بصراحة لازم نحي جميع افراد منتخب مصر من لاعبين و مدربين
حتي لو اختلفنا مع حسن شحاتة بتغييراتة انما هو فرحنا كتير :
كاس امم 2006
بطولة عربية
امم 2008
وصولنا امم افريقيا 2010
اقترابنا بشدة من المونديال لكن اشياء كثيرة غير الأداء في الملعب هي اللي خرجتنا

يبقي مينفعش من اول كعبلة نشتمهم و نقطع فيهم و نهاجمهم دول فرحونا كتير و زعلونا قليل

تحية لجميع افراد منتخب مصر

و وراكم لكاس العالم 2014 لاننا ان شاء الله هنوصل

علي فكرة مش زي ما كل الناس بتقول ان دي اخر فرصة للجيل دة لا هيكون في ناس كتير زي:

زيدان و متعب و عمرو ذكي و حسني عبد ربة و احمد فتحي و .. و ..
و كمان انا اتوقع ان الحضري هيكون معاهم لو كمل صح الفترة اللي جاية امكانياتة تؤهله لكدة

و لو الإصابات الكتير بعدت عن ابو تريكة في احتمال كبير عشان مركز لعبة يتطلب فكر اكتر من الجهد

و هيضاف ليهم شباب تانين ممكن شيكابلا لو التزم و هيكون المجموعة دي هم الخبرة

اما اللي اعتقد انهم خلاص بعد كدة
محمد بركات و احمد حسن و عبد الظاهر السقا و ..

المهم في الأخر ان كل الناس عملت اللي عليها و مكنش مكتوبلنا نوصل السنادي
لكن بلاش نقطع فيهم لان دول هما اللي بينوا الحس الوطني عند المصريين و اننا لسة بنحب بلدنا
و يكفيهم دة

و نفكر دلوقتي في امم 2010 " يارب الجزاير تيجي في مجموعتنا "
و كاس العالم 2014