لا فندق ولا انذارات ولا جماهيرولا خطط..مفيش غير ربنا
كلها كام ساعة ويبدا الماتش
بس المرة دى فى حاجة مختلفة...يوم السبت محدش كان بيقول غير "يارب"
الكل كان خايف وقلقان وعارف ان الموقف صعب وربنا وحده اللى حينقذنا
والجون اللى جه قبل 40 ثانية من النهاية كان من عند ربنا
والناس كلها خرجت من الماتش تقول لا خطة ولا جمهور ولا لعيبة...هو ربنا بس
لكن النهاردة الوضع ليه مختلف...الناس عمالة تدور على السوادنين حيقفوا معانا ولا لا
ياترى الطيارات بتاعتنا حتقدر توصل عدد اكتر ولا هما
اصل الجون مش حيلعب وخط الوسط فكده احنا احسن
اصل حسنى عبد ربه راجع
طيب فين ربنا بقى خلاص بنحط النجاح على عوامل تانية
زعلت اوى من موقفين...
الاول: لما شحاتة غير الفندق فى السودان بفندق تانى وقال اصل اتغلبنا فيه قبل كده ووشه نحس!!!!!!! كده برده بعد مربنا نصرك النصرة الرهيبة دى ورجعلك روحك فى اخر 40 ثانية تقوم تقول فندق حيغلبنا وفندق يكسبنا.:mahf(5):
الثانى: حصل قبل الماتش الاولانى وللاسف من اكتر واحد محبوب وهو ابو تريكة..لقيت خبر انه حيلبس الكوتشى اللى جاب بيه جون مش عارف فى مين ومين...انت يا ابو تريكة تعمل كده وتفكر كده...الكوتشى هو اللى حيوفق؟ :8954[1]:ووالله حسيت انه معملش اى حاجة فى الماتش علشان الموضوع ده
لو الناس بتتكلم فى تدريبات وخطط حتتحط...معاكم للصح احنا بناخد بالاسباب
لكن تشاؤم وتفاؤل وجمهور وننسى التوفيق بتاع ربنا..ربنا يستر ان شاء الله
متنسوش.....يارب
