ذكريات أول خبطة + ذكريات أجمد خبطة

**Hisham_ElFeky** · 23-11-2007 05:46 PM

المشاركة الأصلية كتبت بواسطة dehumanizer

المشاركة الأصلية كتبت بواسطة etch007

وباخد يوتيرن وواحد صاحبي بيقولي هادي خشبة اهو كان في عزو ساعتها ببض ودييييييييييييب رشقت في مرسيدس ٢٠٠

ههههههههههههههههههههههههه هه انا اول ما شفت المشاركة دي ضحكت جامد لأن من حوالي شهر و نص كدة كنت في كارفور اللي علي اول الصحراوي مع واحد صاحبي و بيقولي و انا بركن مش ده هادي خشبة اللي هناك ده

فا و انا ببص ورايا رجليا اتزحلقت من عالدواسات و العربية نطت كدة بس محصلش حاجة الحمد لله

بعد كدة قابلناه جوة كان بيجيب حاجات لولاده من اديداس :D ولاده شبهه جدا ولد و بنت .. حتي مراته شبهه .. بس راجل محترم اوي

بس اظاهر انه سبب حوادث كتير :lol:

انا حمدت ربنا انه اعتزل قبل ما يخلص علينا :D :D :D :D :D

**khalid_adel** · 23-11-2007 11:10 PM

المشاركة الأصلية كتبت بواسطة ahmedsamir79

أول حادثه كانت بعربيه ريتمو كنت بتعلم عليه..كنت بلف في دوران طلعت علي الرصيف :roll:
أجكد حادثه كانت بعربيه برايد...كنت واقف في أشارة بأمان الله و جت عربيه ترله خبطت العربيه...دمرت الرفرف و الباب اللي جنبي وهي اسه بتتصلح لغاية دلوقتي

يا استاذ احمد انت بتفكرني بأستاذ وائل كان معانا في المنتدي وعربيته سابا برضه واتعمل فيه نفس الحادثه بتاعتك بالظبط ونفس الجنب ولسه معملهاش برضه (سبحان الله ) كل السابا بتتخبط من النقل في الجنب الشمال
انا بقى اول خبطه كنت لسه مطلعتش رخصه بس كنت بعمل مشوار لوالدي في المنطقه وهو عارف (دي اول مره كنت اخد العربيه بعلم والدي وكنت بلف مصر اصلا من غير مايعرف ومحصلش حاجه ) المهم وانا راجع وكنت مستعجل شويه وماشي في شارعنا كان في عربيه بتركن وموقفه الحاره الشمال المهم انا بجري وماشي في اليمين عادي فجاه لقيت نص نفل طالع بسرعه وفجاه وماشي كده عكس في وشي قمت بوم طخ نزلت مرعوب من اللي حصل بس الحمد لله الناس عملت معاه الواجب من نفسها لانه هو الغلطان 100% وتكلف سمكره كبوت ورفرف وشبكه
الدروس ان ماتجريش ابدا ايدا في شارع جانبي مهما كان لانه ممكن يطلعلك اي حاجه متتخيلهاش حتي لو قطه معديه وتسبب في خبطه ( مش حقول حادئه لانها بتبقى بسيطه ) بس نصيحه بلاش السرعه والاحتياط واجب في الشوارع دي

**shaddadfalcon1** · 24-05-2010 06:03 AM

انا اول مره كانت بعربيتي الوحيده اللانوس
كنت طالع من شارع جانبي وفي عربيات جايه في الشارع الرئيسي وانا مصطبرتش وقمت داخل ودخلت علي ديق قوي عشان مقفلش علي اللي جاي قمت واخد جنب العربيه كله في اكصدام فيات واقفه
تاني مره كنت بركن عند البيت وكان في شجره والجدر بتاعها طالع منه خذوق ناحية العربيه ومخدش بالي منه وطبقت الباب اليميين ورا

تالت مره كنت الصبح وكانت شبوره جامده قوي الطريق مزحلق وكان في عربيه نص نقل قدامي واتاريها واقفه وسيادته مكنش مشغل لا اشاره ولا انتظار والمهم دخلت فيه جالبي الكبوت والاكصدام والرفرف

اخر مره كنت علي مطب ويادوب عديت العجلتين اللي قدام ولقيت اوبترا جاي طاير وبيفرمل حاولت اطلع بس جابني بردو وكسرلي الأكصدام اللي ورا

الدروس المستفاده

1- معظم الحكات والخبطات بتحصل وانت واقف او ماشي براحه يمكن عشان بتبقي مش مركز قوي - فالواحد بيركز جدا دلوقتي لما بيبقي سايق براجه في حته زحمه
2- عند المطبات اتاكد ان مفيش حد جاي طاير مو ورا ولو فيه وسعله او كل المطب واهرب منه

**abo_lamar** · 24-05-2010 06:18 AM

أول خبطة كنت في السودية كان معايا دايهاتسو روكي وعربية شيفروليه تريلبليزر حكت في الرفرف الخلفي حكة جامدة اوي بس عدت
اجمد خبطة كانت برضه في السعودية دخلت وش في وش مع عربية تويوتا كورولا .

**acceleration** · 24-05-2010 11:53 PM

انا أول خبطة كانت تانى مرة اسوق العربية_128_بلف فى الشارع بسرعة و هووووووووب كسرت باب المحكمة اللى هنا
تانى مرة ودى مش حلوة ابدا ماشى فى طريق زراعى فى ارياف فى المنيا وبالليل وطبعا مفيش عمود نور واحد وانا ماشى بالعربية على 80 مثلا _فيليشيا_ مرة واحد الاقى فلاح بيعدى الطريق بالعرض ومعاه ييجى 20 خروف ولسة معظمهم فى جنب الطريق اليمين رحت رامى شمال جااااامد الاقى الكلب بتاع الراجل طلع مرة وحدة يجرى من ورا الخرفان (معرفش طلع منين ده ) هوووووووب رحت رامى شمال اكتر بقى نص العربية بالجنب فى المياه والنص التانى متعلق على التراب برا المياه

**fady.bekatcho** · 25-05-2010 12:21 AM

انا اول خبطة فى حياتى هيا نفسها اجمد خبطة عملتها فى حياتى

كنت راكن على جنب وخلاص همشى فببص فى المراية اشوف فى حاجة قريبة مالقتش لقيت عربية مثلا على بعد 100 متر فطلعت وهاخد يوتيرن بعد 10 متر واديت اشارة الباشا بيجرى على الطريق فوق ال100 فى طريق ما يسمحش بكدة ومش باصص على الطريق

الحمدلله اكصدام اتعجن ورديت فى الشنطة من جوة

تانى خبطة هيا الى خفيفة طلعت بالعربية على الرصيف وانا مركز فى الاتجاة التانى اشوف فى حاجة جاية ولا لا

**ali_elnadry** · 25-05-2010 12:52 AM

هى دى تعتبر اول مشاركة ليا وزى مانا قلت انى مبشاركش فى اى منتدى بسهولة من اول مرة الا لما اتعرف على طباع المنتدى عامة.
بعد الصلاة والسلام على رسول الله .....
انا ولله الحمد بقالى 3 سنوات بسوق كويس بس اول عربية اشتريها فى حياتى هى ال128 اشترتها من شهر بالضبط واول امبارح كانت اول حادثة.اللى حصل وباختصار ان انا كنت راكب انا و5 من اصحابى يعنى(6)فى ال128 وبحاول اخد غرزة ضيقة جدا برده بال128 وفجأة ملقتش ال128 لكن الحمد لله كل اللى حصل ان الجنط اتعوج لانى خبطت ورديت فى نفس الرصيف 3مرات متتابعة وبعديها عدلت الجنط وظبطت زوايا وضربت ودفنت من صحابى.
(ملحوظة):طبعا انتو مستغربين انا ازاى عملت كده لانى باختصار ركبت قبليها 131وdogan والتنين كورونا ودى كبالن واستنتج انت الباقى مع حسن الظن باخيكم
وطبعا وزى مانتو شايفين ان مفيش احسن من دى خبطة -حتى ولو بعد الشر عملت حادثة جامدة-.

**dode2002** · 25-05-2010 01:42 AM

اسف مش هشارك لان الموضوع ده يحرق الدم
طبعا كلامي علي الموضوع وليس علي كاتبه

**Medo.Malek** · 25-05-2010 02:19 AM

اول خبطة: ليا( غلطتى) كانت بمرسيدس 200 كنت باخد يوتيرن و كان زحمة شوية ولما جه دورى عشان الف كنت باصص على الطريق الجاى و مخدتش بالى ان اللى اخد اليوتيرن قبلى وقف فجأة فا خبطت فى الاكصدام الخلفى بتاعه و الرفرف عندى اطبق لجوة و هو الحمد لله محصلش حاجة عنده و هو كان تاكسى شاهين

اجمد خبطة: و دى غلطتى برده وش كنت برجع بضهرى بنفس العربية و اعتمدت فقط على المرايا الجانبية فى الرجوع و هوب لقيت عمود نور بيخبط على القزاز اللى ورا !! العمود دخل فى نص الشنطة و طبق الشاسية و التانك و الاكصدامات و الشنطة طبعا و العمود اكتشفت انه كان مايل و انا لما خبطه عدلته شوية !!

الردوس المستفادة: التركيييييييييييييييييز الشديييييد و الحرص الاشد و انت بتسوق