السلام عليكم
كل واحد منا شايل في ذاكرتة ذكريات اول خبطة وكمان ذكريات أجمد خبطة ياريت كل واحد يحكيلنا وكمان يقولنا اية الدروس المستفادة من الخبطة ونجمع الدروس دي وتبقي مرجع لينا للمتعلمين سواقة جديد
لان كلنا عارفين اد اية بتزعل اول خبطة :twisted:
عرض للطباعة
السلام عليكم
كل واحد منا شايل في ذاكرتة ذكريات اول خبطة وكمان ذكريات أجمد خبطة ياريت كل واحد يحكيلنا وكمان يقولنا اية الدروس المستفادة من الخبطة ونجمع الدروس دي وتبقي مرجع لينا للمتعلمين سواقة جديد
لان كلنا عارفين اد اية بتزعل اول خبطة :twisted:
اول خبطة كانت في شجرة ;)
كنت لسة بتعلم السواقة علي لانوس و كان فيه ملف يو تيرن .. فا اول ما جه رحت كاسر الدركسيون و مكنتش لسة خت مساحة العربية تلف فيها .. في طلعت فوق الرصيف و من الرصيف عالشجرة :lol:
الدروس المستفادة .. ان نص العربية يعدي الرصيف قبل ما اكسر بالدركسيون عشان الف :neutral:
اول خبطة كانت بال 128 وكنت فى تقاطع فى مكرم عبيد واوبل فيكترا دخلت فيا فى التقاطع طبقت الباب بتاعى بسبب ان كل واحد كان فاكر انة هوة الي لية اولوية العبور :evil:
أجمد خبطة كانت بالنوبيرا وش فى وش :shock: مع اوكتافيا والحمدلله جبت ربع كامل وهوة كمان جاب ربع كامل + عوجة فى الشاسية بتاعة
الدروس المستفادة لازم الواحد يكبر دماغة ويمشى على مهلة
أمشى سنة ولا تعدى أنى
شكرا يا باشا على الموضوع الجميل دة الى فكرنا بالذكريات الوحشة دى :twisted:
انا مش عارف انتو بتخترعوا المواضيع دي ازاي ؟؟؟
بص يا سيدي ..الاول لازم تحدد ...عايز خبطة مع عربية و اللا مع شجرة و اللا حيطة و اللا بني ادم ؟؟؟؟ :-)
...اول خبطة... كانت بال 128 .. و كانت في خضر التوني ما بين الطيران و يوسف عباس ... الشارع هناك يسع سيارة واحدة تقريبا .. و كان قدامي تاكسي فيات 1100 من ايام محمد علي باشا ..و فجأة واحدة ست طلعت من العدم قامت مشاوره ليه .. و كأن ربنا مرة واحدة راح مباركله في الفرامل بتاعته و يظهر كان عنده abs و اللا حاجة ..
راح واقف مرة واحدة .. اخوك مالحقش يقف..و رحت لابس وش لظهر ..الحمد لله ما كانتش جامدة اوي ... السدر بس دخل لجوة شوية ..و الاكصدام اتعوج ... و هو ..لم يحدث له اي شئ ..علي الاطلاق ..
التانية ..كانت باللانسر 99 .. و ماكانش ليا ذنب فيها ..انا كنت ماشي عادي جدا ..و مرة واحدة لقيت العربية اتهبدت و صوت خبطة جامدة ورايا علطول ...ايه اللي حصل ..واحدة بنت حلال طالعة من الجراج بتاعها و راحت دايسه علي البنزين جامد .. لغاية دلوقت مش عارف ليه ..هل كانت بتتعلم .. هل كانت بتجرب .. بتنتقم .. الله اعلم ..
راحت جايبالي الباب اللي ورا و الرفرف الخلفي ..و ابوها صلحها ..بس بعد ايه ..طبعا اتحرق دمي ..و اتحرق قلبي علي العربية ..و بعدين بعتها بعدها بفترة قصيرة ..
الخلاصة في الموضوع ...ربك سبحانه و تعالي هو اللي بيستر
انا الحمد لله فى خلال رحلة سواقتى التى زمنها لا يتعدى ال سنة الحمد لله معملتش ولا حادثة ولا خبطت فى اى حاجة و الحمد لله انا بمشى فى كل حتة فى الأسكندرية و معملتش ولا حادثة حتى و انا بتعلم و دة لأنى بمشى على مهلى و مش بجرى خالص و دة طبعا علشان من غير رخصة بس اول ما اطلع رخصة .... :twisted: :twisted: :twisted: :twisted: :twisted: :D
لأ ان شاء الله حمشى على مهلى برضة ;)
+ ان العربية سهلة جدا جدا فى السواقة هاتش باك و كل الزوايا بتاعتها باينة و سهلة جدا و شايف كل حتة فى العربية ( تويوتا ستارليت 87 )
الخلاصة امشى على مهلك و بلاش جرى و ان شاء الله ميحصلش حاجة
انا والحمد لله معظم عربياتي اتخبطت وانا بعيد عنها واذكر منها:
اللادا 2107 اتخبطت من شيروكي (كان بيلعب ويخمس) قدام الاكاديمية وجابلى الرفرف الوراني شمال وطبعا جري ماحدش قدر يوقفه (دي شيروكي يابه) والحمد لله صلحتها على طول
البيجو 504 (بتاعت الوالد) ركنتها في مكرم عبيد قدام نادي فيديو مشهور ايامها ويادوب دخلت ابدل شرايط وسمعت صوت فرامل وصوت خبطة جامدة جدا ولقيت ناس بتجري فسألت عيل صغير كان واقف في الشارع (ايه اللى حصل) قاللى دي عربية لونها نبيتي خبطت عربية زرقاء واقفة في الشارع فرحت طالع جري لقيت عربية لانسر 98 واقفة مكان عربيتي وبعديها بكام متر كده لقيت البيجو مريحة على عربية تانية قدام وتنك البنزين بتاعها اتخرم ومسربة البنزين على الارض (كانت متفولة مش زي طبعا اسيبها على الزيرو :-)
خلاصة الكلام الواد قاللى معلش اصل ميكروباص زنق عليا والعربية عومت وكده وبتاع ، المهم دفع تمن تصليحها (رفرف + مرايا شنطة + فانوس خلفي + تنك بنزين عشان اتفعص)
وربنا يبعد عننا جميعا شر الحوادث والمستهترين
رامي (ابو احمد)
اول خبطة كانت مع نقل (3/4)
كنت واقف في تقاطع و العربيات كلها واقفه و قرر الباشا انه يخليها فزبه و يعدي بين العربيات و هي و اقفه و هرس شنطة ال127 الغلبانه من فوق.
اجمد خبطة كانت لبني ادم بعد الفطار في رمضان و الحمد لله محصلوش حاجة بس العربيه دخلت عمرة كاملة :D
اول حادثه كانت فى قهوه بلدى
كان تانى يوم بعد ماستلمت الرخصه
كنت شارى 127 وقولت اغير زيت و الذى منه المهم العربيه عند الميكانيكى و فى جنبه قهوه
بعد مخلص كان عاوج الدركسيون و انا مش واخد بقلى
يدوب دورت وطلعت رحت خابط ترابيزه عليها بعض المشروبات والناس الى حوالين التربيضه الحمد لله كانو قامو من جنبها (بس محسبتش على المشاريب ;) )
اجمد خبطه كانت عند المنطقه الحره مدينه نصر
كانت ماشى و جنبى على اليمين اتوبيس نقل عام و الشارع 3 حارات بس الحاره الى على الشمال فيها اتوبيس بيركب ناس موضفين طلعين من شركه بنت كانت عايزه تعدى الشارع راحت معديا الحاره الاولى بحيس انها عدت الاتوبيس ومستانيه لما اعدى انا يعنى واقفه بين الحارتين
فجاه و بعد ما كانت واقفه قررت تعدى
مبقاش ينفع اروح لا شمال(اتوبيس النقل العام) و لا يمين (الاتوبيس الى راكن)
طبعا اتخبطت انا وقفت على جنب ونزل زمايلها وكانت مغمى عليها لان عربيتى خبطتها من الجنب وراحت منطوره و مخبوطه فى الاتوبيس
الحمد لله هى كانت سليمه و بعد مافاقت اعتذرتلى و انها كانت غلطانه و عرضت انى اوديها مستشفى زميلها رفضو وودوها
الحمد لله بس طبعا لازم نحذر من اخطا الغير
اول خبطة و انا عندى 3 سنين :D :D :D بعربية 132، السواق اللى كان شغال مع خالى نزل يشترى حاجة و عشق العربية على الأول و كان لازق فى مازدا 323، رحت منتهز الفرصة كالعادة و قعدت مكانه و عاوز اسوق و هوب دورت العربية قامت نطة على المازدا جابت فوانيسها :D :D :D.
بعدها بسنة كنت قاعد على حجر أخو جدتى و هو سايق مرسيدس و رحت لافف الدركسيون فجأة قام خابط عسكرى جيش بس الحمد لله جت سليمة. :D :D :D
أول حادثة مش هقدر أحكى عليها بس بأختصار أنا سعيد بيها أنها حصلت لأنها حمتنى من حاجات كنت ناوى أعملها فى طيش الشباب والحمد للة لما الحادثة حصلت مكنتشى طبعا قادر أكمل المشوار الشئوم دة ولو كنت رحتة أكيد كانت حياتى دلوقتى هتبقى ليها شكل تانى - حفظنا اللة وأياكم - بس لغاية دلوقتى أنا مش عارف الحادثة دية حصلت أزاى فجأة وأنا خارج من البنزينة بعد التفويل والشارع فاضى إلبس حا فى عربية نقل معرفشى طلعت منين -سبحان اللة دعوات أمى - وم الخضة مدوستش فرامل لا دوس بنزين وعينك متشوف إلا النور كانت شاهين زيرو وبقت نص عربية شاهين مستعملة :D :D
على العموم الحمد للة انى سليم والحمد للة انى مروحتش المشوار أياة :P :P