رسالة الى كل اعضاء الرابطة... آمر

بسم الله الرحمن الرحيم
يا جماعة احنا لما قلنا فيه انتخابات كانت على رئاسة الرابطة.... طب لماذا ننتخب رئيسا للرابطة؟ حتى يكون المتحدث الرسمي باسمها ويكون هو الشخص المؤتمن على الرئاسة وتولي مسئولية الرابطة..
بعد ان اسست الرابطة كان هدفي هو مساعدة كل من يمتلك الاسبيرانزا والحمد لله اصبحنا اكثر من 40 عضو بفضل مجهوداتكم ولذلك لزم وجود رئيسا لهذه الرابطة واتفقت انا واخويا محمد جنيدي على عمل استفتاء على رئاسة الرابطة.
وفعلا بدأ الترشيح وتم ترشيح كل من الاستاذ وائل عطية وانا على منصب الرئاسة وعلى الاعضاء التصويت (كل عضو يقول انا عايز فلان) واللي ياخذ اصوات اكثر فيكون رئيسا للرابطة ويتحمل هذه المسئولية الضخمة.
وبعد ذلك وجدت الاستاذ وائل يطالب ببرنامج انتخابي وطالب ايضا بان ينزل البرنامجين في وقت واحد ولا يكون هناك مجالا للتعديل ولا يسبق احدنا الاخر في تنزيل برنامجه الانتخابي وعمل مناظرة مباشرة و و و .... انا مش فاهم لية دا كلة الموضوع ابسط من كده بكثير...
يا جماعة انا ماليش برنامج انتخابي انا هدفي من هذه الرابطة هو اعلاء اسم الاسبيرانزا في مصر وان نكون قوة قادرة على مواجهة اي ازمة سواء بين الاعضاء او في التوكيل او في اي جهة كانت بالاضافة الى الانشطة الاجتماعية والثقافية ومحاولة بناء رابطة قوية جدا وزيادة عدد اعضائها وايضا لا ننسى الخدمات التي يجب توفيرها لاعضاء الرابطة مثل تخفيض مبلغ التأمين وقد تم ذلك بالفعل والبقية تأتي...
اعزروني يا جماعة انا راجل مهندس اعرف ان 1+1=2 لكني لست طليق اللسان ولا احب الشعارات والمناظرات وما شابه ذلك...
واسف اني اطلت عليكم الحديث....
معزرة: لظروف خاصة مضطر الى السفر الى مدينة السويس لمدة يومين ينتهوا في الساعة الخامسة من يوم الاربعاء المقبل....
وانا معنديش كلام تاني ممكن اقولة سواء عن البرنامج الانتخابي او الاهداف وانا وائق في ادارة المنتدى انها قادرة على ادارة الانتخابات بحيادية وشفافية تامة.
شكرا

"انا هدفي من هذه الرابطة هو اعلاء اسم الاسبيرانزا في مصر وان نكون قوة قادرة على مواجهة اي ازمة سواء بين الاعضاء او في التوكيل او في اي جهة كانت بالاضافة الى الانشطة الاجتماعية والثقافية ومحاولة بناء رابطة قوية جدا وزيادة عدد اعضائها وايضا لا ننسى الخدمات التي يجب توفيرها لاعضاء الرابطة مثل تخفيض مبلغ التأمين وقد تم ذلك بالفعل والبقية تأت "

هو اللي انت قولتة ده برنامج ولو قولتلنا خطواتك لتحقيق الاهداف ديه يبقي برنامج ميخرش المية كمان

حاجة تانية عايزك تعرفها يا امر ان ادارة المنتدي اللي هما احنا معجبين بفكره الرابطة كفكر جماعي خيري الهدف منه خدمة الناس كمان فاهمين انها تجربة جديده واكيد ناقصها حاجات كتير ابسطها التنظيم وده اللي بيدفعنا للدخول في معترك الرابطة ديه علما باننا عندنا مشروعاتنا للمنتدي والموقع وحاجات كتير ابسطها اننا شغالين في انتخاب المشرفين علي المنتدي ككل وبصراحة احنا كنا عايزين نطلب منكم تأجلو انتخابات الرابطة لحد ما نخلص استفتاءات المشرفين بس محبناش نعطلكوا عشان ( تاني مرة ) احنا معجبين بافكاركوا واهدافكوا وعايزين الخير للناس كلها سواء معاهم اسبيرانزا او لادا اوكا

يا جماعه انتم بتتكلموا فى ايه دلوقتى ..... لما امر يخلص امتحاناته تبقوا تفكروا فى الرابطه و الماسكه .... هو فى واحد داخل على امتحانات معهد البترول و يفكر برده فى برنامج و كلام زى ده ؟؟؟؟ بجد انتم لازم تعذروا الراجل دلوقتى لغايه ما يخلص امنتحانات و يفضى و نتمنى له النجاح و التوفيق .............. و بعد كده الراجل هياخد اجازه و يبقى فاضلكوا 4 شهور الصيف ان شاء الله و يعمل كل اللى انتم عايزينه و اوعى تكسفنى يا امر :wink: ....

a7'ookom
Sherif

اقتباس:

---

المشاركة الأصلية كتبت بواسطة aamerbebo

وانا وائق في ادارة المنتدى انها قادرة على ادارة الانتخابات بحيادية وشفافية تامة.
شكرا

---

ثقتك في محلها بإذن الله يا باشمهندس "آمر"

اقتباس:

---

المشاركة الأصلية كتبت بواسطة aamerbebo

وايضا لا ننسى الخدمات التي يجب توفيرها لاعضاء الرابطة مثل تخفيض مبلغ التأمين وقد تم ذلك بالفعل والبقية تأتي...

---

لزم التنوية عن ان عرض تخفيض مبلغ التامين الذى تحدث عنة الاستاذ أمر كان خاص بأعضاء الرابطة فقط ونحن كادارة المنتدي ليس لنا اي علم بتفاصيل العرض ومدي مصداقيتة لذا كان علينا توضيح ذلك وتمميزة عن خدمات المنتدي العامة المقدمة لكل اعضائة بما فيهم مالكي الاسبيرانزا علما بان العروض المعتمدة في نايل موتورز هي الموجودة بساحة خدمات اعضاء نايل موتورز والعرض الخاص بالتامين لكل اعضاء نايل موتورز تفاصيلة كالاتي

http://www.nilemotors.net/Forum/viewtopic.php?t=777

اقتباس:

---

اعزروني يا جماعة انا راجل مهندس اعرف ان 1+1=2 لكني لست طليق اللسان ولا احب الشعارات والمناظرات وما شابه ذلك...

---

طالما حضرتك بأدبك وبذوقك شايف إني بتاع شعارات يبقى الموضوع منتهي
بس أحب أفكرك إنك انت الذي لم تقل الحقيقة وادعيت كذباً إنك مهندس بترول في حين إنك لسه طالب في معهد .
ياسيدي الموضوع ليس موضوع شعارات وأنما موضوع فكر وعقيدة راسخة بالعمل الجماعي وكيفية تحقيقة
ثم لاماذا تخجل وأنت تقول أنك ذاهب للسويس حيث يوجد معهدك ، لماذا لا تقول أنك لديك امتحانات
ماالعيب في ذلك؟
ثم حكاية موضوع التأمين اللي انت بتتباهى به، أذكرك أنني كنت قد ذكرتك حينها بحرمانية التأمين، وأنت اقتنعت وقتها وقلت أنك لم تكن تعرف ذلك وعدلت عن الفكرة الآن لماذا؟ لماذا تراجعت في ذلك .. أهو من أجل إثبات أنك فعلت شيئ أي شيئ وخلاص، هل فرغ ما في جعبتك
لابد لكل شخص أن يعرف قدره حق المعرفة ولا يدعي لنفسه ماليس له ولا يُعطي نفسه حجماً أكبر من حجمه، ويحترم من هم أكبر منه سناً وأكثر منه خبر ..لا أن يرميهم كذباً وبهتاناً باختلاق الشعارات كما قلت
أعلن تمسكي بأن بعرض السيد آمر برنامجه الانتخابي متزامناً مع برنامجي الذي أرسلت منه نسخة إلى الأخ هاني بايو
وأتمسك بضرورة رده على تساؤلاتي وتشكيكي في بياناته

بصراحة يا جماعة انا كدة بدأت احس انى مش فى nilemotors
انا شامم ريحة contactcars بدأت تهب من جديد
فالحل هو يا اما نبطل الكلام دة كله وننسى موضوع الترشيح والانتخابات دى
يا اما نعمل منتدى جديد نسمية haredymotors مايكونش فية تنشيف
دماغ بالشكل دة
وانا من موقعى هذا ااكد ان ولاد ابو اسماعيل هيشمتوا فينا لو استمرنا كدة


م ( محبط جداً ) / عمرو فتحى

اقتباس:

---

المشاركة الأصلية كتبت بواسطة amr_f50

بصراحة يا جماعة انا كدة بدأت احس انى مش فى nilemotors
انا شامم ريحة contactcars بدأت تهب من جديد
فالحل هو يا اما نبطل الكلام دة كله وننسى موضوع الترشيح والانتخابات دى
يا اما نعمل منتدى جديد نسمية haredymotors مايكونش فية تنشيف
دماغ بالشكل دة
وانا من موقعى هذا ااكد ان ولاد ابو اسماعيل هيشمتوا فينا لو استمرنا كدة


م ( محبط جداً ) / عمرو فتحى

---

بالعكس يا باشمهندس "عمرو" ده اكبر دليل على أن الوضع هنا صحي ومفيد للجميع فالتنافس شيء جميل جدا والحوار مفيد للجميع

والمنافسه الشريفه تصب في صالح الجميع

وبالتاكيد الرابطه هي من ستنعم برئيس معتدل صاحب خبره ويعمل على أفادة مالكي السياره

استاذ عمرو فتحى-بالعكس كل ما يحدث الان كان متوقع ولم يكن -وكما ذكر الاخ بايو انة صحى جدا وفى صالح اعضاء الرابطة --ولعلمك ما يحدث الان كا من الممكن ومن السهل جدا ان يتم فى غرفة مغلقة وهو ما رفضناة -لاننا اتفقنا على مبداء الشفافية وانكار الذات --فأرجوا من سيادتك ان تنظر للموضوع من منظور مختلف --وياريت تشيل موضوع الاحباط دة خالص--ونحن هنا بعيدين تمام البعد عن المشاكل التى كانت تحدث فى كونتكت لانة وبصراحة الجماعة المسئولين ما بيعدوش كلمة واحدة اذا كانت غير مناسبة- ولو علىا ولاد ابو اسماعيل--سيبهم على انا فى تار قديم بينى وبينهم---لا تقلق ولا تحبط يا اخى

الســــــــــــــــــــــ ـــــلام عليكم جميعا
اصبحت اشعر بعد الصدام الاخير بين الاخوه الاعزاء بأننا نتصارع على حقائب وزاريه كما تفعل حكوماتنا العربيه فبدأ الضرب تحت الحزام :evil:
قال رسول الله -صلى الله عليه وسلم-(يد الله مع الجماعه)
إستعيذوا بالله من الشيطان الرجيم

اخوكم اشرف
اسبرانزوي رقم4

استاذ اشرف ياريت تلقى نظرة على الرسالة اللى انا بعتها دلوقتى--وصدقنى كل دة فى الصالح العام-