اه ياني ... اه .
عرض للطباعة
اه ياني ... اه .
اشوف وشكم بخير في سنة 2013 .
مستوى تعبان جدا من الفريق حرام بجد عليهم مافيش مجهود مبذول خالص ,مافيش كور خطيرة غير تلاتة بالعدد متهيالى 3 كور فى ساعة ونص لعب يعنى لعيبة بتهرج فى الملعب ,دة غير ابو تريكة اللى كان لازم يخرج من اول الماتش او ماكنش يلعب اصلا لان مستواة كان واضح اوى من الماتش اللى فات ,وكان فية انانية فى اللعب حتى سيد معوض اللى كان مستواة عالى اوى الماتش اللى فات مافيش مستوى خالص انهاردة ,بجد بجد يستاهلوا الخسارة وحرام عليهم اللى بيعملوة فى الناس عشان ماتش زى دة كنا المفروض نشوف فعلا يعنى اية منتخب مصر ويقتلوا نفسيهم عشان يحققوا حلم كل المصريين دول اننا نكسر بقى الرقم اللى من سنة 92 مادخلناش كاس عالم ,وشكلنا كدة عمرنا ما هانشوفة طول ما الفرقة عاملة كدة
لعيبة عايزة تحس بالمسؤلية مش موضوع فوز وخلاص الكلام دة يتعمل فى الدورى وادينا بنستحملهم بردة
ماتعبوش +مالعبوش+مافيش تعاون +استهتار=خسارة
الحمد لله وعاشت الجزائر وانا بهدى الكليب ده لكل المصرين وده سبب حمدى لله على وصول الجزائر
YouTube - ‫ظٹط§ ط.ط¨ظٹط¨طھظ‰ ظٹط§ ظ…طµط± 2008‬‎
تفتكر 2013 هنكسب يعنى !
خلص الحلم , حلم عاشة 80 مليون مصرى , الناس كانت بتعمل اقصى مافى وسعها علشان تشارك وتعيش الحلم دة , 80 مليون مصرى بجميع فئاتهم عاشوا حلم واحد
الحلم هو دخول كأس العالم , مجرد دخول كأس العالم ليس اكتر لأن النتيجة النهائية معروفة للجميع , ان منتخبنا لن يستطيع خطف كأس العالم وان كبيرة مبارتين او تلاتة وهيرجع بالهزيمة
كانت المرة الوحيدة اللى اشوف فيها 80 مليون مصرى واقفين ايد واحدة بهدف واحد بس للأسف فى ماتش كورة ايا كانت نتيجتة فهو لحظات محدودة من الفرح وبعد كدة ترجع ريما لعاتدها القديمة
الماتش خلص والمتخب خسر والفرحة بقت حزن وكلها بكرة او بعدة وترجع ريما لعادتها القديمة ونرجع كل واحد بيدور على مصلحتة ومفيش حد طايق التانى وترجع الشوارع زحمة بالرغم من اننا كنا طايقين زحمة الاستاد ومحدش بيشتكى ولا بيشتم التانى ولا بيتخانق معاة ولا يسبق علشان ياخد مكانة بس كان علشان الماتش علشان الكاس علشان مصر
بنقول ان ماتش الكورة حاجة تفرحنا وتخرجنا من الغم اللى احنا فية , طيب ماحنا لو وقفنا مع بعض هنغير حاجات كتير وساعتها هيبقى فى حاجات كتير بتفرحنا مش على اد الكورة وبس
وكلنا شوفنا الجزائر وان الشعب كلة واقف ايد واحدة هدف واحد , حققوا اللى هم عايزينة , سفالة وقلة ادب فى مصر والسودان والجزائر نفسها ومحدش عارف يلمهم
طبعا دى مش دعوة لقلة الادب بس دعوة للاتحاد سواء فى الكورة والملاعب او برة
اتحاد علشان نغير اللى مش عاجبنا , علشان نصلح بلدنا , زى مال 90 دقيقة بتوع الماتش بيفرحوا 80 مليون كام ساعة اكيد لو صلحنا بلدنا ال 80 مليون بردة هيفرحوا بس الفرق انها هتبقى فرحة دائمة فرحة بجد مش واحد فرحان ان منتخب بلادة كسب ماتش وفى نفس الوقت حزين لأنة هيموت من الجوع هيموت من البرد هيموت لأنة ملوش سكن , حاجات كتير..
اكيد كلنا سمعنا وشوفنا اللى بيحصل للمصريين برة فى الجزائر والسودان .. لية مستغربين؟؟؟!!!! .. اذا كان المصرى ملوش قيمة فى بلدة هيبقى لية قيمة برة , الحكومة او الشعب نفسة بيعتبروا اى سائح هنا ب 100 مصرى وبياخد حقوقة قبلك و ما تقدرش تعترض , احنا هونا على بعض وبالتالى منستناش احترام الغريب
بلاش نقعد نقول زمان وايام زمان بلاش نركز مع الماضى كتير لأنة ماضى وعدى خلاص زى شوية الحجارة والحضارة بتاعت ال 7000 سنة اللى مش باقى منها غير شوية حجارة فرحانين بيهم , ياريت نركز مع الحاضر ونخطط للمستقبل , العالم كلة بيتكلم بصيغة المستقبل والحاضر واحنا لسة عايشين فى الماضى , اصل قدماء المصريين عملوا وعملوا ومحدش اتكلم عن جدداء المصريين لأنهم معملوش اى حاجة .
سمعنا عن انفلونزا الخنازير وعمالين نهول الموضوع , فين الخطط والاحتياطات اللى عملناها لمواجهة المرض؟؟ ... ماتش الجزائر والكل عارف انها هتبقة مدبحة والكل بيقول ربنا يستر , فين اللى عملناة ؟؟ كلنا انشغلنا بهنجيب كام جون ومين مش هيلعب الماتش ومين هيلعب وياترى السودانيين هيشجعونا ولا لأ وعشنا الاحلام الوردية ونسينا المدبحة وادى النتيجة مصريين بينضربوا ومفيش اى حد عارف يعمل حاجة.. لازم نستنى المصيبة تحصل الاول !!
زمان كانت الناس كلها بتقف ايد واحدة ضد اى حد يمس مصلحة اى حد من الشعب .. راح فين كل دة؟؟
الخلاصة الماتش خلص والمولد انفض .. ياترى ال 80 مليون هيفضلوا مع بعض وياخدوا حقوقهم زى ما بيحصل فى الكورة ولا دة شغل كورة بس؟؟
على فكرة كل لاعب كان حياخد 2 مليون جم لو كنا صعدنا
يعنى نقول 22 لاعب * 2 يعنى حوالى 44 مليون + الجهاز الفنى
يعنى قول حوالى 100مليون جم لو حسبنا تكلفة المعسكرات والاعدادت والسفر والرجوع سريعا من جنوب افريقيا بعد التمثيل والخروج المشرف
كل دة من فلوس الشعب من فلوس الضرايب :120105~352::F_eyeb1[1]:
شوفوا الرابط ده الاول للجمهور الجزائري في الاستاد النهاردة وبعيدن قولوا رايكم
YouTube - algerie sudan
طلعنا بعد كمية ضرب :khd: حسبى الله ونعم الوكيل فى الجزاير +قتل وضرب الجماهير دول باعتين همج