سبيرانزا a516 ولا رينو لوجان ....

خلاص يا جماعة انا رايح اشتري عربية بعد كام يوم....
مش عارف احدد ايه القرار الاخير
انا عموما استعمالي للعربية خفيف ... يادوب مشاوير من و للكلية او خروجات مع الشباب او دروس ... الخ و انا من النوع اللي بيحافظ عالحاجة اوي ..
طبعا الاسبيرانزا شكلها جميل جدا , اوبشنز روعة , قطع غيار متوفرة , مشاكلها معروفة و محلولة ...
و اللوجان ببساطة رينو؟ عفشتها ممتازة , و سعرها كويس و اتوقع امتن شوية من الاسبيرانزا؟؟ يمكن ملهاش قطع غيار كتير , و شكلها مش اوي يعني ... مش عارف ...
مش عارف والله يا جماعة ... الحيرة قتلتني ...
عالعموم دي خلاص اخر مرة حطلب مساعدة
فياريت اللي عنده ميبخلش
و شكرا

Speranza M11
معلش هاتزود مبلغ بسيط
روح اتفرج عليها و على اللوجان و شوف انهى واحدة هاتعجبك
و انا متأكد ان الـ M11 هاتعجبك اكتر من اللوجان

كل واحدة ليها مميزات وعيوب
الميزة في اللوجان ومش موجودة في الm11 انها رينو (اوروبي)
بس كمميزات العربية من حيث الشكل والخامات ويمكن قوة الماتور كمان والعفشة والاوبشنز وغيره تتميز بيها الm11

يااما 516 ونا مجربها سنتين مع انتيمي عربية زي الفل
يااما ام11
اللوجان شكلها ..............

لوجااااااااااااااااان طبعا

اقتباس:

---

المشاركة الأصلية كتبت بواسطة ash257

كل واحدة ليها مميزات وعيوب
الميزة في اللوجان ومش موجودة في الm11 انها رينو (اوروبي)
بس كمميزات العربية من حيث الشكل والخامات ويمكن قوة الماتور كمان والعفشة والاوبشنز وغيره تتميز بيها الm11

---

العكس صحيح
اللوجان عفشة خدمة شاقة وماتور قوى 1600 ورغم كده موفر فى البنزين عشان 8 صباب بس ( متوسط استهلاك 5.5 الى 7.5 لتر لل100 كيلو ) وعمر افتراضى وتاريخ طويل وانتشار اوروبى غير مسبوق وامان 3 نجوم وخامات ممتازة وتقفيل جيد جدا
الميزة التى لصالح m11 هى الاوبشنز والصاج القوى نسبيا وموضوع الصاج هو ميزة متوفرة فى الاثين بس ال M11 اعتقد أن الصاج اقوى
فى الاجمال اللوجان افضل
ملحوظة : انا باحترم جدا الاسبرنزا خاصتا 516 وما سمعتش من الى راكبنها الى كل خير عنها بخلاف كثير من الشكاوى من العفشه مع اعتبار أن عفشتها متوافقة مع لانسر وممكن تغير العفشه للانسر
بس لما جيت اشترى اشتريت لوجان وبرده ما فيش حد راكبها الا وبيشكر فيها نصيحة اخيرة دايما خد راى الى راكب العربية هو اكتر واحد هيقدر يفيدك
ومتنساش الاستخارة وربنا يوفقك

اقتباس:

---

المشاركة الأصلية كتبت بواسطة bloody_stone

اللوجان .......و شكلها مش اوي يعني ...

---

فعلا الموضوع اذواق أنا شايف أن شكلها اوى يعنى وليس مش اوى يعنى يعنى شكلها حلو جدا من وجهة نظرى الشخصية مع الاحترام لوجهات نظر الجميع

مع احترامي للجميع
الاسبرانزا احسن بكتير
موتور اتنين كامة وعربية واسعة ومريحة جدا جدا جدا
ثبات على الطريق كويس ومعقول جدا جدا
فخامة وشكل احسن بكتير
اعادة بيع وانتشار بقى دلوقتي ممتاز

ممكن حضرتك تخش قسم الرينو وتشوف اراء ملاك اللوجان وأن شاء الله هتلاقى اجابات عن اى اسئلة

اللوجان مش رينو دى داشيا رومانى !!!!!! وتأفيل مغربى ؟؟ والمحرك فقط هوا اللى رينو


ولو عايز تجيب صالون هات الm11 انا معايا ال516 بس رأيى هات الm11

احسن بمراحل ونفس محرك وفتيس ال516 اللى هما اجمد حاجة فيها !

بس هى ضيقة شوية عن ال516 مش اكتر

اقتباس:

---

المشاركة الأصلية كتبت بواسطة twincam

مع احترامي للجميع
الاسبرانزا احسن بكتير
موتور اتنين كامة وعربية واسعة ومريحة جدا جدا جدا
ثبات على الطريق كويس ومعقول جدا جدا
فخامة وشكل احسن بكتير
اعادة بيع وانتشار بقى دلوقتي ممتاز

---

+111111111111

اقتباس:

---

المشاركة الأصلية كتبت بواسطة waza

اللوجان مش رينو دى داشيا رومانى !!!!!! وتأفيل مغربى ؟؟ والمحرك فقط هوا اللى رينو


ولو عايز تجيب صالون هات الm11 انا معايا ال516 بس رأيى هات الm11

احسن بمراحل ونفس محرك وفتيس ال516 اللى هما اجمد حاجة فيها !

بس هى ضيقة شوية عن ال516 مش اكتر

---

مين الى قال أن اللوجان رومانى
اللوجان فرنساوى بتتقفل فى 5 مصانع مصنع داشيا فى رومانيا ومصنع صوماكا فى المغرب يعنى داشيا وصوماكا دول مصانع لشركة رينو وزيهم زى بعض الاثنين مصانع لتقفيل رينو
وعلى كلام حضرتك بقى يبقى احنا العربيات الى بتتقفل فى مصر ديه كلها صناعة مصرى :dontudear:

وبعدين مع احترامى للاسبرنزا 516 فأنا شايف أن العربية ديه مغامرة كبيرة عشان احنا لسه معرفناش هتعمل أيه بعد خمس سنين واظن ما حدش فينا اضحك عليه اكتر من مرة فى حاجة صينى
أنا ما باهجمش العربية وعندى احساس انها عربية كويسة من اراء ملاكها وشكرهم فيها بس القلق الى من الصينى عندى مش ها يروح الا بعد استعادة الثقة امتى بقى اللهم اعلم وبعدين الى بيتشترى عربية بيحط فيها مبلغ مش صغير فالى عاوز يغامر وهو وحظه يتوكل
بس أنا شايف أن اللوجان افضل بمراحل عشان مش لسه هيجربوا فينا تانى
على العموم حضرتك بعد الخمس سنين تكون جربت ابقى طمنا

احقاقا للحق الاسبرنزا 516 فيها مميزات من وجهة نظرى هيا
واسعة
شكلها مقبول جدا وديه اذواق
صاجها من افضل الصاج الموجود فى الجديد كله
الاوبشن بتاعها كتير
تقفيلها معقول جدا

بس هيفضل قلقى من الصينى موجود

:stink[1]::stink[1]::stink[1]::stink[1]::stink[1]:

أولاً: الرينو إسم كبير و أى مصنع يتم تجميع سيارات رينو حتى اللى فى المغرب فهو إسم رينو ومثال عملى اليوم فى مصر بعض فئات bmw بتجمع فى مصر غير الـنيسان و قريباَ جداَ تويوتا و ليه نروح بعيد فولكس فاجن اليوم بتجمع جميع عربياتها ما عدا الباسات فى البرازيل و الصين و مع ذلك يبقى إسم فولكس فاجن
ثانياً:مع كل إعجابى بالاسبرينزا ، أنا شخصياً حاتجنن بالتيجو و نفسى أشتريها بس مش قادر، الحاجز النفسى الموجود لدى مثل جميع كل المصريين و هو عدم الثقة بجميع المنتجات الصينية بعد المأسى التى عانينا منها جميعاً و لا يوجد مصرى مهما كانت فئته إلا و تقرص من منتج صينى و عليه وقت انكسار هذا الحاجز النفسى الخاص بعدم الثقة فى الصينى حأقول لحضرتك إشترى الاسبرينزا

:36_1_31::36_1_31:
سبيرانزا و انوكل على الله؟