النهاردة يا رجالة كنت بعمل صيانة ال 20.000 و سألت المهندس هاني عادل على أني عايز أركب وحدة رفع وخايف أخرج بره الضمان بس هو قالي وحدة الرفع بسيطة ومجرد توصيلة في باب السواق ومفيهاش لعب كبير
فتوكلت على الله و روحت على بلو بونكت الحجاز و ركبتها و إليكم التفاصيل :
-التكلفة : 150 جنيه مصري فقط لا غير (و 5 جنيه تيبس)
-الوقت المستغرق : ساعة تقريبا
-الشغل : نضيف بطريقة فوق الممتازة
-الصنايعي : أسمه احمد و محترم جدا و مؤدب و بيركز في شغله و متعرفش تمسك عليه غلطة
-النتيجة : ممتازة و مريحة جدا و فرقت جامد
-المعاملة : جيدة جدا علشان مكنش فيه زحمة أوي
-نوع الجهاز : سيمفوني
........طبعا أتأسف لعدم إرفاق صور بالموضوع بس للأسف الموبايل كان فاصل شحن علشان كنت شغال عليه طول فترة الصيانة وأنا قاعد في الكافيتيريا........
#بس إن شاء الله هبقى أصور العربية فيديو لعملية تشغيل وحدة الرفع وأرفعها على طول