الموضوع: ذكريات أول خبطة + ذكريات أجمد خبطة

أول حادثه كانت بعربيه ريتمو كنت بتعلم عليه..كنت بلف في دوران طلعت علي الرصيف :roll:
أجكد حادثه كانت بعربيه برايد...كنت واقف في أشارة بأمان الله و جت عربيه ترله خبطت العربيه...دمرت الرفرف و الباب اللي جنبي وهي اسه بتتصلح لغاية دلوقتي

الحمد لله عمرى مخبط حد ولا تخبط من حد
لأ أفتكرت من حوالى 4 سنين والدى صحانى بدرى وألى روح جدد الرخصة كنت صاحىمش شايف أدامى طبعا وخبط واحد فى أديها وجريت طبعاً وخبجط واحد بموتوسيكل بس مجرلوش حاجه الحمد لله

اول حادثة وانا عمرى 7 سنوات تقريبا, اخدت مفتاح عربية والدى ونزلت ودورت العربية ووالدى كان معشقها على المارشدير, انا ادور والعربية تنط وطبعا كنت مبسوط جدا وهــوب العربية نطت فى كرش عمود ةالشنطة اتخبطت والفانوس اليمين اتكسر وانا قفلتها وطلعت حطيت المفاتيح مكانها بس حتى الان مش عارف والدى عرف ازاى انى انا الى عملتها :twisted: .
اصعب حادثة كنت مسافر اسكندرية زراعى وكنت بنام وكان واحد صاحبى الى سايق حب يعدى ميكروباص منن الشمال الميكروباص قام حادف عليه والدنيا ليل الباشا دخل فى الجزيرة وعدى من فوقها ومشى فى المقابل على سرعة 120 كم/س وطبعا مكانش فى اى سيطرة على العربية ولكن الحمدلله ربنا ستر وعلى ما اعتقد ظلطة او طوبة عوجت الدركسيون والعربية خدت شمالها ودخلت فى محل صغير بتاع كاويتش والحمدلله الذى نجانا ولا نعرف كيف.

حمتنى من حاجات كنت ناوى أعملها فى طيش الشباب والحمد للة

يا ولد يا خلبوص
أكيد كنت رايح الملاهى :mrgreen: :mrgreen: مش كده برضه ;)

أنا أفتكر أن أول حادثه عملتها كانت في أول يوم أتعلمت فيه السواقه حبيت اوري بابا اني خلاص بقيت مايكل شوماخر( النسخه المصري) ورحت جاي بسرعه حوالي 60كلم وأنا خارج من حته ضيقه رحت لابس في عربيه بويك كانت ركنه وسواق العربيه فيها ونزل وقعدت اتحايل عليه انه مايقولش لبابا وضحك عليا وقللي خلاص ماشي رحت ركنت العربيه مكانها ولا كأني عملت حاجه ورحت المدرسه يومها وبعد مارجعت البيت لقيت الحاج ربنا يديله الصحه والعافيه لما روحنا راح خبطني حتة الم (بيوجعني لغاية دلوقتي) من 10 سنين وقاللي أزاي تخبط العربيه وتهرب وماتقوليش بس الحمد لله صاحب العربيه مارضيش يأخد حاجه وقال ده زي ابني والعوض على الله ومن سعتها وانا الحمد لله ماعملتش اي حوادث ...... ربنا يديمها نعمه

المشاركة الأصلية كتبت بواسطة Hossam Hassan

ان شاء الله فى المقابلة لازم تحكيلنا عن المشوار ده :D :D :D

عينى يا حسام بس ربنا أمر بالستر وكتم البلاء - حفظنا اللة وأياكم

المشاركة الأصلية كتبت بواسطة m_aash

حمتنى من حاجات كنت ناوى أعملها فى طيش الشباب والحمد للة

يا ولد يا خلبوص
أكيد كنت رايح الملاهى :mrgreen: :mrgreen: مش كده برضه ;)

الصراحة من ناحية ملاهى فهية كانت هتبقى ملاهى فعلا