عايز اللى مضيقين من الصوت ده يتعبوا التعب اللى انا تعبته لحد ما وصلت للحل ده وبردو هذا الحل غير مضر لسياة اطلاقا يمكن يكون مفيد ليها اكتر وبرده لو مش مصدق اسأل التوكيل وشوف ده غلط على العربية

أرجو أنى أكو أفدتك نسيت أقولك ابقى كل فترة اربط على مسمارين الميزان اللى فى العفشة علشان دول لهم أهمية كبيرة فى عدم وجود أى صوت بالعفشة ونسيت أقولك أيضا لو فى صوت تكتكة وانا واقف وبتجيب الدريكسيون شمال ويمين ابقى خلى حد يشيل بطاحطين المساعدين ويغسلهم كويس جدا بالاخص الاولسهين اللى تحتهما برده مش هاتمسع الصوت ده تانى

لو عندك اى استفسار تانى لا تقلق واسأل زى ما انت عاوز انا هاجوبك ان شاء الله عليه وبرده بعد ما أرد عليك وتعمل اللى بقولهولك عليه وسأل التوكيل أيضا هاتتأكد من كلامى وعلى فكرة عندى فكرة جامدة جدا لنور التابلوه يخيك أكنك راب بى ام بالضبط ونفس الدرجة برو هابقى اقولك عليه .

أستاذ / a.saad
1- صوت الطقطقة وانت بتلف الدريكسيون وانت واقف علاجه بسيط جدا

أولا - تروح لميكانيكى نظيف وتخليه يفك البطاحتين بتوع المساعدين الاماميين حيلاقى تحتهما أولسهين مدورين يغسلهما كويس جدا جدا جدا ولو بايظين يغيرهم وسعرهم عادى تقريبا 25 جنيه للواحدة .

ثانيا : قبل ما تعمل الحل الاول اغسل العربية كويس بمن تحت بالاخص المسعدين الاماميين لو الصت راح خير لو مارحش اعمل الحل اللى قولته لك .

ملحوظة :
صوت الطقطقة وانت بتلف الدريكسيون وانت ماشى على اسفلت ناعم فى الملفات على سرعات بسيطة علطول يعنى شىء فى الكبالن

أرجو أن أكون قدمت شىء من المساعدة

أستاذ/ hishamkenawy

بالنسبة للكريستال الموضوع مختلف تماما لان مفهاش الصوت ده ومن وجه نظرى المتواضعة جدا العربيى دى من أحسن موديلات المتسوبيشى على الاطلاق .

1- بالنسبة للصوت الصادر من الدريكسيون فغالبا لان صاحبى عمل كده والصوت راح (محتاجة تغير اتياش وبارات) .

2- بالنسبة لصوت عند الفرامل فله احتمالين الاول إن مكن يكون التيل مش أصلى أو مش كويس أما الثانى فيجب عليك عمل خراطة لطنابير ومش هتخرج بره الحلين دول .