الموضوع: ميكانيكي و عفشجي مضمونين

في المعادي في عندك احمد و محمد عبد الراضي.. و فادي اللي انا باتعامل معاه..
و في العباسية في شارع احمد سعيد.. في اشرف اوبل..و اللي سمعت انه حاليا الشغل فيه كروتة شوية.. عشان مش بيتابع الشغل كويس. والله اعلم.. و العهدة علي الراوي..

طالما في المعادي.. جرب الاتنين اللي قولتلك عليهم دول,, و شوف هترتاح مع مين فيهم اكتر..

كل واحد بيشتغل ع مزاجو وياريت شغل كويس كله شغل ع الماشي

ربنا يكون ف عون الجميع

اة ياعم محمد فى اة الياس خلاص تمالك نفسك خلى الولد الصغير يعيش
اولا انت اة المشكلة عندك الاول بص عدة نصائح وعصارة السنين فى المركة بتاعت عمو منصور دية ابو الحرمية الكبير
1- لازم تعرف اة العيب وتقتنع بشكل كامل انة العيب ويتصلح امامك
2- اياك تسيب العربية وتمشى مهما كانت الظروف
3- جيب قطع غيارك بنفسك قبل ميشتغل سواء استيراد جديد واسئل فى الثنين ولف ودور وخد وقتك عشان تشترى الصح والاصح للعربية
4- اتفق على المصنعية قبل الشغل وانت لازم تقدر الشغل
5- اياك واياك تزعل حد هناك او تخش تتتنك عليهم لانهم نفسوين شوية
6- لازم تستشير كذا مكنيكى تثق فيهم قبل البدئ فى العمل للتاكد تمام الثقة من العيب
7- تستشير زوى الخبرة فى هذة السيارة سواء هنا او اى مكان اخر
8- اياك تفهم المكنيكى انك فاهم بس تبعة عشان لو حب يعمل حاجة يعملها امامك على اساس انك غلبان وطيب
9- واتمنا ليك كل التوفيق فى محولات أيجاد مكنيكى كويس
لو هتيجى مدينة نصر انا ممكن اوصفلك حد كويس بس يستحسن يكون حد جنبك