عرض للطباعة
حد سمع او جرب عماد المصري اللي في الدقي بتاع قطع غيار البي ام ؟!:rfds:
بيقول كمان في ميكانيكي من التوكيل بيجيلوا كل خميس يفحص العربيات و ممكن يصلح و اهو التصليح جنب قطع الغيار:3mla:
انا عاوز اروح له عشان اجيب فوجات بس الاهم اني عاوز الفني ده يوم الخميس يشوفلي الباور عشان زيته بينقص..................حاد يعرف حاجة عن عماد او فني التوكيل ده؟!!
حد سمع او جرب او بيتعامل معاه ؟!!!
ارجو بجد سرعة الرد و بالتفصيل عشان محتار:fdsa:
شكرا
و السلام عليكم
طبعا سمعت عنه يا باشا..
عن طريق بيشوي.. Expert كان معانا هنا في نايل بس سابه من فترة..
هو قالي انه راجل جامد جدا.. و كان بيتعامل معاه.. عشان بيشوي كان شغال مع عمه في استيراد البي ام من سويسرا.. استيراد يعني..
انما فيما يخص موضوع الفني.. ماعرفش عنه حاجة بصراحة..
الله ينور يا باشا
خلاص يبقي شكلي هبقي زبون عنده و ربنا يكرم
وعليك يا دكتور..اقتباس:
المشاركة الأصلية كتبت بواسطة mantoros
ربنا يوفقك و تظبط كل حاجة تمام ان شاء الله..
ربنا يوفقك
النهاردة رحت لعماد المصري و فضلت قاعد معاه اكتر من ساعتين نتكلم و نتسامر و الله كأننا اصحاب ممن زمان
رجل مثقف و محترم و ذو خبرة
تحدثنا و وعدني ان يحضر لي الفوجات بعد العيد
و اتفقنا ان اشتري باكر ان شاء الله كل مستلزمات السرفيس من فلاتر و سيور و بوجيهات و القاه بعد الصلاة ان شاء الله حيث سيأتي الميكانيكي طرفه لعمل السرفيس و ربنا يعينني علي المصاريف يا رب
بس زعلت اوي لما جيت امشي عشان الدبانة الامامية (الشبكة الفضية اليمني في مقدمة السيارة) لقيتها وقعت و معرفش راحت فين (كانت مهزوزة من قبل و ثبتها) و ادي بتاع 100 جنيه كمان !!! يلا اهو تأخذ العين
الحمد لله
و هذه اول مشاوير سرفسة السيارة و يا رب التوفيق
عملت الcar care و فرش جلد و انذار جديد
فاضل السرفيس و الفوجات
بعدين بقي لما افوق و اجيب فلوس ابقي اعمل موضوع زيت الباور اللي بينقص و اركب حساسات الركن و سماعات خلفية جديدة ان شاء الله
و ربنا يكرم الجميع يا رب
و دعواتكم لحسن العين شديدة و انا لسة واحد خابطني الصبح و ربنا يكملها معانا بالستر يا رب
و السلام عليكم
طيب كويس الحمد لله..اقتباس:
المشاركة الأصلية كتبت بواسطة mantoros
معلش فداك الحاجات اللي بتحصل دي.. مش مهم الاهم انك الحمد لله سليم.. و بتيجي في حاجات بسيطة..
ابقي طمنا عليك كده و خلينا متابعين.. و ربنا يتم التوضيب ده علي خير ان شاء الله..
لما تروحلوا تانى إبقى قوله أنك من طرف يوسف هاواوى
وبالمناسبه الميكانيكى اللى بيروحله إسمه كمال وشغال فى أبو غالى
الحمد لله تعالي عملت السرفيس الكامل النهاردة سيور و فلاتر و بوجيهات
و غيرت كوليهات خراطيم زيت الباور
و كمان رحت توكيل كلاريون اللي في احمد عرابي (انا زبون قديم اوي عندهم) و غيرت السماعات الخلفية بجداد بلو-بنكت
كمال (ميكانيكي ابو غالي اللي عند عماد المصري) فني ممتاز و ذوق اوي الحمد لله
بس شكلي ححتاج بعدين اغير علبة الدركسون و احتمال بيضة العجلة اليمين امامي بس مش مستعجلين,لما افوق شوية و كمان لما تيجي فلوس ان شاء الله
فاضل بقي اعمل مفتاح مشفر جديد بس بعد العيد ان شاء الله مع الفوجات لو في فلوس !! (دورك بقي يا احمد باشا تيجي معايا عند سعيد لو ملقتش حد أقرب أعمله عنده) و ربنا يكرمك.
و فاضل مشوار الكهربائي عشان اوطي ارتفاع النور الامامي يمين عشان حادف لفوق و اللجلاش بتاعه مفوت و كمال احتار فيه فلازم كهربائي (حد يعرف كهربائي بي ام بس ميكونش بعيد اوي عن الهرم او المنيل او المهندسين ؟؟ )
شكرا يا يوسف باشا,هقولوا المرة اللي جاية,بس بصراحة عماد و كمال مش محتاجين توصية و حتي لو حراقين سنة بس شكل و معاملة ممتازين
و ربنا يكرم الجميع يا رب
و السلام عليكم
بالحق......سؤال غريب شوية: محدش يعرف حد معاه موبيل موتورولا ستار تاك بتاع زمان ده ؟!!!
عشان الكار كيت الاصلي محتاج واحد عشان اشغله
و شكرا
اقتباس:
المشاركة الأصلية كتبت بواسطة mantoros
يا دكتور انا تحت امرك.. وقت ما تحب بس اديني تليفون و اكون جاهز و تحت امرك باذن الله..
يا ريس أنت تأمر وبمناسبه الكهربائي قول لعماد يظبطلك مع زهران وأى خدمه
ياريت ياجماعه حد يقولي عنوانه بالضبط فين في الدقي
عنوانه شارع شاهين بالدقى خد بالك مش شارع الدكتور شاهين اللى فى العجوزه
أو لو انت عارف شارع مصدق فى الدقى فى على ناصيته محطه بنزين هوه فى الشارع اللى قدام المحطه من الناحيه التانيه
تليفون عماد المصرى: 0114441344
محل:33368152
اقتباس:
المشاركة الأصلية كتبت بواسطة elm3lem_youssef
معلم.. :10d5c8~1107: