في البورصة .. الحيتان بيأكلو الفيران

**Hegazio** · 18-11-2009 11:06 AM

يعني نفسي أفهم اللي بيحصل في البورصة ده بيحصل إزاي ؟
طبعا انا دخلت في البورصة المصرية و السعودية كتير
و عمري و الحمد لله ما كسبت الا و بعدها خسارة أكبر
و عرفت مؤخرا ان كل الكلام عن أي نقاط قوة و نقاط دعم و اتجاه بطيخي .. كله في الهجايص
السوق بيمشي بسياسة القطيـع
الواحد بيمشي زي ماللي بيمشو القطيع عاوزينه يمشي
اللي غايظني بقي .. زي اليومين دول
ان الحيتان بيبيعو شوية أسهم محترمين ينزلو بيهم السوق شوية .. فالفيران الغلابة تبيع بسعر نازل شويتين!
و كل مرة نفس الحركة .. و السوق يطلع بعد ما الحيتان اشترت بالرخيص .. طب ليـــــــــه ؟ ليــــــــه بتبيع ؟ يا فــــار !!

**Migo123** · 18-11-2009 11:12 AM

عشان الفار محوش تمن حتتين جبنه للايام الي الجايه
لما يلاقي اللي معاه يدوب يجيب حته واحد (بعد الخساره).... بيجري بيها ... بعد ما كان في يوم بيحلم بحته جبنه كبيره تقلبه حوت .......... وتبقى الحيتان حيتانا والفئران فئراناً

**gomangy** · 18-11-2009 11:20 AM

المشاركة الأصلية كتبت بواسطة karim_mohy

سؤال بس يا حجازي
هو اللي عايز يشتري اسهم يروح البورصة من نفسه يقول عايز اسهم ولا بيعمل ايه؟

انت يا باشا بتروح تكود الاول في مكتب سمسره اوراق ماليه وبعدين بتبددي تتابع السوق والاسهم وبعدين تقرر انك هتشتري
بس نصيحه اخويه
ادرس السوق الاول قبل ما تشتري اسهم
وبتشتريش بكل السيوله بتاعتك اشتري بالفايض بس من راس مالك مش كله

**أحمد كمال** · 18-11-2009 11:30 AM

المشاركة الأصلية كتبت بواسطة karim_mohy

سؤال بس يا حجازي
هو اللي عايز يشتري اسهم يروح البورصة من نفسه يقول عايز اسهم ولا بيعمل ايه؟

بتروح لأي شركة مقاصة زي هيرميس مثلا و تعمل كود للبطاقة الرقم القومي بتاعتك في البورصة (هما بيعملوهولك) و بتفتح معاهم حساب و تشتري و تبيع و تقضيها

**Ahmed Sharaf** · 18-11-2009 01:14 PM

للأسف البورصة عندنا بنسبة 70% اللى بيحركها الإشاعات, ولا تمت للواقع او الدراسات سوى بنسبة الأ 30% الباقية ..
اديكوا مثال بسيط جداً حصل من فترة
الخبر : الحق رامي لكح هيرشح نفسة فى مجلس الشعب.
المستثمرين : الحق اشترى بسرعة , السهم كدة هيعلى.
الخبر : دة طلع مذدوج الجنسية يعنى مينفعش يرشح نفسة.
المستثمرين : يا خبر اسود , الحق بيع بسرعة.
الخبر : مفيش ما يمنع اذدواج الجنسية وهيرشح نفسة.
المستثمرين : نلحق نشترى بقى بسرعة قبل ما يعلى.
الخبر : دة طلع مديون للبنوك.
الخبر : البنوك هاتقاضية.
السهم : راكب طيارة لاسفل.
رامي لكح : ركب طيارتة اللى محجوز عليها فى المطار وهربان لغاية دلوقت برة مصر.
المستثمرين : اللى مات واللى انتحر و Sindbad7000

طبعاً عارفين لية السهم كان بيرتفع لما قال انة هيرشح نفسة لمجلس الشعب , لان اكيد كان هيستفيد من الحصانة ودة طبعا لا يمكن ان يحدث فى اى بورصة حتى لو كلنت بورصة ابو طشت.
تحياتى

**ahmed4000** · 18-11-2009 01:23 PM

المشاركة الأصلية كتبت بواسطة sindbad7000

للأسف البورصة عندنا بنسبة 70% اللى بيحركها الإشاعات, ولا تمت للواقع او الدراسات سوى بنسبة الأ 30% الباقية ..

الكلام ده بيتكرر كتير وانا بدعو اى حد بيقوله انه يفتح بيانات ال300 سهم اللى موجودين فى السوق ويبص على تاريخهم من اى فترة هو عايزها يعنى قول مثلا من 2003 لغاية دلوقتى

حيلاقى انه لو كان دارس وفاهم كان عرف يكسب ملايين...لكنه علشان قاعد مستنى الخبر او الاشاعة فدى تاثيرها بيدوم يومين تلاتة لكن المدى المتوسط والطويلة درااااااسة وعلم

على فكرة اكتر ناس بتكرر جملة ان البورصة ملهاش علم والناس للاسف بتكرر وراهم وخلاص

هما شركات السمسرة

ليه؟ لان فى كتير منهم مش دارس حاجة وشغال بالفهلوة فمش عايز حد يطلع يجيب سيرة العلم ولا الدراسة

اسلوب دفاعى معروف بيستخحدم فى كل المجالات مش البورصة بس

**Migo123** · 18-11-2009 01:36 PM

المشاركة الأصلية كتبت بواسطة ahmed4000

الكلام ده بيتكرر كتير وانا بدعو اى حد بيقوله انه يفتح بيانات ال300 سهم اللى موجودين فى السوق ويبص على تاريخهم من اى فترة هو عايزها يعنى قول مثلا من 2003 لغاية دلوقتى

حيلاقى انه لو كان دارس وفاهم كان عرف يكسب ملايين...لكنه علشان قاعد مستنى الخبر او الاشاعة فدى تاثيرها بيدوم يومين تلاتة لكن المدى المتوسط والطويلة درااااااسة وعلم

مش عارف تقصد ايه بالدراسه والعلم ... لو تقصد التحليل المالي مع الجو العام للاستثمار في مصر والقرارات الفجائية والمتضاربة اللي بتظهر في السوق المصري مفيش شركه في مصر تقدر تقولك الدنيا عندها هتبقى عامله ازاي كمان سنتين تلاته مش عشر سنين ...
لو تحليل فني ......... برضه اسمحلي االسوق اصغر من انك تطبق عليه نظريات التحليل الفني ... السوق بيتحكم فيه شركتين تلاته كبار وبالاتفاق مع بعض بيقدرو يعملو الاتجاه اللي همه عاوزينه في السوق .......... واقرب مثال للي بقولك عليه صفقه المصريه للمنتجعات الاخيرة لما باعو اسهم الخزينه وصرحو انها اتباعت لصناديق استثمار اجنبيه ......... وبعدها باسبوع الاسهم اترمت في السوق ونزلت بالسهم من 2.5 لاقل من 1.9 في جلستين

انا لا انكر اهمية العلم
بس مع انعدام الشفافيه ...... والفساد .... وغياب القانون
الفرص غير متساوية للاسف بين الحيتان اللي عندهم المعلومات والفلوس والفيران اللي معنهمش لا ده ولا ده

**ahmed4000** · 18-11-2009 01:49 PM

المشاركة الأصلية كتبت بواسطة migo123

مش عارف تقصد ايه بالدراسه والعلم

لو تحليل فني ......... برضه اسمحلي االسوق اصغر من انك تطبق عليه نظريات التحليل الفني ... السوق بيتحكم فيه شركتين تلاته كبار وبالاتفاق مع بعض بيقدرو يعملو الاتجاه اللي همه عاوزينه في السوق .......... واقرب مثال للي بقولك عليه صفقه المصريه للمنتجعات الاخيرة لما باعو اسهم الخزينه وصرحو انها اتباعت لصناديق استثمار اجنبيه ......... وبعدها باسبوع الاسهم اترمت في السوق ونزلت بالسهم من 2.5 لاقل من 1.9 في جلستين

انا بتكلم على التحليل الفنى فعلا وده بينطبق على اى سوق فى العالم وعايزك تفتح تشارتات لأسهم وتشوف الكلام بينطبق عندنا بقاله سنين..يعنى ابسط مثال: طالما فيه حيتان كده ليه خلوا السوق يفضل واقع 3 اربع سنين من اواخر 99 لغاية 2002 ..ليه مدخلوش يطلعوه ويكسبوا منه ولا فضلوا اربع سنين ميشستغلوش (لان الكل كان خسران وقتها)... طيب مقال اقرب... ليه مدخلوش وقت الازمة الاخيرة وطلعوا السوق علشان يكسبوا (مالكل كان خسران) ....طيب ولو بيتلاعبوا ازاى اسهم زى مالتحليل الفنى قال فضلت 3 سنين فى اتجاه صعودى...ليه الحيتان مدخلوش وقعوها.

على فكرة التحليل الفنى بيقول ان التلاعبات ممكن تاثر على السوق لكن لفترة قصيرة لكن الاتجاهاات العامة للسوق لا يمكن لمجموعة السيطرة عليها. وعلى فكرة التحليل الفنى بيقول ان التشارت بيكشف كل شئ يعنى حتى لو فى تلاعب حيتكشف

-

الموضوع: في البورصة .. الحيتان بيأكلو الفيران

LinkBack

أدوات الموضوع

عرض

في البورصة .. الحيتان بيأكلو الفيران - انشر الموضوع فى :

-

-

-

-

المواضيع المتشابهه

مشكلة الفيران في العربية

محمية وادى الحيتان

محمية وادى الحيتان

وادى الحيتان

صيد الحيتان

الكلمات الدلالية لهذا الموضوع

المفضلات

المفضلات

ضوابط المشاركة