الموضوع: إلى كل من عنده شكوى من التوكيل، من فضلك شارك بشكواك

السلام عليكم

صحابى باشا,واللة انت بتقرأ افكارى,انا كنت عايز اعمل الموضوع دا بس للاسف مفيش وقت,بما انك فتحتوا اليك كالاتى:

- صوت صفارة فى التيل من اول 3000ك (رحت التوكيل قالو دى وساخة على التيل)

- تغير التيل الامامى عند 7000ك (خلص تماما لدرجة احتكاك اللقم فى التنبورة)
وتم تغيير التيل على حسابى نتيجة سوء استخدام و قلت ماشى عديها

- تغيير التيل الخلفى عند 7600 ك (خلص تماما حتى سمعت صوت الاحتكاك حديد*حديد)
وتم تغييرة على حساب التوكيل

- تغيير تيل امامى وخلفى على حساب التوكيل حيث لم يمر شهر من تركيب اللى فاتو

- صوت تكسير فى الدركسيون عند لفة فى الثبات(رحت قالولى بطاحات)
و تم تغييرها على كلامهم...

- عودة صوت التكسير فى الدركسيون بشراسة و عنف اكثر من السابق(بعد ساعتين فقط من خروجى من التوكيل)

- العربية اتخبطت مرتين فى التوكيل...مرة كحتة ومرة خبطة(و للاسف كل مرة بكتشف كدة بعد ما بخرج مباشرة)

بالرغم من كل العيوب دى فا الهوندا مازالت متقدمة فى الصدارة مع منافسيها

تحياتى..

السلام عليكم
أشكر كل أعضاء المنتدى وبكل الجهود العظيمه لنجاح هذا المنتدى وأخص بالشكر المهندس محمد صلاح لانه لم يبخل على برأيه فى قرار شرائى للهوندا سيفيك 2009 vti
العربيه بسم الله ماشاء الله ممتازه جدا وان شاء الله ح أعمل تقييم شامل ليها بعد الالف كيلو
واضح ان معظم الشكوى من العفشه انا كمان لاحظت من ساعة ما استلمت العربيه بصوت فى الدريكسيون من الثبات وأنا باركن واتصلت بالوكيل وقاللى جمع ملاحظاتك كلها وفى صيانة الالف نشوفها وأنا منتظر دلوقتى عامل حوالى 700كم وان شاء الله ح أقول لكم على النتيجه

يا جماعه انا كان عندى حاجه مع التوكيل احب اشاركم فيها.. مع توكيل هوندا لازم تحاول تكون تنححححححح . انتوا عارفين انهم مره كحتوا الاكصدام الخلفى عندى و مع اول تعامل معاهم كان القايم الشمال الداخلى وقع و قلتلهم اعملوه فى صيانة ال1000 كم و لما جيت استلم العربية لقيت القايم واقع برده مع العلم ان مهندس الصيانة قاللى ان القايم اتركب و كله فل و انا بنفسى بصتلك عليه :) و ندهتلوا و قلتلوا انتا عملتوا قاللى اااااه ده تمام . فا لما شافوا اتكسف ووشوا جاب كل الالوان .... نصيحه منى تابعوا العمال و هما شغاليين من فوق و ارفضوا استلام العربية لو اللى انتوا طلبتوه متعملش... نصيحه منى عن تجربه معاهم.

بالضبط كلامك صح
أنا برضه جرحولى العربية!
و المهندس فى التوكيل قال إنهم غيرولى البطاحات عشان صوت التزيئ (مع العلم إن الصوت أصبح أسوأ من الأول!)
ده غير إنك بتستنى عربيتك عشرين سنة لحد ما تخلص!

الحمد لله على اللى حصل بس انا لسه مغير التيل فى التوكيل و قلتلهم رجلشوا الفرامل عشان واطيه و طبعا معملوش كده و للاسف حصلتلى حادثة و احد اهم الاسباب ان الفرامل مربتتش كويس عشان واطيه