الموضوع: إحساس جميل جدا

السلام عليكم
بصراحة انا عندي إقتراح مش عارف ينفع ولا لأ؟
في الفترة الماضية شوفت في كل مكان في مصر الأعلام المصرية شوفتها في السيارات وعلي المحلات وفي البلكونات حتي الراجل بتاع الفاكهة اللي جنبنا معلق علم.وبصراحة أنا كل ما أشوف الأعلام دي بحس إحساس جميل جدا وأشعر بالوطنية وحبي لمصر وأعتقد إن الإحساس ده عند كل المصريين.مش هاطول عليكم بس إيه المانع إن الأعلام دي تستمر مرفوعة علي طول مش مجرد مباراة هاتنتهي وخلاص ويمكن تكون دي سبب في زيادة حبنا لمصر بلدنا وتخفف عنا حاجات كتير . بصراحة مش عارف ينفع ولا لأ؟
إيه رأيكم

[انا شايف ان ده كان هيبقي افضل في مناسبه اهم و غير مناسبه مباراة مصر و الجزائر
يا جماعة مش شرط تكون مناسبة أنا أقصد من الموضوع إن إحنا ننمي روح الوطنية عند المصريين شوية مش معني كده ان احنا هانطلع نحارب علي الجبهةأنا لاحظت في الفترة الأخيرة من كذا شخص بيقول لو جات لي فرصة إني أسيب مصر هاسيبها ولما أسأله ليه يقول إن الحياة وحشة قوي في مصر من طوابير عيش وطوابير معاش وطوابير بنزين حتي لما نيجي ندفع المصاريف في الكلية كنا بنقف في طابور طول النهار . ناهيك عن الفساد اللي موجود وكده.....أنا أقولهم يا جماعة الناس المفسدين هما اللي يسيبوها إحنا دي بلدنا وبنحبها ومش هانسيبها.
دا كان مجرد اقتراح ممكن يكون فيه اقتراح أحسن منه لتنمية روح الوطنية.
أسف للإطالة بس انا بوضح وجهة نظري.