سؤال عن الفيرنا الجديده 2009 الاوتوماتيك

السلام عليكم ورحمة الله وبركاته

ياريت حد يفيدنا عن الفيرنا 1600 cc الاوتوماتيك

هل في مشاكل في العربيه زي الفتيس مثلا او السحب في العربيه وخصوصا ان العربيه تقفيل مصري 100 %

ياريت الافاده يا اخونا

فين الردود يا جماعه
اش حال العربيه منتشره وطوووب الارض راكبها

انا اشترتها زبرو فى 2007 و بعتها بعد 6 شهور
عيوبها كتير اوى
هو الوكيل كويس بيغير حاجات كتير فى الضمان من غير وجع دماغ
غيرت من اول شهر
كابل الغيارات بتاع الفتيس الاوتوماتك
ماستر الفرامل و الطنابير و خراطيم
كابل الاكسلاتير
سربنتينة التكييف
غير حاجات تانية مش فاكرها
فرامل فى الضياع حتى بعد ماتغير فيها كل حاجة الا التيل
ما اكتشفتش الفرامل الا لما منت فى يوم ماشى و عدى ولد صغير من ادامى بسرعة الواد كان خلاص حيعدى بس انا لما شوفته اتغضيت فدوست فرامل عينك ما تشوف الا النور لاقيت العربية راحت حدفة ناحية الواد و لطشته ربنا ستر و عاش بس اتجبس الحوض ما تفكرنيش ابعد عن العربية دى خالص نصيحة لوجه الله
انا بتوع التوكيل زهقوا منى قالولى هى العربية دى كده عايزها زى الالنترا قولتلهم دى 1600 ما تكونش ليه زى الالنترا المهم خلصت منها و جبت اوبترا فرق السما من الارض خصوصا فى الثبات و عزل الصوت و السحب و كل حاجة

شكرا لك علي الافاده انت كده اكدتلي اني اشتري النيو اكسنت افضل منها

هو الاتوماتيك فى الفيرنا مش مرغوب اوى حتى متلاقيش عربيات فيرنا كتيير اتوماتيك

كل ده عشان تقفيل مصرى ؟

اقتباس:

---

كل ده عشان تقفيل مصرى ؟

---

لا مش علشان تجميع محلى , علشان غبور اللى بيجمعها و لانها ارخص عربية اوتوماتيك سيدان مش صينى فى السوق فغبور طبعا بيحط فيها حاجات مصرى من اللى قلبك يحبها زى الكابلات المصرى اللى بتضرب و الكلام دا.
و بصراحة سعرها 75 الف يعنى قريب اوى من الاكسنت اللى تمنها 85 بس كنت شوفتها جديدة عند موزع مش فاكر مين (اعلان فى الاهرام) كانت ب 81.5 على ما اعتقد فانا شايف ان فرق 6000 جنيه و تاخد شكل احلى بكتير (خصوصا 2010 اللى التابلوه ازرق) و عربية موديل السنة فعلا و كورى 100% و ثابتة اكتر فانا شايف لو تقدر تزود اكيد النيو اكسنت بدون تفكير

فكك من الفيرنا