من اقوى ما قريت بخصوص الموضوع دا
شكرا بجد
عرض للطباعة
من اقوى ما قريت بخصوص الموضوع دا
شكرا بجد
يا استاذ محمود من فضلك اتكلم :11:
وضح للناس الصورة
خلي الناس اللي عايشة في دور المؤامرة تفوق
و لو احنا اللي بنبالغ قول و فوقنا
كلام حضرتك لو قلته هننقله لناس كتير عشان يبقي واضح ايه اللي حصل
يا دكتور صدقني الموضوع مبقاش فاضل فيه حاجة غامضة .
لأنه كان حرب شوارع حقيقية و لكن من طرف واحد .. زي ما بنشوف في الأفلام الهنود الحمر يربطوا واحد في شجرة و يقعدوا يلفوا حواليه يصرخوا و هو في قمة رعبه .
الموضوع مسجل بالصوت و الصورة .. و واضح وضوح الشمس في السما .. حتي علاء مبارك يا ناس كانوا بيشاورولوا بإيدهم "هندبحكوا!" .. مطاردات في الشوارع .. تحديف سكاكين و أسلحة .. محاصرة الأتوبيسات و الإعتداء علي من فيها بنات و شباب و رجالة و سيدات .. ذعر في كل مكان .. إستهداف المشاهير عشان يبقوا أخدوا العلامة .
المصريين بيقلعوا تي شيرت مصر فقط عشان محدش يستهدفهم
اللي كان رايح يشجع لقي خناقة .. لم يكن هناك مكان لمشجعي الكرة و الرياضة .
يوم غاب فيه الشيطان و حضر 30 ألف شيطان جزائري مكانه
الدولة اللي تبعتلي بلطجية يضربوني ميشرفنيش أكون معاهم بأي شكل من الأشكال .. انا هعتبر الجزائر مش علي الخريطة أصلاَ .
حمدا لله على سلامتك
احترم رغبتك واقدر ما انت فيه
لم انم من صباح الامس ودمى محروق اتمنى اى موقف يعيد لهذه البلاد كرامتها
وكرامة ولادها - كفاية تخاذل - حتى الهفأ تجرؤا علينا
بكرة صلاة الجمعة
اول حاجة فعلية
ان احنا نقول فى الصلاة
حسبى الله ونعم الوكيل
فى كل جزائرى
اعتدى على كل مصرى
وحسبى الله ونعم الوكيل
فى كل مسئول جزائرى
سمح بالاعتداء على مصرى
متضامن معك و اوافقك الرأى يا باشمهندس محمد
-------------
و عندى كلام كتير بس مش وقته وسط ما نعيشه الان
و ياريت الناس تفهم الموضوع المكتوب صح بدون نرفزة و لا عصبيهو لا نكون
اقتباس:
ماتبقاش زي اللي غضب واتحمق عشان واحد رمى عليه طوبة وماتحركش لما واحد انتهك عرضه!
برافوا عليك
قرأت رأى برضه اعجبت به جدا من مدونة صوت الفؤاد
-----
ممكن ننظر للموضوع من جهة نظرية المؤامرة .. يعني في دول و ناس لها مصالح في كده فإستخدمت وسائل عديدة و منها طبعاً الاعلام المأجور عشان تزود الأزمة .. كتطبيق للبروتوكول الثالث عشر من بروتوكولات حكماء صهيون :تمرير القوانين الصعبة ثم استدراج الرأي العام إلى مشكلة جديدة لصر ف انتباههم عن القانون الذي تم تمريره مع تعقيد المسائل السياسية – إلهاء الجماهير الرعاع بأنواع شتى من الملاهي والألعاب والتحكم بنتائجها بما يخدم إثارة الرأي العام وإلهاب حماسه وشغله عما يحال له .الموضوع محتاج تفحص و دراسة كبيرة .. لأن اللي حصل بين شعبين مفيش بينهم أي خلافات أو عداوات سواء سابقة او حالية ممكن يحصل مع شعوب و بلاد غيرها كتير ..
----------------------
حضرتك بتصدق ان الكلام ده ينطبق علي الموضوع بتاعنااقتباس:
تمرير القوانين الصعبة ثم استدراج الرأي العام إلى مشكلة جديدة لصر ف انتباههم عن القانون الذي تم تمريره مع تعقيد المسائل السياسية – إلهاء الجماهير الرعاع بأنواع شتى من الملاهي والألعاب والتحكم بنتائجها بما يخدم إثارة الرأي العام وإلهاب حماسه وشغله عما يحال له .
الموضوع محتاج تفحص و دراسة كبيرة .. لأن اللي حصل بين شعبين مفيش بينهم أي خلافات أو عداوات سواء سابقة او حالية ممكن يحصل مع شعوب و بلاد غيرها كتير
الجمهور الجزائري دوما له تاريخ طويل من العنف مع الجماهير و الاعبين المصريين
منذ ايام السادات
و في اوائل عهد مبارك في 84
و عام 89
و ايام في مباراة الذهاب
كل ده تبع المؤامرة !!!!!!!
انا كمان فعلا حزين جدا من دعوات القتل دي، وكأننا همج وبربر وبندعوا لدبح فراخ ولا خرفان للعيد مش بني آدم، بدون اي وعي ان كل العقائد السماوية وحتى الوضعية تحرم وتجرم مثل هكذا افعال.
الغضب اعمى الجميع عن المتسبب الحقيقي فيما يحيط بنا، المصريين في الاساس بيحاربوا بعض داخل بلدهم.
العلاقات الإجتماعية بين المصريين في أسوء .. أسوء ما تكون، مظاهرها واضحة في كل حته وفي كل مكان، لايمكن تسمية هذه العلاقات تحت أي مسمى سوى كلمة حرب.
الامن الشخصي للفرد المصري معدوم تماما وعلى المتضرر اللجوء للجريمة كي يصحح بها الجريمة التي ارتكبت ضده.
الاسلوب الشخصي للتحدث بين المصريين اصبح كله سُباب وكلمات نابية وبذيئة، والعقول التي تصيغ تلك الكلمات لنتطق بها الالسنة في غياب مطلق.
المرأة عندنا لما بتنزل للشارع بتنهش ان لم يكن بالأيدي فالألسنة، فإن لم يكن فالنظرات الدنيئة تلاحقها في كل مكان.
إستبحنا اعراضنا فأستباحنا الآخرون.
كل يوم احنا بننضرب في بلدنا، ولاحد رفع صوته.
ومحدش يقولي ان احنا الايادي اللي بتضربنا هنا مصرية، والأيادي هناك لم تكن مصرية، الكرامة الإنسانية لا تتحمل التفريط او التهوين سواء من مصري او من غير مصري.
انا آسف جدا إن انا انضربت هنا في بلدي كتير ومعرفتش آخد حقي، وبقولها بصريح العبارة، ولا مرة عرفت آخد فيها حقي، كان المفروض آخد حقي هنا الاول ومنذ زمن.
يا جماعة اللي انتوا بتعملوه ده، كأنكم بتطلبوا من سجانيكم انهم يضربوا ليكم مساجين تانيين، ومحدش فكر ان السجان هو اول من جلدني وهو العائق الاول امام الحرية والكرامة، إحنا بقينا نحب ننضرب وننجلد أكتر ما بنحب الحرية، وكأن السجن هو الحياة الطبيعية والحياة خارج السجن هي اللي بقت شذوذ عن الطبيعي.
وفي الآخر نشكر السيد علاء مبارك، عجيب جدا هذا الشعب فعلا عجيب.
أرجوكم سيبكوا بقى من السلبية دي وحاولوا تتغيروا.
لا تجعلوا بأسكم فيما بينكم
لا تجعلوا بأسكم فيما بينكم
لا تجعلوا بأسكم فيما بينكم