هل هذة اعراض الدبرياج ؟

**moudy2002** · 21-11-2007 02:09 PM

العربية بقيت اجيب بيها 40 ك على التانى بالعافية واحس ان العربية خلاص هو دة اخرها على التانى من كتر صوت الموتور ما بيرتفع وكذالك التالت اخرة 60 والعربية بتصوت منى . الفتيس بيعض شوية فى الغيارات (بس هو اصلا تقيل ). صوت ونة مصحوبة بصوت خشن بتبقى واضحة جدا لو انا على 2.5 او 3 rpm .
هل هذة فعلا اعراض ان الدبرياج خلاص بقى اخرة ولا اية الموضوع . انا مش عايز افك واغير طقم دبرياج الا لما انتو تساعدونى واتاكيد فعلا ان دبرياج كدة اخرة فعلا .

هل ممكن اعيد ملاء اسطوانة الدبرياج وتكون بنفس الكفاءة ولا اخلينى فى المضون وغير على طول .؟
اية احسن نوع ممكن اجيبة ؟
يارايت اسعار المصنعية علشان الاشتغاللات ..؟

العربية اكسنت 1500 عاملة 95.000 ك وصاحبها بيقول انه مجاش ناحية الدبرياج قبل كدة خالص . علشان انا لسة شاريها من شهرين بس .
انا عارف انى طولت عليكو بس انتو اخواتى وعارف انكو هتسحملونى .

**HESHAM AMIN** · 21-11-2007 02:23 PM

ادى العربية الرابع وحاول تطلع بيها
لو مشيت يبقى الاسطوانة سليمة ولو ما مشيتش تبقى بتودع

**moudy2002** · 21-11-2007 02:36 PM

شكرا هشام على سرعة الرد
انا بصراحة احترت من موضوع الرابع دة وطتلع ولا مطلعش فى ناس تقول لو طلعت يبقى الاسطوانة سليمة وناس تانية بتقول العربية المفروض تبطل .. مش عارف اعمل اية .. فين الصح وهل يوجد اختبار تانى غير كدة ؟
مع العلم ان العربية او حطيت الرابع وجيت اطلع بتكرر جامد بس بتطلع فى الاخر .
احترت واحتار دليلى

**fahd_628** · 21-11-2007 02:40 PM

لو طلعت يبقى سليمة و مطلعتش يبقى بايظة

**HESHAM AMIN** · 21-11-2007 03:09 PM

العربية عاملة معاك اية فى المطالع لو بتطلع كويس تبقى الاسطوانة كويسة لو بتعانى وهى بتطلع يبقى غير الاسطوانة
بس انت قولت العربية بتطلع على الرابع
يبقى الموضوع مش اسطوانة يبقى ضبط موتور

**aboalm** · 21-11-2007 03:23 PM

طيب فيه اختبار سهل قوى اقف قدام رصيف عالى او حائط و حاول تطلع على الاول عادى لو الموتور بطل تبقى سليمه لو مش بطلت تبقى بتغنى بأودعك

**moudy2002** · 21-11-2007 03:32 PM

aboalm
طيب فيه اختبار سهل قوى اقف قدام رصيف عالى او حائط و حاول تطلع على الاول عادى لو الموتور بطل تبقى سليمه لو مش بطلت تبقى بتغنى بأودعك

يعنى ايه رصيف عالى او حائط حضترتك بتكلم جد ولا بتهزرر ؟

HESHAM AMIN
العربية عاملة معاك اية فى المطالع

انا بطلع المقطم ساعات بس اخرها بديها التالت ومبقدرش ازود عن 60 ك بحس ان دة اخرها وانا طالع
وشكرا على الاهتمام

**Ahmad** · 21-11-2007 06:38 PM

أنا اعرف ان لو طلعت علي الرابع و بطلت تبقي الاسطوانة سليمة, لو مشيت تبقي بايظة.

**moudy2002** · 21-11-2007 06:52 PM

أنا اعرف ان لو طلعت علي الرابع و بطلت تبقي الاسطوانة سليمة, لو مشيت تبقي بايظة.

انا برضو راى كدة برضة
طيب ممكن اعرف اية احسن نوع ممكن اجيبة وكمان المصنعية تبقى تقريبا كام

**aboalm** · 21-11-2007 07:03 PM

بأتكلم بجد طبعا الفكره ان السياره لا تسطتيع التحرك و بكده تقدر تحكم على الاسطوانة ليه باهزر اقف بالسياره ملاصق للرصيف عمودى عليه و حاول تطلع طبعا مش راح تطلع فوقه المفروض ان الموتور يبطل لو مش بطل تبقى الاسطوانه خلاص

الموضوع: هل هذة اعراض الدبرياج ؟

LinkBack

أدوات الموضوع

عرض

-

-

-

-

المواضيع المتشابهه

ما هى اعراض تلف بلية الدبرياج ؟

اعراض تلف بلية الدبرياج في اللوجان

ليه فى عربيات الدبرياج بتاعها تقيل وعربيات الدبرياج بتاعها خفيف ؟؟

اعراض تلف بلية الدبرياج ..

ما هي اعراض بداية تلف بلية الدبرياج ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة