اكمل على الرابع

**ahmadmidop** · 19-11-2009 03:26 AM

انا عندي سؤال ياجماعة لو انا ماشي على الرابع مثلا 80 المهم دوست فرامل لحد 30 مثلا وبعدين اديتها بنزين تاني وكملت على الرابع هل ده صح ولا في مشاكل ولا لازم ابدأ من التاني

**Mustang69** · 19-11-2009 04:32 AM

الموضوع بيعتمد علي احساسك بالموتور مش شرط السرعة يعني انت لو كملت علي الرابع و العربية كملت و تسارعها كان عادي يبقي خليك علي الرابع لكن لو لقيت العربية هدت قوي و الموتور مخنوق او في صوت تسقيف يبقي لازم تنزل نقلة و شوية و الموضوع حيبقي تلقائي و مش حتحس بيه

**Eng.Geo** · 19-11-2009 02:25 PM

لأ طبعا مش كويس انت كدة بتعمل حمل علي الموتور ..انك تاخد نقلة بدري زي ما تطلع بالعربية من السكون علي التاني اوالتالت
علي الاقل انزل نقلة واحدة وان كان الافضل انك تجيب التاني وتزيد معاه
ولو طالع مطلع يبقي لازم التاني عشان يبقي في عزم

**Sameh** · 19-11-2009 03:04 PM

كدة بتحط ضغط عالى أوى جوة الموتور وحمل شديد على الكرنك والبيلات ، الأحسن تنقل على التالت مثلاً وحاول دايماً ماتنزلش عن 2000 آر بى إم عشان الموتور يبقا قد الحمل اللى بترميه عليه

**ahmadmidop** · 20-11-2009 01:24 AM

طب معنى كده ان كل لما افرمل لازم اضغط دبرياج عشان انقل للنقلة الاقل .. اعذروني ياجماعة انا لسه جديد في السواقة

**Ros** · 20-11-2009 02:45 AM

المشاركة الأصلية كتبت بواسطة ahmadmidop

طب معنى كده ان كل لما افرمل لازم اضغط دبرياج عشان انقل للنقلة الاقل .. اعذروني ياجماعة انا لسه جديد في السواقة

لاه يا معلم ولازم اصلا كده كده تخلى تفكيرك كله فى المتور بتاعك وامتى تسقط نقله وامتى تعلى بيها عشان الحوادث لاقدر الله كتير قوى مننا بيتلخبط ساعه الحادقه لاقدر الله و ينسى يسقط نقلات وانا واحد منهم نسيت فى حادثه وكانت النتيجه العربيه اتقلبت لا قدر الله عليك فا لزم تكون وانت سايق مركز مع اللى حواليك ومع ماتورك ونقلاتك وربنا يكفيك شر الطريق و خلى بالك لو تقبل النصيحه ديه منى السوقه مش جرى ولا بنزين السوقه عايزه عقل و تركيز لان لو انت جامده ف انت مش ضامن الى حواليك ميين

**Eng.Geo** · 20-11-2009 02:49 PM

المشاركة الأصلية كتبت بواسطة ahmadmidop

طب معنى كده ان كل لما افرمل لازم اضغط دبرياج عشان انقل للنقلة الاقل .. اعذروني ياجماعة انا لسه جديد في السواقة

فرمل عادي جدا من غير دبرياج ولما توصل للسرعة المصلوبة وعايز تسيب الفرامل عشان تدوس بنزين تقوم دايس دبرياج وتغير وتدوس بنزين عادي جدا
ارجو اكون وضحتلك