كنت هموت لكن الحمد لله ربنا ستر
ادى المطاب واللى بناخده منها الموضوع وما فيه انى الصبح كنت راكب عربه 323 ماذدا مو 81 بتاعه واحد صاحبى وماشيين على الوصله الجديده بتاعه المريوطيه 120 كيلو عدينا على المطب عين القط ده ومره واحده العربيه راحت حادفه يمين فى شمال ومش عارفين نسيطر عليها مع تخبيط جامد ورعشه شديده من ورا
المهم ربنا ستر وماكانش فى عربيات كتير ورانا واللى كان ورانا لحق نفسه وركنا على جنب وبصيت تحت العربيه لقيت المقص شمال ورا مكسور المهم مشينا واحده واحده لحد ماوصلنا المعهد وكلمنا ميكانيكيه تجيبلنا مقص وتيجى تركبه لكن طبعا كله قافل ومش لاقيينه عند حد
على فكره العربيه بايته فى البارك بتاع المعهد ورجعنا فى الباص ..
حد يعرف المقص ده ممكن الاقيه فين ؟؟
بجد ياجماعه خدوا بالكم من عين القط دى عشان ممكن لاقدر الله تعمل مشاكل كبيره بالذات فى العربيات القديمه