مين اللي صحي الموضوع دة

مفيش خبطات جامدة الحمد لله

البي ام مرة كنت هعمل حادثة وكنت داخل علي الخرسانة علي الطريق الزراعي وربنا ستر الخسائر كان جنط اتعوج فقط

والاستارليت مرة علي مطب وبنتحرك بطئ جداا و اللي قدامي وقف ومكنتش باصص قدامي حكيت فية وش الأشارة اتكسر

أول و أغرب خبطة بقي زمان بعربية 131 عند ترعة الأسماعيلية كان الطريق قبل النفق اللي طالع علي عبود كان الطريق بايظ خالص والأسفلت هضاب طالعة ونازلة و الشارع فاضي و الكام عربية اللي ماشيين واخدين يمين الطريق وماشيين بالراحة فانا قلت اخدة من الشمال خالص واول ما دخلت في الهضاب دي العربية اتشعلقت عليها فا وقفت وعشقت مارشدير ونطيت مرة واحدة علشان العربية تطلع لأنها كانت اتعلقت فعلا ، اتاري واحد بعربية جيب رانجلر ساب الدنيا كلها وجة ورايا وانا مبصيتش في المراية وشافني معشق مارشدير معملش اي حاجة غير انة حاول يطلع علي الرصيف اللي في النص معرفش كان رايح فين الصراحة فا عربيتة بقت عجلة فوق وعجلة تحت والأكصدام في مستوي الشنطة بتاعتي

وطبعا دببب انا قلت مش هلاقي الشنطة ، كل اللي حصل ان طرف الفانوس اتكسر و نقرة بسيطة جدا جنب الفانوس و هو الأكصدام بتاعة اتلوح ههههههههههههههههههههههههه ههه

بس فعلا اكتر مواقف بتعرض فيها للخبط لما الدنيا بتكون فاضية خالص فا الواحد بيمشي مش مركز يعني كنت هلبس مرة في شجرة بضهري بس وقفت علي أخر لحظة

الدروس المستفادة بقي ان طول ما العربية بتتحرك حتي لو بطئ جدا لازم تكون باصص في الأتجاة اللي بتتحرك فية

وبلاش السرعة في حالة عدم التركيز وقلة النوم