لا يا أخي الموضوع كالتالي:
1. 3 أتوبيسات من السرب المصري خرجوا عن المسار الخاص بيهم وهي دي الأتوبيسات الي حصل فيها الضرب وإلقاء الحجارة والسكاكين على ركابها
2. الأتوبيسات دي خرجت برة المسار ليه؟
3. الناطق باسم شرطة الخرطوم قال كلام مستفز في القاهرة اليوم امبارح وهو إن الغلطة غلطة الأتوبيسات انها خرجت برة المسار، طيب هو مين الي سايق الاتوبيسات دي؟ مصريين؟؟؟؟؟؟
4. لما السودان تتعامل مع الجزائر زي مصر "في اتفاقية الحقوق الأربعة بين مصر والسودان" ومن ضمن بنود الاتقافية ان مفيش تأشيرة بين مصر والسودانش موجودة بين السودان والجزائر ليه السودان تعمل كده وتخلهم بدون تأشيرة؟
5. ليه المطار اتقفل امبارح قبل البعثة المصرية ما توصل إلى المطار ويصبح المصريين بين المطار المقفول وجمهور الجزائر الهمجي من خلفهم؟
6. لما الجزائريين يشيلوا أسلحة بيضاء وسيوف وسنج ويرفعوها في الهواء تهديد لجمهور - دا اسمه وطنية وعروبة؟
7. موقف المصريين متحلش امبارح غير لما اتصالات أنس الفقي وحاتم الجبلي وأحمد شفيق وطبعاً جمال مبارك حصلت علشنقاذ المصريين
8. عارفيين ان السودان بلد شقيق وإمكانياته محدودة بس فنوقت مينفعش اطبطب على ناس كانت حتتسبب في موتي
تفتكر مش من حقنا نعتب على السودان؟
وكل الناس الي راجعة بتقول ان الأمن كان سيء