الموضوع: أخويا تم إجلائه من الجزائر

المشاركة الأصلية كتبت بواسطة hegazio

أخويا بيشتغل مدير مصنع في الجزائر بقاله 6 شهور
و علي الرغم من ان الدنيا كانت وردية طوال 5 شهور
الا انها اسودت من شهر
الوضع في أخر أيام أصبح حرب علني
واحد يقطعله الميه عن الشقة
واحد يقطعله الكهربا
البقال مش راضي يبيعله حاجة
و مع تهديدات بالقتل من موظف مجهول .. قررت الشركة اعطائه أجازة لحين البت في الوضع
كنت باحب الشعب الجزائري زمان .. بس مش قادر دلوقتي اسمع سيرتهم

لا حول ولا قوة الا بالله
ليه ده كله
علشان حتة كاوتش او جلد بتجري على الارض هنموت بعضينا
منه لله الاعلام المفتوح هو اللي عمل المشكلة دي
حسبي الله ونعم الوكيل

وفي مصر عندنا الاجن من الجزائريين
للاسف تعصب اعمى من الفريقين

المشاركة الأصلية كتبت بواسطة نور القمر

وفي مصر عندنا الاجن من الجزائريين
للاسف تعصب اعمى من الفريقين

لا معلش محدش عمره عمل كده فى حد لا جزائرى ولا غير جزائرى

كببيرهم هنا شتايم

لكن حيجلى واحد جزائرى مش حرضى ابيعله اكل او حقطع عنه المياه

دول مجانين رسمى

المشاركة الأصلية كتبت بواسطة نور القمر

وفي مصر عندنا الاجن من الجزائريين
للاسف تعصب اعمى من الفريقين

لا معلش يستحيل واحد مصري هنا يعمل كدة

البقال مش راضي يبيع له؟؟؟؟؟؟؟؟؟؟؟؟ ليييييييييييييه يعني؟؟؟؟؟

و بعدين لو كان واحد عمل كدة في مصر كنت هتلاقي خمسين واحد مصري يقف ضده و يفهمه غلطه لكن الوضع هناك وضع عااااااام و مؤيد سياسيا

بجد قمه التهريج و التخلف
انا مش قادر اصدق اللى بيحصل

الاستاذين الفاضلين احمد انتم مش مقياس او مش وجه مقارنة مع الجزائري المتعصب لانكم اشخاص متعلمين ومثقفين وواعيين وصحيح اخر تعصبكم شتيمة
لكن محدش ينكر ان في طبقات من المصريين العنف اسلوب تعاملها فيما بينهم في المواقف العادية
فما بالك لو في موقف زي موقف الجزائر
واعتقد مش كل الجزائريين وحشين لو دورنا وراهم اكيد هنلاقي ناس رافضة العنف