صيانة ال10000 بالسبع.

الحمد لله عملت صيانه ال10000 بمركزالسبع..
المركز من أفضل المراكز فى الصيانه..يتقال إنه أحسن من مودرن موتورز أبو رواش بكتير..رايق و محدش مستعجل ....مهندس حاتم فوزى.بصراحه هو كان أحسن ما فى الموضوع...بعد ممشيت حسيت إنى كنت مع واحد صاحبى عزيز عليا ..فيه روح جميله فى التعامل والأسلوب ممتاز :120105~352:بجد فعلا مش مجامله..الراجل هيألنا كل حاجه..الإستقبال كان ممتاز من أى واحد هناك فى المركز.وبعت معانا سواق يوصلنا بالعربيه لحد متخلص الصيانه.يعنى بجد كنت مرتاح نفسيا كتيييييييير عن المره اللى عملت فيها الصيانه فى مودرن...شكرا للمهندس حاتم ..مقابلتك زوق وربنا يكتر من أمثالك فعلا..
الصيانه كانت عباره عن تغيير العجل و عمل صيانه للفرامل و صنفرتها و تربيط العفشه..وتغيير الزيت والفلتر وزيادة السوائل المختلفه فى العربيه..كان عندى مشاكل فى الكلاكس و الولاعه..الحمد لله إتحلت..كان عندى مشكله إن الكراسى بتزيق و مكنتش متصور إنها حتتحل.بس هناك إتحلت بردو..:E_braces[1]::F_eyeb1[1]::E_braces[1]::F_eyeb1[1]:

تغيير العجل المقصود بيه تغيير الأماكن..اللى ورا جه مكان اللى قدام

مشكور على الافادة يا engmohamed وفعلاً السبع من افضل مراكز صيانة نيسان فى مصر.

الحمد لله .. تم الحجز لصيانة ال 1000 في السبع الاسبوع القادم
اتمنى ان شاء الله تكون الخدمة ممتازة زي ما الناس هنا ما بتقول .. رغم ان مركز الدراسة (يونايتد) اقرب لي لكن فضلت احجز في السبع
وهل لو فيه مشكلة في السماعات زي اللي حاصل عندي ان السماعات الشمال مش شغالة هم يحلوها ان شاء الله ولا دي داخلة في ضمان جهاز الراديو/سي دي ؟ من خلال الوكيل اللي على كارت الضمان ؟

والله أنا كان عندى مشكله فى الكاسيت نفسه..إن لما الإسطوانه بتدخل مش بتطلع دايما وغالبا ما بتتحشر جوه..المشكله دى خاصه بالجهاز نفسه و إتقالى ان دى تتصلح عند وكيل اللكاسيت..بس مشكلة حضرتك أعتقد إنها ممكن تكون مجرد توصيلات..على العموم إسأل هناك وكل اللى نفسك فيه حيتعمل هناك فعلا ..بدون مجامله

ممكن اعرف من سيادتك تكلفة الصيانة (10000) بدون اي تصليحات

تقريبا فى حدود 320 جنيه....زيت و فلتر و المصنعيه وخلافه..