ارجو المساعدة فى مشكلتين فى العربية ( لانوس 1)

السادة الخبراء عندى مشكلتين فى العربية هى لانوس 1 اوتوماتيك
المشكلة الاولى ان صوت الماتور عالى وفية هزة بسيطة فى العربية وفى لما بمشى
على السلانسية بحس ان الموتور بينتش كأنة هيبطل ويرجع صوتة يعلى تانى فخليت واحد ميكانيكى بص عليها اول كلمة قالها الموتور خفيف وحلة انة يتغير ودة هيتكلف 2000 جنية
المشكلة الثانية / هى انى فولت العربية فى البنزينة وبعد ما خرجت من البنزينة وقفت فى مكان اتفجئت ان التنك بينقط بنزين بس كتير شوية فى الاول قلت دة زيادة لكن الموضوع استمر تقريبا نص ساعة جبت ميكانيكى قالى دة الاولسية بتاع طبة البنزين اللى تحت الكنبة باظ وعايظ كهربائى فعلا رحت لكهربائى غيرة والحمد للة بطلت تسريب بس لسة ريحة البنزين فى العربية وخاصة لما بزود بنزين
برجاء افيدونى برأيكم فى المشكلتين

اقتباس:

---

المشكلة الاولى ان صوت الماتور عالى وفية هزة بسيطة فى العربية وفى لما بمشى
على السلانسية بحس ان الموتور بينتش كأنة هيبطل ويرجع صوتة يعلى تانى فخليت واحد ميكانيكى بص عليها اول كلمة قالها الموتور خفيف وحلة انة يتغير ودة هيتكلف 2000 جنية

---

أما ميكانيكى غريب صحيح
بأه علشان المكنه خفيفه وبتنتش
عاوز يغير الموتور
ياترى مبدئيا العربيه عامله كام كيلو وبتأكل زيت قد أيه
وهل كشفت على دورة الأشعال ودورة البنزين

نظف حساس الايدل والفلتر والعربية هاتظبط ,واكشف على البوجيهات وبردة شوف الزيت عندك بيقل ولا ثابت

اقتباس:

---

المشاركة الأصلية كتبت بواسطة samirayad

أما ميكانيكى غريب صحيح
بأه علشان المكنه خفيفه وبتنتش
عاوز يغير الموتور
ياترى مبدئيا العربيه عامله كام كيلو وبتأكل زيت قد أيه
وهل كشفت على دورة الأشعال ودورة البنزين

---

ما دلوقتى ياهندسة اغلب الميكانيكة مش بتحب تصلح حاجة وتتعب نفسها
يقولك هغير على طول ودة غالبا مش بيكون صنايعى
سواء حاجة تتصلح ولا لأ

اقتباس:

---

المشاركة الأصلية كتبت بواسطة zocor742

ما دلوقتى ياهندسة اغلب الميكانيكة مش بتحب تصلح حاجة وتتعب نفسها
يقولك هغير على طول ودة غالبا مش بيكون صنايعى
سواء حاجة تتصلح ولا لأ

---

أنت عارف الصنايعى اللى متعود على الطبع ده فى شغله
ومبيفكرش فى أبعاد المشكله كويس
قبل أصدار قرار معين
تعرف على طول أنه صنايعى ( نصف كم )

أغلبية الصنيعيه دلوقتى أسهل حاجه عندهم يقولوا (محدش بيعمر المكنه دلوقتى علشان مش هتعيش معاك... خليك فى الأستيراد أحسن ) علشان يريح دماغه
وفيه ميكانيكيه مبيعمروش الموتور أساسا" مبيرضوش علشان يريح دماغه ويكسب وقت بفلوس
يغير تيل أو كوبلن أو بوجيهات الحاجات اللى بتجيب فلوس من لا شئ

العربية عاملة 160000 كيلو ومش بتاكل زيت ولا حاجة وعلى فكرة سحبها على الطريق السريع كويس

اقتباس:

---

المشاركة الأصلية كتبت بواسطة samirayad

أما ميكانيكى غريب صحيح
بأه علشان المكنه خفيفه وبتنتش
عاوز يغير الموتور
ياترى مبدئيا العربيه عامله كام كيلو وبتأكل زيت قد أيه
وهل كشفت على دورة الأشعال ودورة البنزين

---

الف شكر لردود حضراتكم حضرتك العربية عاملة 160000 كيلو وبتاكل زيت 1500 كيلو بس بصراحة مكشفت على دورة الاشعال بس فية حاجة موضوع البنزين اللى بينزل دة من التنط انا مش عارف دة فية عيب فى التنك ولا اية كمان العربية استهلاكها عالى فى البنزين بس الكلام دة جديد

اقتباس:

---

جبت ميكانيكى قالى دة الاولسية بتاع طبة البنزين اللى تحت الكنبة باظ وعايظ كهربائى فعلا رحت لكهربائى غيرة والحمد للة بطلت تسريب بس لسة ريحة البنزين فى العربية وخاصة لما بزود بنزين
برجاء افيدونى برأيكم فى المشكلتين

---

طالما لسه يتشم ريحة بنزين
شوف صنايعى يراجعلك كويس على سيل الطلمبه
وطريقة التثبيت تانى
لأن ده أكيد ليه علاقه بأستهلاك البنزين كتير
اللى ظهر معاك الأيام دى
وبرضه راجع على جميع خطوط البنزين
وأكشف بأه على البوجيهات وأسلاك البوجيهات والبوبينا
كده حتتحسن معاك الأوضاع كويس