نضفت البوابه صوت الموتور على جدا"

عربيتى بروتون ويرا 2005 أنجكشن عامله 120000 كيلو مانيوال
العربيه كانت شغاله زى الفل بس كان صوتها واطى سنه
ركبت عداد rpm راح اللى ركبهولى قاللى العربيه صوتها عايز يعلى سنه سألته ازاى قاللى أنا هعملهالك
راح جاب سبراى تنظيف البوابه وغسل البوابه وفك فيشة البوابه وهيه راكبه رش عليها اسبراى وفك فيشة حساس الأوكسوجين رش عليها اسبراى وركبها وفك الغطا الأسود بتاع البوابه اللى جواه التروس رش عليه وسابه شويه وركب الغطاء وتمام
طلعت جربت لقيت كله تمام وبعد ساعه بالظبط لقيت الموتور صوته على على 2 ومش عايز ينزل
عمل ايدل ليرن ونضفت البوابه تانى وبرضه زى ما هيه
مش عارف كده البوابه باظت ولا عايزه تتأكتف على سكانر
سألت على تمن البوابه لقيتها ب1500 جنيه استعمال ... فما الحل

ممكن تروح تظبط الموتور بالكمبيوتر اكيد هو موضوع ظبط

اقتباس:

---

وفك الغطا الأسود بتاع البوابه اللى جواه التروس رش عليه وسابه شويه وركب الغطاء وتمام

---

عاوزين نفهم دى شويه
وتروس أيه اللى تحت الغطاء الأسود
ممكن تجيب لنا صوره واضحه للتروس المقصوده وترفعها لنا
أنا حاسس أن اللغز اللى حصل فى الحته دى

على فكرة لو رشلك اسبراى جوة البوابة العربية مابتبقاش مظبوطة خصوصا لو رش اسبراى مش مخصص لللمواتير الانجيكشن بيبهدل المكنة جامد قوى فكدة ياباشا عندك الرواسب اللى شالها الاسبراى دة متراكمة عندك فى البوابة وفى الايدل والحساسات دية بتتأثر باى حاجة لكن لو كان اصلا رشها بالاسبراى المخصص لبوابة الانجيكشن كان عمل تاكل للرواسب دية نفسها وخرجها من غير تاثير يذكر على الحساسات او المكنة زى بالظبط كدة wd40
فانت لائما تسيبها دايرة مع نفسها كدة بس اعملها امبيلهات كتير ,لحد مالعربية تنظف ,وشيل فلتر الهواء ونظفة بس يارب مايكونش حط اسبراى بتاع كربراتير عشان دة بيبهدل البوابة بجد

أنا روحت عند ورشة عسكر فى الحرفيين
عمل فحص بالكمبيوتر لقى العيب فى البوابه
لقى الأيدل شغال لكن فيه حساس تانى جوه البوابه بايظ
يعنى لازم أغير البوابه

مش عارف أعمل أه أغيرها ولا ممكن تتصلح
البوابه هيه هيه اللى راكبه على اللانسر (بوابه كهرباء تكنولوجيا المانى)
ب 1450 جنيه استعمال .....
محتار ومش عارف أتصرف ولمبة الأعطال منوره

انا رائى تعمل اللى بقولك علية وتسيبها يومين كدة تقعد تدورها وتديها امبيلهات خفيفة شوية يعنى ماتعديش 3 اربى ام ,لان فعلا الاسبراى دة بيبهدل المكنة جامد جدا جدا ,ودية غلطتك انك خليتة يرش اسبراى انت ماتعرفش دة مخصص لاية ,وبعدين دة كهربائى اية الى دخلة فى شغل الميكانيكا بردة فتى الصنايعية ربنا يكفينا شرهم
شوف كدة وجرب مش هاتخسر حاجة

المشكلة دي حلها انك تفك كل الوصلات الكهرباء اللى هو رش سبراي عليها و تجيب منديل قماش و فرشة رسم للتنضيف و تنضف كل فيشة كويس ثم تمسح ببوز المنديل الفيش من جوه بالكامل والعربية مبطله
حتى تتأكد خلو كل فيشة من الغبار الرفيع جدا و من السبراي اللى قافل الدايرة . وبعد كده ركب الفيش كلها كويس و تأكد من تعشيق التركيب و حتلاقيها انضبطت