للرحمة من المقارنات الساخنة
انا حبيت اكتب الموضوع ده عشان نسهل علي كل اللي عايز يجيب عربية والمقارنات بتوديه وتجيبه
الفكره ببساطه هي عمل موضوع في كل قسم عن عيوب كل عربية
يعني علي سبيل المثال وليس الحصر في قسم الشيفروليه يكون في موضوع اسمه "ما حول عربيات شيفروليه" ويكون متقسم الي 5 موضوعات وهي عن كل عربية اللانوس والكروز وهكذا وفي كل موضوع الناس تكتب ارائها عن العربية من الملاك فقط لاغير ومثلا في اللانوس هنجمع نقط لكل حاجة من حيث الثبات والموتور وخلافة ويكون في لسته عن الاداء والتسارع وخلافة وعن طريق جمع النقط بالنسبة لعدد المشاركين في الموضوع هتاخد رقم في % وهكذا في كل ماركة وبكدة لما يحب حد يعمل مقارنة هيعملها بالارقام وبرده هيكون تقييمات العضاء موجودة عشان التاكد
يعني عشان اعرف مثلا اللانوس تناسبني ولا لأ ادخل موضوع " ما حول شيفروليه " ومنه للانوس وبعد كدة يكون في مشاركات الاعضاء للي يحب يشوفها او يدخل علي "التقيييم العام" وفي التقييم العام تكون الادارة عاملة تقسيمة مكونة من مميزات العربية وعيوب عامة وعيوب فردية
المميزات هتكون واضحة من الاعضاء والعيوب العامه بتكون حاجة عامة في العربية ان كان فيها هي او توكيل او اي شيء والعيوب الفردية بتكون لشخص واحد ان كان عيب صناعة او اي حاجة
وبرده يكون الموضوع ده لسنة واحدة يعني موديل 2009 غير 2010 وهكذا
ارجو من الادارة التجاوب وايه راي الاعضاء